సనాతన ధర్మం నుండి వేరైన మనవారిని తిరిగి స్వధర్మంలోకి తీసుకువచ్చే దిశగా అనేక కార్యక్రమాలు జరుగుతున్నాయి. అందులో భాగంగానే స్వధర్మానికి వారిని తీసుకువచ్చే క్రమంలో ఎదురయ్యే సవాళ్లు ఏమిటి,వాటిని ఏవిధంగా పరిష్కరించాలి అనే విషయాలను చర్చిస్తూ ఈ నెల 8వ (ఫిబ్రవరి 8)తేదీన న్యూఢిల్లీలో ‘ఘర్ వాపసీ సమ్మేళన్’ అనే కార్యక్రమం జరిగింది . ఈ కార్యక్రమానికి 25 కి పైగా సంస్థల ప్రతినిధులు, న్యాయవాదులు, పారిశ్రామికవేత్తలు , స్వధర్మాచరణలో నిమగ్నమైన కార్యకర్తలు పాల్గొన్నారు.
ఈ కార్యక్రమంలో భాగంగా ఘర్ వాపసీ చేస్తున్నప్పుడు వచ్చే వివిధ సామాజిక, చట్టపరమైన, ఆర్థిక, రాజకీయ సమస్యలపై వివరంగా చర్చించారు. అదే సమయంలో, ఈ సవాళ్లను సమర్థవంతంగా ఎదుర్కోవటానికి నిర్దిష్ట ఆచరణాత్మక చర్యలు కూడా చర్చించబడ్డాయి. ఈ కార్యక్రమంలో భాగంగా దేశవ్యాప్తంగా ఘర్ వాపసీ చేస్తున్న సంస్థలు, వ్యక్తుల మధ్య సమన్వయం, కమ్యూనికేషన్ సహకారాన్ని బలోపేతం చేసే లక్ష్యంతో ప్రత్యేక డిజిటల్ platform-www.sanatansamvaad.com అధికారికంగా ఆవిష్కరణ జరిగింది.
భారతదేశ సాంస్కృతిక వారసత్వం, జాతీయ భద్రత సనాతన సంప్రదాయాల పరిరక్షణ కోసం, ఘర్ వాపసీ అభియాన్ ను దేశవ్యాప్తంగా నిర్వహించాలని, సమాజంలో అవగాహన పెంచడానికి సమిష్టితో కూడిన నిరంతర ప్రయత్నాలు జరుగుతాయని సదస్సులో తీర్మానించారు. ఈ కార్యక్రమాన్ని హిందూ జనజాగృతి సమితి, సనాతన్ ఘర్వాపసా ఫౌండేషన్ , సనాతన సంవాద్ సంయుక్తంగా నిర్వహించాయి.
