అయోధ్య రామమందిరం నుండి తెచ్చిన శ్రీరాముని అక్షింతలను శుక్రవారం సాయంత్రం గుంటూరు జిల్లా తాడేపల్లిలోని నులక పేట చైతన్యతపోవన్ శివకేశవ ఆలయంలో మాత శివానంద సరస్వతి చేతుల మీదగా సుమారు 200 మంది భక్తులకు అక్షింతలు పంపిణీ చేశారు. ఈ సందర్భంగా శివానంద సరస్వతి మాట్లాడుతూ నవంబర్ 14వ తేదీన అయోధ్య రామ మందిరం శ్రీరాముని అక్షంతలను కేశవాలయనికి రావడం జరిగిందని, ఈ అక్షంతలను సుమారు 200 మంది భక్తులకు పంపిణీ చేయడం జరిగిందని తెలిపారు.
ఈ అక్షింతలు ప్రతి గ్రామంలోని ప్రతి ఇంటికి చేరేలా శ్రీరాముని ఆశీస్సులు ఉండే విధంగా ఈ కార్యక్రమం నిర్వహిస్తున్నట్లు తెలిపారు.ఈ కార్యక్రమంలో ఆర్ ఎస్ ఎస్ నాయకులు నరసయ్య,శ్రీకాంత్ రెడ్డి, ఎన్టీఆర్ జిల్లా అభియాన్ ప్రముఖ్ వెంకటేశ్వరరెడ్డి,బిజెపి తాడేపల్లి పట్టణ కన్వీనర్ టంకశాల ఈశ్వర్ నాయుడు, విభాగ్ వ్యవస్థ ప్రముఖ దివ్వెల కృష్ణ,తదితరులు పాల్గొన్నారు.
