ఈ నేపథ్యంలో ఆయన పేరును సిఫార్సు చేస్తూ కేంద్ర న్యాయ శాఖకు గురువారం ఉదయం జస్టిస్‌ ఎన్‌.వి. రమణ లేఖ రాశారు. జస్టిస్‌ ఎన్‌.వి. రమణ లేఖను కేంద్ర న్యాయశాఖ ప్రధానమంత్రి పరిశీలన కోసం పంపనుంది. ఆయన ఆమోదం తర్వాత రాష్ట్రపతికి చేరుకుంటుంది. అంతిమ నిర్ణయం రాష్ట్రపతిదే.

రాష్ట్రపతి ఆమోదిస్తే తదుపరి ప్రధాన న్యాయమూర్తి బాధ్యతలు చేపడతారు. సంప్రదాయం ప్రకారం సిజెఐ తన తర్వాత ఆ పదవిని చేపట్టేందుకు సుప్రీంకోర్టులోని అత్యంత సీనియర్‌ న్యాయమూర్తి పేరును సిఫార్సు చేస్తారు. ఆ లెక్కన జస్టిస్‌ ఎన్‌.వి.రమణ తర్వాత జస్టిస్ లలిత్‌ అత్యంత సీనియర్‌గా ఉన్నారు.

జస్టిస్‌ లలిత్‌ ఆగస్టు 27న ప్రమాణస్వీకారం చేసే అవకాశం ఉంది. అయితే ఆయన మూడు నెలల మాత్రమే ఈ పదవిలో కొనసాగుతారు. నవంబరు 8న ఆయన పదవీ విరమణ చేస్తారు. జస్టిస్ లలిత్ తర్వాత జస్టిస్ చంద్రచూడ్ సీజేఐ అయ్యే అవకాశాలున్నాయి. ఆయన ఆ పదవిలో రెండేళ్ళ‌ పాటు కొనసాగనున్నారు.

ప్రస్తుతం యూయూ లలిత్ సుప్రీంకోర్టులో న్యాయమూర్తిగా ఉన్నారు. న్యాయమూర్తి కంటే ముందు సుప్రీంకోర్టులో సీనియర్ న్యాయవాదిగా ప్రాక్టీస్ చేశారు. జస్టిస్ లలిత్ సుప్రీంకోర్టుకు నేరుగా పదోన్నతి పొందిన ఆరో సీనియర్ న్యాయవాది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post సుప్రీంకోర్టు తదుపరి చీఫ్‌ జస్టిస్‌గా యూయూ లలిత్‌ appeared first on Vishwa Samvad Kendra Andhra Pradesh.