News

పోలీసుల అదుపులో సింఘు హత్య నిందితుడు

200views

సింఘు సరిహద్దులో కొందరు దుండగులు శుక్రవారంనాడు ఒక వ్యక్తిని దారుణంగా హత్య చేసిన సంగతి తీలిసిందే. ఆ హత్యకు బాధ్యత వహిస్తూ లొంగిపోయిన నిహాంగ్ సిక్కు సభ్యుడు సరవ్ ‌జీత్ సింగ్ ‌ను పోలీసులు శనివారం సోనిపట్ ‌లోని కోర్టు ముందు హాజరుపరిచారు. అతనికి కోర్టు వారం రోజుల రిమాండు విధించింది. సరవ్ ‌జీత్ ఈ కేసులో మరో నలుగురి పేర్లను వెల్లడించడంతో వారిని గుర్తించడం కోసం పోలీసులు అతన్ని పంజాబ్ ‌కు తీసుకువెళ్లనున్నారు.

విశ్వసనీయ వర్గాల సమాచారం శుక్రవారం తెల్లవారుజామున నిహాంగ్ సిక్కుల బృందంతో గత 3,4 రోజుల నుంచి సింఘు సరిహద్దుల్లో ఉన్న లఖ్‌ర్ ‌పై పవిత్ర సరబ్‌లోహ్ గ్రంథాన్ని అపవిత్రం చేసినట్టు ఆరోపణలు వచ్చాయి. దీనిపై సహచరులు వేసిన ప్రశ్నలకు లఖ్‌ర్ సరైన సమాధానం చెప్పలేకపోవడంతో వాదన ముదిరి హింసాత్మకంగా మారింది. ఈ గందరగోళం మధ్య నిందితులు అతని చేతిని నరికివేసినట్టు చెబుతున్నారు. ఛిద్రం చేసిన అతని మృతదేహాన్ని ఢిల్లీ హర్యానా సరిహద్దు వద్దనున్న ఒక పోలీస్ బారికేడ్ కు కట్టివేసి ఉండగా పోలీసులు కనుగొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.