వాటికన్ నగరంలోని 500 సంవత్సరాల పురాతన లైబ్రరీలో ఇప్పుడు ముస్లిం ప్రార్థనల కోసం ప్రత్యేక గది కేటాయించారు. ఈ నిర్ణయం సోషల్ మీడియాలో ఆగ్రహాన్ని రేకెత్తించింది. ఈ లైబ్రరీ సుమారు ఐదు వందల సంవత్సరాల పురాతనమైనది. కాథలిక్ చర్చి యొక్క మేధో కార్యకలాపాల కేంద్రంగా పరిగణించబడుతుంది.
ఈ లైబ్రరీలో దాదాపు 80,000 మాన్యుస్క్రిప్ట్లు, రెండు మిలియన్లకు పైగా పుస్తకాలు ఉన్నాయి. లైబ్రరీ వైస్-ప్రిఫెక్ట్ గియాకోమో కార్డినేల్ ఇటాలియన్ వార్తాపత్రిక లా రిపబ్లికాతో మాట్లాడుతూ, “ముస్లిం వ్యక్తులు ప్రార్థన చేయడానికి తివాచీలు ఉన్న గదిని అడిగారు, మేము దానిని వారికి ఇచ్చాము. మా వద్ద చాలా పురాతనమైన ఖురాన్లు ఉన్నాయి.” అని ఆయన చెబుతూ, “మేము ఒక ప్రపంచ గ్రంథాలయం, అరబిక్, యూదు, ఇథియోపియన్ సేకరణలు, అలాగే కొన్ని చైనా నుండి వచ్చాయి. చాలా సంవత్సరాల క్రితం, అలాగే మా వద్ద పురాతన జపనీస్ పుస్తకాలు ఉన్నాయని కూడా మేము కనుక్కున్నాం.” అని అన్నారు.
వాటికన్ గుర్తింపు ఇప్పటికీ మతం ఆధారంగా ఉందనేది కూడా నిజం. వాటికన్ క్రైస్తవ గుర్తింపుకు చిహ్నం. ఇస్లామిక్ నగరాలైన మక్కా, మదీనా బహిరంగంగా ఉన్నప్పటికీ, దృఢంగా మతపరంగా ఉండగా, వాటికన్లో ముస్లింల కోసం ప్రార్థన గదిని ఎలా నిర్మించవచ్చని ప్రజలు ప్రశ్నిస్తున్నారు. మతాంతర గౌరవానికి చిహ్నంగా ప్రతి మతం నుండి పుస్తకాలు అందుబాటులో ఉన్న ప్రపంచ జ్ఞాన కేంద్రంగా లైబ్రరీని స్థాపించే ప్రయత్నంగా తీసుకుంటున్న ఈ చర్య వాటికన్ మతపరమైన గుర్తింపును ఉల్లంఘించదా అని సోషల్ మీడియాలో ప్రజలు ప్రశ్నిస్తున్నారు.
మక్కాలో ముస్లింలు క్రైస్తవుల కోసం ప్రార్థనా మందిరం కేటాయిస్తారా
మక్కాలో క్రైస్తవుల కోసం ప్రార్థనా మందిరం కేటాయిస్తారా అని ప్రజలు ప్రశ్నిస్తున్నారు. ఈ విషయంపై ప్రజలు పోప్ను కూడా లక్ష్యంగా చేసుకుంటున్నారు. ఒక వినియోగదారు సోషల్ మీడియాలో ఇలా రాశారు, “గ్లోబలిస్ట్/కాథలిక్ వ్యతిరేక పోప్ లియో వాటికన్లోని లైబ్రరీలో ముస్లింల కోసం ప్రార్థన కోసం అంకితమైన గదిని కలిగి ఉన్నారని ప్రకటించారు. కాబట్టి అక్కడ ఎందుకు ఆపకూడదు? మొత్తం సెయింట్ బసిలికాను మసీదుగా ఎందుకు మార్చకూడదు? అనేక దేశాలలో ఇస్లాం మతస్థులు కాథలిక్ క్రైస్తవులను చంపుతుంటే, వాటికన్లో ముస్లింలకు నమాజ్ కోసం ఎలా స్థలం ఇస్తారని చాలామంది కోపంగా ఉన్నారు.
క్రైస్తవుల మారణహోమానికి కారణమైన మతానికి వాటికన్లో ఎందుకు స్థానం ఇవ్వాలి?
“మధ్యప్రాచ్యం అంతటా క్రైస్తవుల మారణహోమానికి కారణమైన మతాన్ని వాటికన్కు ఎలా ఆహ్వానించగలం?” అని అడుగుతూ ఒక వినియోగదారు Xలో పోస్ట్ చేశారు.
“నాకు అర్థం కాలేదు, ఎందుకంటే ముస్లింలు ఏదైనా క్రైస్తవ స్థలాన్ని ఆక్రమించినప్పుడు, వారు బహిరంగంగా అదో పండుగగా నమాజు చేస్తూ జరుపుకుంటారు. ఇది వారి మతంలో అత్యున్నత గౌరవంగా పరిగణించబడుతుంది … అలా చేసిన తర్వాత, వారు క్రమక్రమంగా చర్చిని ఆక్రమించుకుంటారు. వారు క్రైస్తవులను తమకంటే తక్కువవారిగా భావిస్తారు ,మనం వారిని ఆహ్వానిస్తున్నామా?” అని ఆయన రాశారు.
కాథలిక్కుల హత్యలను పరిష్కరించడానికి బదులుగా, వాటికన్ ముస్లింల కోసం ప్రార్థన గదిని నిర్మిస్తోందని ప్రజలు కోపంగా ఉన్నారు. క్రైస్తవ మహిళలను లైంగిక బానిసలుగా చేస్తున్నారని, వాటికన్ వారికి ప్రార్థన గదిని అందిస్తోందని ప్రజలు అభిప్రయాపడుతున్నారు.
వాటికన్ చర్యపై సోషల్ మీడియాలో విస్తృతమైన కోపం, ఆగ్రహం ,విచారం వ్యక్తమవుతున్నాయి. ముస్లింలు క్రైస్తవులపై జరిపిన ఊచకోతలు , దురాగతాలను పరిష్కరించడానికి బదులుగా ఇలా ఎందుకు చేస్తున్నారని ప్రజలు అడుగుతున్నారు.
