రాకెట్ ప్రయోగం విజయవంతం కావాలంటూ ఇస్రో ఛైర్మన్ ప్రత్యేక పూజలు

ఇస్రో ఛైర్మన్ డాక్టర్ సోమనాధ్ శనివారం ఉదయం సూళ్లూరుపేటలోని శ్రీ చెంగాలమ్మ పరమేశ్వరీ అమ్మవారిని దర్శించుకున్నారు. అనంతరం ఆయన మీడియాతో మాట్లాడుతూ జీఎస్ఎల్వీ ఎఫ్-14 (Gslv. F-14) రాకెట్ ప్రయోగం విజయవంతం కావాలని ప్రత్యేక పూజలు చేసినట్లు చెప్పారు. శనివారం సాయంత్రం 5 గంటల 35 నిమిషాలకు షార్ నుంచి జీఎస్ఎల్వీ ఎఫ్-14 రాకెట్ ప్రయోగం విజయవంతం చేస్తామన్నారు. ఈ ప్రయోగానికి సంబంధించి కౌంట్ డౌన్ ప్రక్రియ సజావుగా సాగుతోందన్నారు. ఇన్‌స్టా 3డీ (INSAT. 3D) సీరీస్‌లో ఈ ఇన్‌స్టా 3డీఎస్ మూడవ ఉపగ్రహం.. GSLV.. F-15 ,PSLV, SSLV. D3,, RLV.. TD రాకెట్ ప్రయోగాలను మరో రెండు మూడు నెలల వ్యవధిలో చేపడతామన్నారు.