హిందువుల సంఘటనే హిందుత్వపు సనాతన ధర్మం అని రాష్ట్రీయ స్వయంసేవక్ సంఘ్ సర్ కార్యవాహ దత్తాత్రేయ హోసబళే అన్నారు. వ్యక్తిత్వ నిర్మాణం, సామాజిక వ్యవస్థీకరణ అనేవి సంఘ్ యొక్క మౌలిక సిద్ధాంతాలని అన్నారు. అయితే కాల అవసరాలకు, కాలానుగుణంగా నిర్మాణాత్మక సామాజిక పరివర్తన కోసం ఆరెస్సెస్ సమాజం ముందు ‘‘పంచ పరివర్తన’’ అనే దానిని వుంచిందన్నారు.
పూణెలోని స్నేహ మిళన్ఖ, పరివార్ ప్రబోధన్ అనే కార్యక్రమం నేషనల్ ఇనిస్టిట్యూట్ ఆఫ్ నేచురోపతి లో జరిగింది. దీనికి ముఖ్య వక్తగా దత్తాత్రేయ హోసబళే హాజరయ్యారు. ఈ సందర్భంగా ఆయన మాట్లాడుతూ పంచపరివర్తనలోని సామాజిక సమరసత, కుటుంబ ప్రబోధన్, స్వదేశీ, పర్యావరణ పరిరక్షణ, పౌర విధులు అనేవి ప్రస్తుతం యుగంలో హిందుత్వానికి యుగధర్మం అని అభివర్ణించారు.
కుల వివక్ష అనేది దైవ సంకల్పానికి విరుద్ధమైన భావన అని పేర్కొన్నారు.హిందూ సమాజంలో దానికి ఎలాంటి స్థానమూ లేదని, సమాజం నుంచి ఈ వివక్ష పూర్తిగా నిర్మూలింపబడాలని ఆకాంక్షించారు. పర్యావరణ పరిరక్షణకు కేవలం చట్టాలను రూపొందించడం మాత్రమే సరిపోదు; దానికి బదులుగా, నిత్య జీవితంలో ఆ విలువల పెంపకం ద్వారా అది మరింత బలపడాలని అన్నారు.
పౌరులకు రాజ్యాంగం ద్వారా సంక్రమించిన హక్కులతో పాటు, తమ విధులకు సంబంధించిన స్పృహ కూడా వుండాలని సూచించారు. కుటుంబం అనేది దేశానికి ఆర్థిక మరియు సామాజిక ప్రమాణం అని అభివర్ణించారు. దేశంపై అనేక సంవత్సరాలుగా విదేశీ దండయాత్రలు జరిగినా.. కుటుంబ వ్యవస్థ కారణంగానే భారత్ తట్టుకొని నిలబడిందన్నారు. అయితే, నేటి సాంకేతిక యుగంలో, పాశ్చాత్య దేశాలను గుడ్డిగా అనుకరించడం మన కుటుంబ వ్యవస్థకు ఒక పెను సవాలుగా పరిణమించిందన్నారు.
‘‘మహారాష్ట్రలో నివసించే ప్రతి ఒక్కరూ మరాఠీ భాషను తప్పక తెలుసుకొని ఉండాలి.భారతదేశంలోని ప్రతి భాషలోనూ ప్రపంచ స్థాయి సాహిత్యం సృష్టించబడింది. నిస్సందేహంగా, పిల్లలకు విదేశీ భాషలను నేర్పించండి; కానీ, తమ మాతృభాషను మాట్లాడటంలో ఎటువంటి న్యూనతా భావం ఉండకూడదు. కేవలం తమ భాష మరియు సంస్కృతి పట్ల గర్వం కలిగి ఉండటం మాత్రమే సరిపోదు; దాన్ని దైనందిన జీవితంలో ఆచరించడం కూడా అత్యంత ఆవశ్యకం.” అని పేర్కొన్నారు.
