బాలచంద్రుడు బొంగరాలాట
బ్రహ్మనాయుడు ముద్దుల కొడుకు బాల చంద్రుడు. యుద్దకళల్లో ఆరితేరిన బాల చంద్రుడినికి స్నేహితులు ఎక్కువ. మేడపి గ్రామానికి చెందిన కన్నమదాసు, అనపోతరాజు, చాకలి చందు, మంగళి మల్లు అనే స్నేహితులు ఉన్నట్లు చరిత్రలో ఉంది. బాలచంద్రుడు మాంచాల అనే యువతిని వివాహమాడాడు. బొంగారాలు ఆట అంటే అమితంగా ఇష్టపడే బాలచంద్రుడు ఓ బావి ఒడ్డున నిత్యం బొంగారాలు ఆట ఆడేవాడు. దీంతో ఆ బావిని బొంగరాల బావి అని ఆ ప్రాంతాన్ని బొంగరాల గడ్డ అని పిలుస్తుంటారు.
నేటి నుండి ఉత్సవాలు
ఈ నెల 19 నుంచి 23వ తేదీ వరకు 5 రోజులపాటు గ్రామంలో ఉత్సవాలను అంగరం గ వైభవంగా నిర్వహిస్తారు. ఉత్సవాలలో భాగంగా 19న సాయంత్రం చెన్నకేశవ స్వామి కల్యాణం నిర్వహించారు. 20న రాచగావు, 21న రాయభారం, 22న కోడిపోరు, 23న దీవెన బండారు కార్యక్రమాలను నిర్వహిస్తారు. ఈ సందర్భంగా 20, 21, 22, 23 తేదీలలో రాత్రిపూట మేడపి గ్రామంలో దైవాల ఊరేగింపు కనుల పండువగా నిర్వహిస్తారు.
