699views
-
ఏఫ్ఏటీఏఫ్ వెల్లడి
న్యూఢిల్లీ: ఉగ్రవాదులను పెంచిపోషిస్తున్న పాకిస్తాన్ దేశానికి ఇది పిడుగుపాటు! అంతర్జాతీయ ఆర్థిక సాయం పొందే విషయంలో పాకిస్థాన్కు ఎదురుదెబ్బ తగిలింది. ఆ దేశాన్ని ‘గ్రే’ లిస్టులోనే కొనసాగించాలని ఫైనాన్షియల్ యాక్షన్ టాస్క్ఫోర్స్ (FATF) నిర్ణయించింది. నిర్దేశించిన 34 విధుల్లో 30 విధులను మాత్రమే నిర్వర్తించినందున ఈ నిర్ణయం తీసుకుంది. ఈ మేరకు వర్చవల్గా నిర్వహించిన ప్లీనరీ సమావేశంలో ఎఫ్ఏటీఎఫ్ అధ్యక్షుడు మార్కస్ ప్లీయర్ తెలిపారు. ఐక్యరాజ్య సమితి గుర్తించిన ఉగ్రవాదులు హఫీజ్ సాయిద్, మసూద్ అజర్ సహా వారి బృందాలకు వ్యతిరేకంగా తీసుకుంటున్న చర్యలను పాక్ పెంచాల్సిన అవసరం ఉందని ఎఫ్ఏటీఎఫ్ పేర్కొంది.
