#JBH – Vishwa Samvad Kendra Andhra Pradesh

Inaugural function of Laboratory Hall at Jayabharat Hospital, Nellore

Syam Korsipati — Sun, 08 Nov 2020 13:48:08 +0000

Sri Siddhavarapu Madhusudan Reddy donated Rs 10 lakhs for the construction of a laboratory hall in Dr. Mallela Ramaiah College of Nursing which ran by Simhapuri Vaidya Seva Smithi. He handed over the amount to Simhapuri Vaidya Seva Samithi President Shri Sitarami Reddy in memory of his parents Late Dasaratha Ramireddy and Kamakshamma. The hall was inaugurated on Saturday 7.11.2020.

On this occasion, Sri Ponnaluru Sitharamireddy extended special thanks to the donors. While speaking he said “We are running a number of projects through the Sinhapuri Vaidya Seva Sasmithi. As part of this, Jayabharat Hospital is running a special ten-beded hospital for tribals, BSc Nursing College, as well as free medical camps in rural areas and free eye operations “. He said that all these service programs are being run in collaboration with donors and appealed to such donors to come forward and become partners in these service programs widely.

Simhapuri Vaidya Seva Samithi Vice President Shri Balu Subbarao, GVRR College Correspondent Shri Rama Dandu, Vatsalya Secretary Shri Sambashiva Rao, Mahaveer Charitable Trust Secretary Shri JP Jain and Nursing College staff and students were attended in this program.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post Inaugural function of Laboratory Hall at Jayabharat Hospital, Nellore appeared first on Vishwa Samvad Kendra Andhra Pradesh.

జయ భారత్ హాస్పిటల్ (సింహ పురి వైద్య సేవా సమితి) ఆధ్వర్యంలో రక్తదాన శిబిరం

Syam Korsipati — Thu, 16 Apr 2020 15:16:14 +0000

Dr బిఆర్ అంబేద్కర్ జయంతి సందర్భంగా రెడ్ క్రాస్ బ్లడ్ బ్యాంక్ నందు ఈ కార్యక్రమం నిర్వహించడం జరిగినది. ఈ శిభిరం లో 40 మంది రక్త దాతలు రక్త దానం చేశారు. ఈ సందర్బంగా జయ భారత్ హాస్పిటల్ జనరల్ మేనేజర్ మారెళ్ళ గురుప్రసాద్ మాట్లాడుతూ ప్రస్తుతం కోవిద్-19 లాక్ డౌన్ సమయంలో బ్లడ్ బ్యాంక్ లలో రక్తనిల్వలు లేక అత్యవసర కేసులకు రక్తం దొరకక చాలా ఇబ్బంది పడుతున్నారు. ఈ సమయంలో అత్యంత ముఖ్యమని భావించి ఈ శిబిరాన్ని ఏర్పాటు చేశామని తెలిపారు. ఈ శిబిరంలో RSS కార్యకర్తలు మరియు జయ భారత్ హాస్పిటల్ సిబ్బంది పాల్గొని రక్త దానం చేశారు. ప్రస్తుతం దేశంలో ఉన్న విపత్కర పరిస్తితులలో RSS కార్యకర్తలు అనేక సేవా కార్యక్రమాలు నిర్వహిస్తున్నారని తెలిపారు .ఈ సమయములో అతి ముఖ్యమైన సేవ రక్త దానమని, కావున రక్త దాతలందురు స్వచ్చందంగా బ్లడ్ బ్యాంక్ కు వచ్చి రక్తదానం చేయవలసినదిగా విజ్ఞప్తి చేశారు. ఇది అందరూ చేయలేరు కాబట్టి రక్త దాతలు ,స్వచ్చంధ సంస్థలు, ప్రజా సంఘాలు ముందుకు రావాలని పిలుపునిచ్చారు. మన ప్రధాన మంత్రి గారు లాక్ డౌన్ పొడిగించారు కాబట్టి జిల్లాలో ఎక్కడా రక్తం సమస్య లేకుండా చూడాలని ప్రభుత్వ మరియు పోలీస్ అధికారులు రక్త దాతలకు సహకరించాలని విజ్ఞప్తి చేశారు.

ఈ కార్యక్రమంలో హాస్పిటల్ డిప్యూటీ మేనేజర్ కృష్ణారెడ్డి RSS నగర సహ కార్యదర్శి భాస్కర్ రెడ్డి, రెడ్ క్రాస్ సభ్యులు y.సురేష్, రాజేంద్రప్రసాద్, అంకయ్య చౌదరి మరియు హాస్పిటల్ సిబ్బంది, RSS కార్యకర్తలు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post జయ భారత్ హాస్పిటల్ (సింహ పురి వైద్య సేవా సమితి) ఆధ్వర్యంలో రక్తదాన శిబిరం appeared first on Vishwa Samvad Kendra Andhra Pradesh.

జయభారత్ హాస్పిటల్లో దాతల పేరిట ప్రత్యేక పూజ

Syam Korsipati — Wed, 25 Mar 2020 18:02:52 +0000

జయభారత్ హాస్పిటల్ లో ఆదునిక వైద్య సేవలు కొరకు” సంజీవని వైద్య సేవ” పథకమునకు రూ. 150000/- ( ఒక లక్ష యాభ్భై వేలు) విరాళం ఇచ్చిన నెల్లూరులోని పప్పులవీధి, స్టౌన్ హౌస్ పేటకు చెందిన శ్రీ గుర్రం సుధాకర్ రావు గారు మరియు శ్రీ గుర్రం సురేష్ బాబు గార్లను వారి తల్లిదండ్రులు కీ”శే”గుర్రం చిన్న సుబ్రహ్మణ్యం, కీ”శే” పద్మావతమ్మ గార్ల జ్ఞాపకార్ధంగా వారి కుటుంబమును హాస్పిటల్ కు ఆహ్వానించి వాళ్ళ పేరుమీద గుడిలో పూజచేయించడం జరిగింది. అలాగే హాస్పిటల్ లోని రోగులకు వారి చేతుల మీదుగా పండ్లు పంపిణీ చేశారు. వారికి హాస్పిటల్ మేనేజర్ శ్రీ గురుప్రసాద్ ధన్యవాదాలు తెలియజేశారు.

The post జయభారత్ హాస్పిటల్లో దాతల పేరిట ప్రత్యేక పూజ appeared first on Vishwa Samvad Kendra Andhra Pradesh.

జయభారత్ హాస్పిటల్ లో పల్మనాలజీ విభాగం ప్రారంభం

Syam Korsipati — Tue, 17 Mar 2020 11:04:33 +0000

నెల్లూరులోని జయభారత్ హాస్పిటల్ నందు శ్వాసకోశ వ్యాధుల విభాగము (పల్మనాలజీ విభాగము) ప్రారంభించబడినది. ఈ సందర్భంగా ఆసుపత్రి సూపరింటెండెంట్ డాక్టర్ శివ మౌర్య గుప్తా మాట్లాడుతూ ఇకనుంచి జయభారత్ హాస్పిటల్ లో నెమ్ము, అలర్జీ, ఆస్తమా, ఊపిరితిత్తుల వ్యాధులకు ప్రతిరోజు తమ సేవలు అందిస్తామని, రోగులు ఈ అవకాశాన్ని సద్వినియోగం చేసుకొని అతి తక్కువ ఖర్చుతో అత్యున్నత వైద్యాన్ని పొందగలరని ఆకాంక్షించారు. ఆసుపత్రిలో పల్మనరీ ఫంక్షన్ టెస్ట్ సౌకర్యం కూడా ఉన్నదని వారు ఈ సందర్భంగా తెలియజేశారు. అవసరమైన వారు 0861 2326204, 8099927266, 8099927268, 8099927267 నంబర్లలో సంప్రదించాలని తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post జయభారత్ హాస్పిటల్ లో పల్మనాలజీ విభాగం ప్రారంభం appeared first on Vishwa Samvad Kendra Andhra Pradesh.

జయభారత్ హాస్పిటల్ కు తుంగా కుటుంబ విరాళం

Syam Korsipati — Sun, 15 Mar 2020 10:38:23 +0000

నెల్లూరు జిల్లా కొడవలూరు మండలం పెద పుత్తేడు గ్రామానికి చెందిన ప్రముఖ స్వాతంత్ర్య సమర యోధుడు, లోక్ నాయక్ జయప్రకాష్ నారాయణ్ సహచరుడు, శిష్యుడు అయిన శ్రీ తుంగా పాండురంగారెడ్డి మరియు వారి కుటుంబ సభ్యులు నెల్లూరులోని జయభారత్ హాస్పిటల్ కు రెండు లక్షల రూపాయల విరాళాన్ని అందజేశారు.

పాండురంగారెడ్డి తల్లి గారి జ్ఞాపకార్థం వారు ఈ మొత్తాన్ని సింహపురి వైద్య సేవా సమితి/ జయభారత్ హాస్పిటల్ ట్రస్టీ శ్రీ గుఱ్ఱం సుధాకర్ మరియు హాస్పిటల్ మేనేజర్ శ్రీ గురు ప్రసాద్ లకు చెక్కు ద్వారా అందజేశారు.

ఈ సందర్భంగా శ్రీ గుఱ్ఱం సుధాకర్ మాట్లాడుతూ ఇలాంటి ఎందరో వదాన్యుల సహాయ సహకారాలతో జయభారత్ హాస్పిటల్ గత నాలుగు దశాబ్దాలుగా నిరుపేద రోగులకు అతి తక్కువ ఖర్చుతో వైద్య సేవలు అందించగలుగుతున్నదని తెలిపారు. ఎంతో విశాల హృదయంతో హాస్పిటల్ కి ఆర్థిక సాయాన్ని అందించిన శ్రీ తుంగా పాండురంగారెడ్డికి, వారి కుటుంబ సభ్యులకు కృతజ్ఞతలు తెలియజేశారు.

The post జయభారత్ హాస్పిటల్ కు తుంగా కుటుంబ విరాళం appeared first on Vishwa Samvad Kendra Andhra Pradesh.

జయభారత్ హాస్పిటల్ ఆధ్వర్యంలో ఉచిత కంటి వైద్య శిబిరం

Syam Korsipati — Fri, 13 Mar 2020 06:01:36 +0000

నెల్లూరులోని జయభారత్ హాస్పిటల్ ఆధ్వర్యంలో నెల్లూరు జిల్లా విడవలూరు మండలం ఊటుకురు గ్రామములో కంటి వైద్య శిబిరం జరిగినది. ఈ శిబిరంలో సుమారు 120 మందికి పరీక్షలు నిర్వహించగా వారిలో 40 మందికి కేటరాక్ట్ ఆపరేషన్ అవసరమని నిర్ధారించారు. మిగిలిన వారికి ఉచితంగా మందులు పంపిణీ చేశారు. ఆపరేషన్ అవసరమైన వారికి జయభారత్ హాస్పిటల్లో అవసరమైన వైద్య పరీక్షలు నిర్వహించి ఉచితంగా కేటరాక్ట్ ఆపరేషన్లు చేస్తారు. ఈ వైద్య శిబిరంలో జయభారత్ హాస్పిటల్ కి చెందిన కంటి వైద్య నిపుణురాలు డాక్టర్ శ్రీలక్ష్మి వైద్య సేవలు అందించారు.

The post జయభారత్ హాస్పిటల్ ఆధ్వర్యంలో ఉచిత కంటి వైద్య శిబిరం appeared first on Vishwa Samvad Kendra Andhra Pradesh.

గిరిజన మహిళల గళాన్ని వినిపించిన చైతన్య సదస్సు

Syam Korsipati — Tue, 10 Mar 2020 07:45:06 +0000

సమాజ రథసారథులు, నిర్మాతలు, ధర్మ, సంస్కృతి పరిరక్షకులు మాతృమూర్తులేనని ఆర్ ఎస్ ఎస్ ప్రాంత ప్రచార ప్రముఖ్ శ్రీ బయ్యా వాసు పేర్కొన్నారు.

అంతర్జాతీయ మహిళా దినోత్సవం సందర్భంగా సింహపురి వైద్య సేవా సమితి ఆధ్వర్యంలో నెల్లూరు నగరంలోని జయభారత్ హాస్పిటల్ లో నిర్వహించిన గిరిజన మహిళల చైతన్య సదస్సులో ఆయన ముఖ్య వక్తగా పాల్గొని ప్రసంగించారు.

ఉత్తమమైన పౌరులను సమాజానికి అందించగలిగే శక్తి మాతృమూర్తులకు మాత్రమే సొంతమని, తమ పిల్లలని సంస్కారవంతులుగా, ప్రయోజకులుగా తీర్చిదిద్దడమే మహిళలు సమాజానికి చేసే గొప్ప ఉపకారమని అందుకే యావత్ సమాజము మహిళలకు ఋణపడి ఉంటుందని ఆయన తెలిపారు.

ఒక చత్రపతి శివాజీని సమాజానికి అందించింది జిజియా మాత అని, ఒక వివేకానందను సమాజానికి అందించింది భువనేశ్వరి దేవి అని అలా ఉత్తములైన వ్యక్తులుగా తమ కుమారులను తీర్చిదిద్దాల్సిన బాధ్యత మహిళల దేనని ఆయన తెలిపారు.

భారతీయ సంస్కృతికి మూలాధారం గిరిజన సంస్కృతేనని కనుక గిరిజన సంస్కృతిని కాపాడుకోవడం అంటే భారతీయ సంస్కృతిని కాపాడుకున్నట్టేనని, కనుక గిరిజన సంస్కృతిని కాపాడుకోవడం యావత్ హిందూ సమాజం యొక్క తక్షణ కర్తవ్యమని ఆయన పేర్కొన్నారు.

అనంతరం జిల్లా న్యాయ సాధికార సేవా సంస్థ కార్యదర్శి శ్రీమతి టీజే సుధ మాట్లాడుతూ గిరిజనులకు, ముఖ్యంగా గిరిజన మహిళలు కలిగిన హక్కులు, వారి పరిరక్షణకు ఉద్దేశించిన చట్టాలు, వాటిని ఉపయోగించుకో వలసిన పద్ధతుల గురించి వివరించారు.

ఇంకా ఈ కార్యక్రమంలో జిల్లా గిరిజనాభివృద్ధి అధికారి శ్రీమతి విద్యా వాణి, గిరిజన సేవా సంఘం అధ్యక్షురాలు శ్రీమతి పోట్లూరి విజయలక్ష్మి, ఒంగోలు మునిసిపల్ కార్పొరేషన్ డైరెక్టర్ శ్రీ యాకశిరి వెంకటేశ్వర్లు, సింహపురి వైద్య సేవా సమితి ప్రధాన కార్యదర్శి శ్రీ నాగారెడ్డి హరి కుమార్ రెడ్డి, ట్రస్టీ శ్రీ గుఱ్ఱం సుధాకర్ తదితరులు పాల్గొన్నారు. ఈ కార్యక్రమానికి నెల్లూరు సమీప గ్రామాల గిరిజన కుల పెద్దలు, మహిళామూర్తులు పెద్ద ఎత్తున హాజరయ్యారు.

The post గిరిజన మహిళల గళాన్ని వినిపించిన చైతన్య సదస్సు appeared first on Vishwa Samvad Kendra Andhra Pradesh.

ఉపాధ్యాయులకు ఆరోగ్య అవగాహన సదస్సు

Syam Korsipati — Tue, 21 Jan 2020 07:39:25 +0000

నెల్లూరు నగరంలోని జయభారత్ హాస్పిటల్ ఆధ్వర్యంలో ఉపాధ్యాయులకు ఆరోగ్య అవగాహన సదస్సు జరిగింది. ఈ కార్యక్రమంలో ముఖ్య అతిథిగా పాల్గొన్న ప్రముఖ జనరల్ ఫిజీషియన్ డాక్టర్ సి వి సుబ్రహ్మణ్యం మాట్లాడుతూ అందరూ ఆరోగ్యకరమైన జీవన విధానాన్ని అలవరచుకోవాలని, ఆహారపు అలవాట్లపై జాగ్రత్త వహించాలని సూచించారు. ఉపాధ్యాయులు విద్యార్థులకు తమ ఆరోగ్యం పట్ల అవగాహన కల్పించాలని అన్నారు.

డాక్టర్ సునీల్ కుమార్ మాట్లాడుతూ షుగర్, బీపీ తదితర వ్యాధుల నివారణకు తీసుకోవలసిన జాగ్రత్తలను వివరించారు.

హాస్పిటల్ మెడికల్ సూపరింటెండెంట్ డాక్టర్ శివ మౌర్య గుప్త మాట్లాడుతూ టీబీ, ఊపిరితిత్తుల వ్యాధులు, నెమ్ము, అలర్జీ వ్యాధులు రాకుండా తీసుకోవలసిన జాగ్రత్తలను విశదీకరించారు.

ఈ కార్యక్రమంలో సీనియర్ నేత్ర వైద్య నిపుణులు డాక్టర్ టీ వై కృష్ణ, హాస్పిటల్ జనరల్ మేనేజర్ శ్రీ గురు ప్రసాద్, సింహపురి వైద్య సేవా సమితి ప్రధాన కార్యదర్శి శ్రీ ఎన్ హరి కుమార్ రెడ్డి, కోశాధికారి శ్రీ గుర్రం సుధాకర్, ఉపాధ్యాయ నాయకులు శ్రీ పూడి ప్రసాద్, శ్రీ సుబ్బరాజు, శ్రీ ఆర్ ఆర్ ఎస్ ప్రసాద్, శ్రీ రమేష్, శ్రీ రాజగోపాల్ తదితరులు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవాలంటే ఇక్కడ క్లిక్ చెయ్యండి.

The post ఉపాధ్యాయులకు ఆరోగ్య అవగాహన సదస్సు appeared first on Vishwa Samvad Kendra Andhra Pradesh.

వివేకానంద జయంతి సందర్భంగా జయభారత్ హాస్పిటల్ సేవా కార్యక్రమాలు

Syam Korsipati — Mon, 13 Jan 2020 16:04:36 +0000

స్వామి వివేకానంద జయంతి సందర్భంగా జయభారత్ హాస్పిటల్ ఆధ్వర్యంలో నెల్లూరు జిల్లా వెంకటాచలంలోని ప్రభుత్వ వైద్యశాల అవరణలో మొక్కలు నాటే కార్యక్రమం జరిగింది. అలాగే ఓజిలిలో మెడికల్ క్యాంప్ జరిగినది. ఈ కార్యక్రమాలలో జయ భారత్ హాస్పిటల్ మెడికల్ సూపరింటెండెంట్ డాక్టర్ శివ మౌర్య గుప్తా,నెల్లూరులోని హాస్పిటల్ మేనేజర్ శ్రీ గురుప్రసాద్ లు పాల్గొన్నారు.

The post వివేకానంద జయంతి సందర్భంగా జయభారత్ హాస్పిటల్ సేవా కార్యక్రమాలు appeared first on Vishwa Samvad Kendra Andhra Pradesh.