#Bhadrachalam Sitaramulaswamy – Vishwa Samvad Kendra Andhra Pradesh

భద్రాచలం ఈవో నిర్వాకం… ఉపాలయం మూత

Krishna Murty Gunna — Fri, 19 Aug 2022 06:20:58 +0000

భద్రాచలం: భద్రాచలంలోని శ్రీ సీతారామ చంద్రస్వామి దేవస్థానం ఈవో శివాజీ చేసిన తప్పిదంతో ఉపాలయానికి తాళం వేయాల్సి వచ్చింది. రామాలయ ఈవో శివాజీ అంతరాలయంలో మూలమూర్తుల దర్శనం అనంతరం ఆలయ ప్రాంగణంలోని శ్రీ అభయాంజనేయస్వామి ఆలయంలో స్వామి దర్శనానికి వెళ్ళారు. అక్కడి అర్చకులు గోత్ర నామాలను నివేదిస్తున్న సమయాన ఈవో శివాజీ అక్కడే ఉన్న శఠగోపంతో స్వయంగా ఆశీర్వచనం తీసుకున్నారు.

దీన్ని గమనించిన అర్చకులు వైదిక కమిటీ దృష్టికి తీసుకెళ్ళ‌గా వెంటనే ఆలయానికి తాళం వేసి దర్శనాలను నిలిపివేశారు. అనంతరం యాగశాలలో శఠగోపానికి సంప్రోక్షణ, ఇతర పూజలు చేసి దర్శనాలు ప్రారంభించారు. ఈ అంశంపై ఈవో శివాజీని వివరణ కోరగా ఈ నిబంధన తనకు తెలియక ఏమరుపాటుగా శఠగోపాన్ని తాకానని చెప్పారు. వైదిక కమిటీ సూచన మేరకు సంప్రోక్షణ నిర్వహించినట్టు ఆయన వెల్లడించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post భద్రాచలం ఈవో నిర్వాకం… ఉపాలయం మూత appeared first on Vishwa Samvad Kendra Andhra Pradesh.

భద్రాచలంలో శ్రీరామనవమి వేడుకలు ప్రారంభం

Syam Korsipati — Fri, 18 Mar 2022 11:03:02 +0000

ఫాల్గుణ పౌర్ణమి సందర్భంగా భద్రాచలం శ్రీ సీతారామచంద్ర స్వామి వారి ఆలయంలో శుక్రవారం విశేష పూజలు నిర్వహించారు. ఏప్రిల్‌ 10న శ్రీరామనవమిని పురస్కరించుకొని నేటి నుంచి సంప్రదాయబద్ధంగా ఆలయ అధికారులు నవమి ఉత్సవాల పనులను ప్రారంభించారు. ప్రధాన ఆలయంలోని మూలమూర్తులు, ఉత్సవమూర్తులకు స్నపన తిరుమంజనం నిర్వహించారు.

అనంతరం ఆలయంలోని చిత్రకూట మండపంలో వైష్ణవ సంప్రదాయం ప్రకారం స్థానాచార్యులు స్థల సాయి నేతృత్వంలో రోలు, రోకలికి దేవతలను ఆవాహన చేసి పసుపు దంచే వేడుకను వైభవంగా చేపట్టారు. అలా తయారు చేసిన పసుపుతో తలంబ్రాలను సిద్ధం చేశారు. ఆలయంలోని బేడా మండపం వద్ద లక్ష్మణ సమేత సీతారాములకు డోలోత్సవం, వసంతోత్సవం నిర్వహించారు. ఏప్రిల్‌ 9న సీతారాములకు ఎదుర్కోలు ఉత్సవం, 10న కల్యాణోత్సవం, 11న పట్టాభిషేక మహోత్సవ కార్యక్రమాలు జరగనున్నాయి. రెండు తెలుగు రాష్ట్రాల నుంచి భక్త బృందాలు విశేష సంఖ్యలో తరలివచ్చి గోటి తలంబ్రాలను అందించి మొక్కులు తీర్చుకున్నారు. ఏర్పాట్లను ఆలయ ఈవో శివాజీ పర్యవేక్షించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post భద్రాచలంలో శ్రీరామనవమి వేడుకలు ప్రారంభం appeared first on Vishwa Samvad Kendra Andhra Pradesh.

అవనిగడ్డలోని భద్రాద్రి రామయ్య భూములకు ‘పట్ట’ భద్రత

Krishna Murty Gunna — Sun, 09 Jan 2022 07:24:35 +0000

అవనిగడ్డ: కృష్ణా జిల్లా అవనిగడ్డ నియోజకవర్గంలోని భద్రాద్రి రాముడి భూములకు భద్రత కల్పించి పట్టాదారు పాసు పుస్తకాలు కోడూరు రెవిన్యూ శాఖ వారు అందించారు. కోడూరు మండలం మందపాకల, పోటుమిద గ్రామ రెవెన్యూ పరిధిలోని భద్రాచలం సీతారాములస్వామి వారికి సంబంధించిన 8.8ఎకరాలు కబ్జాకు గుర‌య్యాయి. ఈ విషయాన్ని స్థానికులు హిందూ దేవాలయ పరిరక్షణ ట్రస్ట్ అధికారుల దృష్టికి తీసుకువెళ్ళింది. దీంతో వారు భూమిని పరిశీలించి, కబ్జా అయిన విధానంను ఒక నివేదిక రూపములో భద్రాచల శ్రీ సీతారామ చంద్ర స్వామి వారి దేవస్థానం ఈఓ గారికి అందించారు.

పెద్ద ఎత్తున ఈ వివాదం రెండు తెలుగు రాష్ట్రల వ్యాప్తంగా సంచలనమైంది. తర్వాత ఆలయ అధికారులు, హెచ్‌.డి.పి.టి వారి సమక్షంలో భూములను పరిశీలించి, ఆలయ అధికారులు ఈ విషయమై కోడూరు రెవిన్యూ వారిని సంప్రదించారు. త‌ర్వాత వారు సాగుభూముల పట్టాదారు పాసుపుస్తకాలు మంజూరు చేశారు.

వీటిని కోడూరు మండలం త‌హ‌శీల్దార్ ఎస్‌.కె లతీఫ్ పాషా భద్రాచలంస్వామి వారి సన్నిధిలో దేవస్థాన కార్యనిర్వహణ అధికారికి అందజేశారు. ఈ సందర్భంగా దేవస్థానం కార్యనిర్వాహణ అధికారి, సిబ్బంది, త‌హ‌శీల్దార్ఎను ఘనంగా సన్మానించారు.

కాగా, రాష్ట్ర వ్యాప్తంగా కబ్జాకు గురైన దేవాలయ భూములు విషయమై ప్రభుత్వం జోక్యం చేసుకొని, రెవెన్యూ శాఖ వారి సహాయంతో తిరిగి దేవాలయాలకు అప్పగించాలని, న్యాయ స్థానాల్లో పెండింగ్ ఉన్న కేసులను త్వరితగతిన పరిష్కరించేందుకు చొర‌వ చూపి, హిందూ దేవాలయాలకు న్యాయం చేయాలని హిందూ సమాజం కోరుతోంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post అవనిగడ్డలోని భద్రాద్రి రామయ్య భూములకు ‘పట్ట’ భద్రత appeared first on Vishwa Samvad Kendra Andhra Pradesh.