ప్రముఖ హిందూ పుణ్యక్షేత్రం అయిన కేదార్నాథ్ ఆలయంలో మొబైల్ ఫోన్ల వినియోగంపై ఆలయ నిర్వాహకులు నిషేధం విధించారు. భక్తులు దర్శన సమయంలో మొబైల్ ఫోన్లను ఉపయోగించడం, ఫోటోలు లేదా వీడియోలు తీయడం పూర్తిగా నిషేధించబడినట్లు అధికారులు వెల్లడించారు.
ఆలయంలో ఆధ్యాత్మిక వాతావరణాన్ని కాపాడడం, భక్తులకు ప్రశాంతమైన దర్శన అనుభవం కల్పించడం లక్ష్యంగా ఈ నిర్ణయం తీసుకున్నట్లు తెలిపారు. ఇటీవల కొందరు భక్తులు సెల్ఫీలు తీసుకోవడం, వీడియోలు చిత్రీకరించడం వల్ల ఇతరులకు అసౌకర్యం కలుగుతున్నట్లు ఫిర్యాదులు రావడంతో ఈ చర్యలు చేపట్టారు.
అలాగే భద్రతా కారణాల దృష్ట్యా కూడా ఈ నిర్ణయం తీసుకున్నట్లు అధికారులు పేర్కొన్నారు. ఆలయం పరిసరాల్లో భద్రతా సిబ్బంది పర్యవేక్షణను పెంచి, నిబంధనలు ఉల్లంఘించే వారిపై చర్యలు తీసుకుంటామని హెచ్చరించారు.
గుడిలో ఆధ్యాత్మిక వాతావరణాన్ని పెంపొందించడానికి, యాత్రికులకు సజావుగా దర్శనం కలుగడానికి ఈ నిర్ణయం తీసుకున్నట్టు ఆలయ కమిటీ సభ్యుడు వినీత్ పొస్తి తెలిపారు.
