న్యూఢిల్లీ: భారత జాతీయ భద్రత, విదేశీ సంబంధాలు, పబ్లిక్ ఆర్డర్కు సంబంధించిన తప్పుడు సమాచారాన్ని వ్యాప్తి చేసినందుకు సమాచార, ప్రసార మంత్రిత్వ శాఖ 10 భారతీయ, 6 పాకిస్తాన్ ఆధారిత ఛానెల్లతో సహా 16 యూట్యూబ్ వార్తా ఛానెళ్ళను బ్లాక్ చేసింది.
సమాచార & ప్రసార మంత్రిత్వ శాఖ ప్రకారం, భారతదేశంలో భయాందోళనలను సృష్టించడానికి, మత సామరస్యాన్ని ప్రేరేపించడానికి, పబ్లిక్ ఆర్డర్కు భంగం కలిగించడానికి యూట్యూబ్ ఛానెల్లు తప్పుడు, ధ్రువీకరించని సమాచారాన్ని వ్యాప్తి చేస్తున్నాయి.
బ్లాక్ చేయబడిన సోషల్ మీడియా ఖాతాల్లో ఆరు పాకిస్తాన్ ఆధారిత, 10 భారతదేశానికి చెందిన యూట్యూబ్ న్యూస్ ఛానెల్లు ఉన్నాయి. ఇవి 68 కోట్లకు పైగా వీక్షకుల సంఖ్యను కలిగి ఉన్నాయి.
ఐటి రూల్స్, 2021లోని రూల్ 18 ప్రకారం డిజిటల్ న్యూస్ పబ్లిషర్లు ఎవరూ మంత్రిత్వ శాఖకు సమాచారం అందించలేదని ప్రభుత్వం తెలిపింది.
భారతదేశానికి చెందిన కొన్ని యూట్యూబ్ ఛానెల్లు ప్రచురించిన కంటెంట్లో ఒక కమ్యూనిటీని ఉగ్రవాదులుగా పేర్కొన్నారని, వివిధ మత వర్గాల సభ్యుల మధ్య విద్వేషాన్ని రెచ్చగొట్టారని మంత్రిత్వ శాఖ తెలిపింది. ఇటువంటి కంటెంట్ మత సామరస్యాన్ని సృష్టించే, పబ్లిక్ ఆర్డర్కు భంగం కలిగించే సామర్థ్యాన్ని కలిగి ఉన్నట్టు కనుగొనబడింది.
ఉక్రెయిన్లోని పరిస్థితుల దృష్ట్యా భారత సైన్యం, జమ్మూ కాశ్మీర్, భారతదేశం విదేశీ సంబంధాల వంటి వివిధ విషయాలపై భారతదేశం గురించి తప్పుడు వార్తలను పోస్ట్ చేయడానికి పాకిస్తాన్లోని యూట్యూబ్ ఛానెల్లు సమన్వయంతో ఉపయోగించబడినట్టు కనుగొనబడిందని సంబంధిత అధికారులు తెలిపారు.
Source: Organiser
