గిరిజన ప్రాంతాల్లో హిందూయేతరులు చేరి, ప్రయోజనం పొందకూడదని ప్రముఖ గుజరాత్ భాగవత కథకుడు పూజ్య రమేష్ భాయ్ ఓజా స్పష్టం చేశారు. గిరిజన సమాజ సర్వతోముఖాభివృద్ధికి పాటుపడుతున్న అఖిల భారత వనవాసి కళ్యాణ్ ఆశ్రమం ఆధ్వర్యంలో నిర్వహిస్తున్న మూడు రోజుల కార్యకర్తల సదస్సును హర్యానాలోని సమల్ఖాలోని సేవా సాధన, గ్రామ వికాస్ కేంద్రంలో ప్రముఖ భగవత్ ప్రారంభించారు.
ఈ సందర్భంగా కార్యకర్తలనుద్దేశించి రమేష్ భాయ్ తన ఆశీస్సులలో మాట్లాడుతూ మన పని దాన ధర్మం కాదు సాధన అని తెలిపారు. కలిసి జీవించడానికి దేవుడు మనందరికీ జీవితాన్ని ఇచ్చాడని, భాగస్వామ్యంతో జీవితాన్ని గడపాలని సూచించారు.
ఆయన ప్రసంగంలో మూడు సందేశాలు ఉన్నాయి – మనిషి మనిషితో ఎలా ప్రవర్తించాలి, మొత్తం సృష్టి, జీవరాశులతో ఎలా ప్రవర్తించాలి, ప్రకృతితో ఎలా ప్రవర్తించాలి అని వివరించారు. ఈ మూడు చర్యలు మనిషి యాగాన్ని ఉన్నత స్థాయికి తీసుకెళ్తాయని, ఇవి సమాజ సంక్షేమం మరియు దేనిర్మాణానికి సహాయపడతాయని ఆయన తెలిపారు. దేశ సమగ్రత, సమైక్యత చెక్కుచెదరకుండా ఉండాలంటే గిరిజన ప్రాంతాల్లో కథలు, ఉపన్యాసాలు చేయాలని ఋషులు, సాధువులందరికీ కూడా చెబుతూనే ఉంటానని పేర్కొన్నారు.
ఆర్‌ఎస్‌ఎస్ సహ్ సర్కార్యవహ్ రామ్ దత్ జీ మాట్లాడుతూ 3 సంవత్సరాల తర్వాత వనవాసి కళ్యాణ్ ఆశ్రమం 75 సంవత్సరాలు పూర్తి చేసుకుంటుందని తెలిపారు. మనకు పని లేని తెగల మధ్య మన పనిని విస్తృతం చేస్తామంటూ కార్యకర్తలు అందరూ ఇక్కడి నుండి ప్రతిజ్ఞ చేయాలని సూచించారు. వేదికపై జాతీయ గిరిజన కమిషన్‌ చైర్మన్‌ అంతర్‌సింగ్‌ ఆర్య, కల్యాణ్‌ ఆశ్రమ సత్యేంద్ర సింగ్‌, ఉపాధ్యక్షులు హెచ్‌కే నాగు, టెక్కీ గుబిన్‌, ప్రధాన కార్యదర్శి యోగేశ్‌ బాపట్‌, సంస్థ మంత్రి అతుల్‌ జోగ్‌, మధ్యప్రదేశ్‌ గిరిజన సలహా కమిటీ సభ్యురాలు ఊర్మిళా భారతి, హర్యానా యూనిట్‌ అధ్యక్షుడు రామ్‌బాబు పాల్గొన్నారు.
అండమాన్ నికోబార్ దీవులు, లడఖ్, జమ్మూకాశ్మీర్, పూర్వాంచల్, దక్షిణ భారత రాష్ట్రాలతో సహా దేశంలోని అన్ని రాష్ట్రాల నుండి గిరిజన ప్రతినిధులు, కార్యకర్తలు హాజరయ్యారు. మూడు రోజులపాటు జరిగే ఈ సదస్సులో దేశంలోని వివిధ ప్రాంతాల్లో వనవాసి కల్యాణ్‌ ఆశ్రమ కార్యకలాపాలు, కార్యక్రమాలతోపాటు వివిధ అంశాలపై 12 సెషన్‌లలో చర్చించనున్నారు.
అఖిల భారత వనవాసి కళ్యాణ్ ఆశ్రమం దేశంలోని 17,394 ప్రదేశాలలో వివిధ ప్రావిన్స్‌లలో అనుబంధ యూనిట్ల ద్వారా గిరిజన సమాజ సర్వతోముఖాభివృద్ధికి విద్య, ఆరోగ్యం, గ్రామాభివృద్ధి, స్వావలంబన మొదలైన 22,152 ప్రాజెక్టులను నడుపుతుంది.వనవాసి కళ్యాణ్ ఆశ్రమం ప్రతి మూడు సంవత్సరాలకు ఒకసారి అఖిల భారత కార్యకర్తల సదస్సు నిర్వహిస్తుంది. సెప్టెంబరు 21 సాయంత్రం దేశంలోని 80 వివిధ తెగల ప్రతినిధులు తమ ఆచారాలు, సంప్రదాయాల ప్రకారం పూజా విధానాలను ప్రదర్శించి ఐక్యతా సందేశాన్ని ఇస్తారు. గిరిజన సోదరులు, సోదరీమణులు సాంస్కృతిక కార్యక్రమాలను ప్రదర్శిస్తారు.
