కడప నగరంలోని ఆల్మాస్పేట సర్కిల్ వద్ద శుక్రవారం తీవ్ర ఉద్రిక్త పరిస్థితులు నెలకొన్నాయి. చారిత్రకంగా వివాదాస్పదుడిగా భావించే టిప్పు సుల్తాన్ పేరు సర్కిల్కు కొనసాగించడాన్ని హిందూ సంఘాలు తీవ్రంగా వ్యతిరేకించాయి. సర్కిల్కు “హనుమాన్ సర్కిల్”గా పేరు మార్చాలని డిమాండ్ చేస్తూ హిందూ సంఘాలు ఆందోళన చేపట్టాయి.
హిందూ సంఘాల ప్రకారం, హిందూ దేవాలయాల విధ్వంసం, హిందువులపై దాడులతో టిప్పు సుల్తాన్ పేరు చరిత్రలో వివాదాస్పదంగా నిలిచిందని, అలాంటి వ్యక్తి పేరును ప్రజా ప్రదేశాలకు పెట్టడం భావోద్వేగాలను దెబ్బతీస్తోందని పేర్కొన్నారు. ఈ నేపథ్యంలో ఆల్మాస్పేట సర్కిల్కు హనుమాన్ పేరు పెట్టాలని డిమాండ్ చేశారు.
ఇదిలా ఉండగా, ముస్లిం వర్గం టిప్పు సుల్తాన్ పేరును కొనసాగించాలని పట్టుబట్టడంతో ఇరువర్గాల మధ్య ఉద్రిక్తత నెలకొంది. ఇరువర్గాలకు చెందిన మద్దతుదారులు భారీ సంఖ్యలో అక్కడకు చేరుకుని నినాదాలు చేశారు. పరిస్థితి అదుపుతప్పడంతో పరస్పరం రాళ్ల దాడులు జరిగినట్లు సమాచారం.
ఈ ఘటనలో పోలీసులు లాఠీచార్జి చేసి ఇరువర్గాలను చెదరగొట్టారు. ప్రస్తుతం ప్రాంతంలో భారీ పోలీసు బందోబస్తు ఏర్పాటు చేసి పరిస్థితిని పర్యవేక్షిస్తున్నారు.
