భారత తీర రక్షక దళం అంబుల పొదిలోకి వేగవంతమైన మరో 14 గస్తీ నౌకలు (ఎఫ్పీవీ) చేరనున్నట్లు రక్షణశాఖ ప్రకటించింది. ఇందుకోసం మజ్గావ్డాక్ షిప్ బిల్డర్స్ లిమిటెడ్(ఎండీఎల్)తో రూ.1,070 కోట్ల ఒప్పందం కుదుర్చుకున్నట్లు బుధవారం వెల్లడించింది. బహుళపాత్రను పోషించే ఈ నౌకలు దేశీయంగా నిర్మాణమై 63 నెలల్లో తీర రక్షణ దళంలో చేరతాయని తెలిపింది.
అధునాతన సాంకేతిక పరికరాలతో పాటు, బహుళ పాత్రను పోషించే డ్రోన్లు, సముద్ర గర్భంలో రక్షించగలిగే వైర్లెస్ వ్యవస్థ, కృత్రిమ మేధ సామర్థ్యం ఈ ఎఫ్పీవీల్లో ఉండనున్నాయంది. నిఘా, అక్రమరవాణా వ్యతిరేక కార్యకలాపాల పట్ల ఎఫ్పీవీలు కీలక పాత్ర పోషిస్తాయని తెలిపింది. ‘‘సముద్ర భద్రతపై ప్రభుత్వ దృష్టిని బలోపేతం చేయడమే దీని ముఖ్య ఉద్దేశం. ఆత్మ నిర్భర్ భారత్లో భాగంగా స్వదేశీ నౌకానిర్మాణ సామర్థ్యాన్ని ఈ ఒప్పందం పెంచుతుంది, సముద్ర ఆర్థిక కార్యకలాపాలను ప్రోత్సహించడంతోపాటు సూక్ష్మ, చిన్న, మధ్యతరహా వ్యాపారాన్ని వృద్ధి చేస్తుంది’’ అని రక్షణశాఖ పేర్కొంది.
