వైద్య శాస్త్ర విజయాలను క్రీస్తు అద్భుతాలుగా ప్రచారం చేస్తున్న క్రిస్టియన్ మెడికల్ అసోసియేషన్ ఆఫ్ ఇండియాపై కేసు నమోదు
క్రైస్తవ డాక్టర్లు మరియు ఆరోగ్య కార్యకర్తల సంస్థ క్రిస్టియన్ మెడికల్ అసోసియేషన్ ఆఫ్ ఇండియా (CMAI) విదేశీ నిధుల నియంత్రణ చట్టం (FCRA) నిబంధనలను ఉల్లంఘించిందని, అనైతిక చర్యలకు పాల్పడిందని లీగల్ రైట్స్ అబ్జర్వేటరీ (LRO) వెల్లడించింది. భారత్ లో మత మార్పిడులకు పాల్పడడం కోసం FCRA నిబంధనలకు విరుద్ధంగా CMAI, 83.95 కోట్ల విదేశీ నిధులను సేకరించినట్లుగా CMAI పై అభియోగాలున్నాయి. ఇండియన్ మెడికల్ అసోసియేషన్ (IMA) అధ్యక్షుడు డాక్టర్ జాన్ రోజ్ ఆస్టిన్ జై లాల్ CMAI ట్రస్ట్ సభ్యులలో ఒకరిగా వ్యవహరిస్తున్నారు. ఆయన తన స్థాయిని, అధికారాన్ని మతమార్పిడుల కోసం వినియోగిస్తున్నాడంటూ ఆయనపై వచ్చిన ఆరోపణలకు ఇది కూడా ఒక బలమైన సాక్ష్యంగా నిలచింది.
తమ మత మార్పిడి ప్రయత్నాలను, కృషిని బహిరంగంగా ప్రకటించే డాక్టర్ జయ లాల్ మరియు CMAI కి చెందిన ఆరోగ్య కార్యకర్తలు మరియు ఇతర క్రైస్తవ మతపెద్దల ప్రకటనలకు CMAI తన ఫేస్బుక్ పేజీ ద్వారా విస్తృత ప్రచారం కల్పిస్తూనే ఉంది. “మనమందరం కలిసి నడవాలి. గొప్ప విజయాలు సాధించగలిగేలా పురోగతిని పొందుతాము. ఒకే హృదయము, ఓకే బుద్ధితో పనిచేసి ఏసుక్రీస్తును ఆరోగ్య పరిరక్షకునిగా ఆవిష్కరిస్తాము.” అని డాక్టర్ అరుళ్ అంకెటెల్ CMAI జాతీయ సభలలో ప్రకటించారు. ఈ సభలలో భారతదేశం నలుమూలల నుంచి వచ్చిన క్రైస్తవ డాక్టర్లు పాల్గొన్నారు.
#EXPOSE Christian Medical Association Of India got Rs 83.95 Cr for blatant evangelization misusing medical science behind façade of social service.
Dr Jayalal @jayalal10 head of @IMAIndiaOrg was its trustee was silent when CMAI openly spread #Church superstitions #FCRAViolation++ pic.twitter.com/Cd4aA3XdzE— Legal Rights Observatory- LRO (@LegalLro) May 29, 2021
ఇందులో ఆందోళనకరమైన విషయం ఏంటంటే CMAI ఆసుపత్రి బెడ్ మీద ఉన్న రోగులపై ఉన్నట్టుండి ప్రేమ చూపించాలని చెబుతూ ఉండడం. వైద్య శాస్త్రాన్ని మత మార్పిడులకు తగినట్లుగా వాడుకోవడానికి అవసరమైన శిక్షణను CMAI కొంతమంది డాక్టర్లకు ఇస్తుంది. CMAI మత స్వేచ్ఛను తన మతమార్పడి కార్యకలాపాలకు ఉపయోగించుకుంటోంది. తన అనుబంధ సంస్థల సభ్యులకు CMAI హోం మంత్రిత్వ శాఖచే అమలు చేయబడుతున్న FCRA చట్టంపై అవగాహన కార్యక్రమాన్ని వెబినార్ ద్వారా నిర్వహించింది. అందులో FCRAను ఉల్లంఘించే మెళకువల గురించి కూడా చర్చించడం విశేషం.
మొత్తానికి CMAI తానందుకుంటున్న విదేశీ నిధులను తన మతమార్పిడి కార్యకలాపాలకు వాడుతున్నట్లుగా వెల్లడయింది. అలా విదేశాల నుంచి నిధులను రాబట్టుకోవడం కోసం CMAI, FCRA నిబంధనలను యథేచ్ఛగా ఉల్లంఘించినట్లు కూడా దర్యాప్తులో తేలింది.
ఆధునిక వైద్య శాస్త్రం ద్వారా లభించిన ఫలితాలను క్రీస్తు అద్భుతాలుగా ప్రచారం చేస్తూ మత మార్పిడులకు పాల్పడుతున్న CMAI కి వెంటనే FCRA రిజిస్ట్రేషన్ ను తొలగించవలసిందిగా లీగల్ రైట్స్ అబ్జర్వేటరీ (LRO) హోం మంత్రిత్వ శాఖను అభ్యర్థించింది.
Source : Organiser.
