హిందూ వ్యతిరేకతను చాటేలా ఐఐటీ బాంబేలోని హుమానిటీస్ అండ్ సోషల్ సైన్సెస్ (హెచ్ఎస్ఎస్) విభాగం నిర్వహించిన పీహెచ్డీ ప్రవేశపరీక్ష వివాదాస్పదంగా మారింది. ఈ విభాగంలోని హిందూ వ్యతిరేక ప్రొఫెసర్లు మే 7, 2024వ తేదీన నిర్వహించిన ప్రవేశపరీక్ష ప్రశ్నాపత్రంలో హిందుత్వను అవమానిస్తూ హైందవానికి “పెత్తందారీ, ఆధిపత్య” తత్వాలను ఆపాదించారు. What does Antonio Gramsci mean by hegemony? Is Hindutva, hegemony or counter-hegemony? Discuss… అంటూ ఆ ప్రశ్నాత్రంలోని సెక్షన్ 2లో 4వ ప్రశ్నగా దీనిని ఇచ్చారు.
హెచ్ఎస్ఎస్ విద్యార్థులు ఈ ప్రశాపత్రం తయారీ, పరీక్ష నిర్వహణ తీరుపై తీవ్ర నిరసన వ్యక్తం చేస్తున్నారు. ఈ విభాగంలో పెరుగుతున్న హిందూ వ్యతిరేక, జాతీయవాద వ్యతిరేక ధోరణులు ఆందోళన కలిగిస్తున్నాయని పేర్కొన్నారు. అంతేగాక ఇదే కోణంలో అతివాద భావజాలం కలిగిన ఉపన్యాసకులను పిలిపించి ప్రసంగాలు చేయిస్తూ విద్యాసంస్థలోని సుహృద్భావ వాతావరణానికి భంగం కలిగిస్తున్నారని ఆవేదన వ్యక్తం చేస్తున్నారు.
ఈ పరిణామం ప్రతిష్ఠాత్మక ఐఐటీ-బాంబే విద్యాసంస్థ సమగ్రత, విద్యాసంస్థల నిర్వహణలో నిష్పాక్షికతపై వాడివేడి చర్చను రేకెత్తించింది. దీనిపై సంస్థ యంత్రాంగం ఎలా స్పందిస్తుందో… మున్ముందు నిర్వహించే పరీక్షల్లో ఇటువంటి సమస్యలు తలెత్తకుండా ఏం చర్యలు తీసుకుంటుందో చూడాల్సి ఉంది.
