శాసనసభ వేదికగా డీఎంకే ఎమ్మెల్యే, మాజీ మంత్రి ఉదయ నిధి స్టాలిన్ చేసిన వ్యాఖ్యలపై విశ్వహిందూ పరిషత్ తీవ్రంగా స్పందించింది. ఆయన వ్యాఖ్యలను తాము ఖండిస్తున్నామని VHP అంతర్జాతీయ అధ్యక్షులు అలోక్ కుమార్ ప్రకటించారు. ఇతర మతాలపై ఇలాంటి వ్యాఖ్యలు చేసే దమ్ము ఆయనకు వుందా? ఇలాంటి వ్యాఖ్యలను ఇతర మతాలపై చేస్తారా? అంటూ సూటిగా ప్రశ్నించారు. సనాతన హిందూ మతాన్ని, దాని విశ్వాసాలను నిరంతరం అవమానించడం ప్రజాస్వామ్య మరియు రాజ్యాంగ విలువలకే విరుద్ధమని తేల్చి చెప్పారు.
ఉదయనిధి చేసిన వ్యాఖ్యలను వెంటనే అసెంబ్లీ రికార్డుల నుంచి తొలగించాలని అలోక్ కుమార్ డిమాండ్ చేశారు.సనాతన సంప్రదాయంలో భాగమైన ఆలయాలు, హిందూ సమాజం నుంచి ప్రత్యక్షంగానో, పరోక్షంగానో లబ్ధి పొందుతున్న రాజకీయ కుటుంబాలే ఇప్పుడు సనాతన ధర్మం అంతం కావాలని కోరుకోవడం అత్యంత విడ్డూరమని మండిపడ్డారు.
సనాతన సంప్రదాయాలతో ముడిపడి ఉన్న రాష్ట్రంలోని ప్రసిద్ధ దేవాలయాలు మరియు మతపరమైన ప్రదేశాల నుండి తమిళనాడు ప్రభుత్వం గణనీయమైన ఆదాయాన్ని పొందుతోందని, అయినప్పటికీ, సనాతన వ్యతిరేక మనస్తత్వాన్ని ప్రదర్శించడం అంటే తన కాళ్ళ మీద తానే కాల్చుకోవడంతో సమానమని అన్నారు.
అయితే.. సనాతన ధర్మాన్ని, హిందూ విశ్వాసాలను గౌరవించడానికి విజయ్ సారథ్యంలోని కొత్త ప్రభుత్వం అనుకూలంగా వుందా? లేదా? అనే విషయంపై సీఎం విజయ్ వెంటనే తన వైఖరిని స్పష్టం చేయాలని డిమాండ్ చేశారు.అటువంటి అత్యంత అభ్యంతరకరమైన మరియు విభజన కలిగించే ప్రకటనలను అసెంబ్లీ కార్యకలాపాల నుండి తక్షణమే తొలగించాలని, భవిష్యత్తులో ఇలాంటి సంఘటనలు పునరావృతం కాకుండా నిరోధించడానికి అవసరమైన చర్యలు తీసుకోవాలని ఆయన డిమాండ్ చేశారు.
