అయితే.. గ్రేటర్‌ ముంబయి దాటి ఎక్కడికీ వెళ్లకూడదని నిబంధన విధించింది. ఈ మేరకు వరవరరావుకు నిబంధనలతో కూడిన బెయిల్‌ మంజూరు చేస్తూ సర్వోన్నత న్యాయస్థానం ఆదేశాలు జారీ చేసింది. పుణె జిల్లాలోని భీమా కోరెగావ్ ‌లో 2018 జనవరి 1న జరిగిన హింసతో పాటు నక్సల్స్ ‌తో సంబంధాలు ఉన్నాయన్న ఆరోపణలతో వరవరరావు సహా ఐదుగురిని 2018లో పోలీసులు అరెస్టు చేసిన విషయం తెలిసిందే.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post వరవరరావుకు బెయిల్ మంజూరు చేసిన సుప్రీం appeared first on Vishwa Samvad Kendra Andhra Pradesh.

హక్కుల కార్యకర్త, ప్రముఖ న్యాయవాది ప్రశాంత్ భూషణ్ ప్రస్తుత కోర్టు చర్యలను ధిక్కరించడానికి గల కారణం స్పష్టంగా తెలియకపోయినా, ప్రశాంత్ భూషణ్ ‘అర్బన్ నక్సల్’ వరవరరావుపై ట్వీట్ చేయడం వల్ల ఇబ్బందుల్లో పడ్డారని తెలుస్తోంది. ఎల్గర్ పరిషత్ కేసులో నిందితుడైన వరవరరావుకు అనేక సందర్భాల్లో సుప్రీంకోర్టు బెయిల్ నిరాకరించినట్లు ప్రశాంత్ భూషణ్ ట్వీట్‌లో పేర్కొన్నారు. ఒకవేళ వరవరరావు మరణిస్తే అది ‘జ్యుడిషియల్ హత్య’ అవుతుందని ప్రశాంత్ భూషణ్ ట్వీట్ లో పేర్కొన్నారు. కోర్టు ఆగ్రహానికి ఇదే కారణంగా కనిపిస్తోంది.

ప్రశాంత్ భూషణ్ ఇటీవలి కాలంలో అనేక సందర్భాల్లో న్యాయవ్యవస్థను విమర్శించారు. లాక్‌డౌన్ సమయంలో తాను “రామాయణం” సీరియల్‌ చూస్తున్న దృశ్యాన్ని ట్విట్టర్‌లో పంచుకున్న కేంద్ర మంత్రి ప్రకాష్ జవదేకర్‌పై ప్రశాంత్ భూషణ్ ట్విట్టర్‌లో చేసిన వివాదాస్పద వ్యాఖ్యలకు ఇటీవలే సుప్రీంకోర్టు ఆయనను చీవాట్లు పెట్టింది.

దేశంలో కరోనావైరస్ వ్యాప్తి సమయంలో జైళ్లలోని నిందితుల భద్రతకు సంబంధించి న్యాయవాది ప్రశాంత్ భూషణ్ దాఖలు చేసిన పిటిషన్‌ను జూన్లో సుప్రీం కోర్టు తోసిపుచ్చింది. ఈ విషయాన్ని హైకోర్టులకు తీసుకెళ్లమని ఆదేశించిన సుప్రీంకోర్టు పిటిషన్‌ను న్యాయవాది ఉపసంహరించుకుంటారా? లేదా కోర్టు కొట్టివేయాలా? అని ప్రశ్నించింది.

సుప్రీంకోర్టు తనకు అనుకూలంగా తీర్పులు, ఉత్తర్వులు ఇవ్వని సందర్భాలు ఈ మధ్యకాలంలో అనేకం ఉన్నాయి. ఈ కారణంగా సహనం కోల్పోయిన ప్రశాంత్ భూషణ్ న్యాయవ్యవస్థపై తీవ్రమైన కోపాన్ని వ్యక్తం చేస్తున్నారు.

Source : OPINDIA

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హక్కుల కార్యకర్త ప్రశాంత్ భూషణ్ పై కోర్టు ధిక్కారం కేసు : బుధవారం విచారించనున్న జస్టిస్ అరుణ్ మిశ్రా ధర్మాసనం appeared first on Vishwa Samvad Kendra Andhra Pradesh.

వరవారరావు ఇలాంటి దేశద్రోహ వాదనలు చేయడం కొత్తేమీ కాదు. అతను 1970 లలోనే జైలు పాలయ్యాడు. 1980 లలోని రామ్ నగర్ కుట్ర కేసులో కాంగ్రెస్ ప్రభుత్వ హయాంలో కూడా అతను 1986 లో కటకటాల పాలయ్యాడు. ఈ కేసులో రికార్డు స్థాయిలో 17 సంవత్సరాల విచారణ తరువాత, రావు 2003 లో విడుదలయ్యాడు. యుపిఎ -1 సమయంలో, అతను మళ్ళీ 2005 లో జైలు పాలయ్యాడు. వరవరరావుకి జైలుతో సుదీర్ఘ అనుబంధముంది. అతను దశాబ్దాలుగా హింసా మార్గంలోనే కొనసాగినప్పటికీ  చెప్పుకోదగ్గ కారణమేమీ లేకుండానే భారత ప్రభుత్వం అతన్ని ఇంతకాలం సహించింది. అలాగే, మన ప్రసిద్ధ పత్రికలు మరియు సంస్థాగత మీడియా అతన్ని  ‘ప్రజాకవి’ గా పిలుస్తాయి. మావో జెడాంగ్, జోసెఫ్ స్టాలిన్, అయతోల్లా రుహోల్లా ఖొమేని మరియు ముయమ్మర్ గడ్డాఫీలు కూడా కవిత్వం రాశారు. కానీ వారు చేసిన సామూహిక జన హనన చరిత్ర నుంచి వారికి వారి కవితలు మినహాయింపునివ్వలేవు.

విడుదల చెయ్యాలంటూ చేస్తున్న ప్రచారం రాజకీయ ప్రయోజనాల కోసమేనా?

“ప్రజాకవి అనే గుర్తింపు, ఆయన వయస్సు 80 సంవత్సరాలు” అనే ఈ రెండు విషయాలూ ఆయన విడుదల కోరుతూ చేస్తున్న ప్రచారంలో ఆయన మద్దతుదారులు మరియు సానుభూతిపరులు ఉపయోగించే ప్రధాన అస్త్రాలు. ఈ వాదన కనీసం మూడు కారణాల వల్ల హేతుబద్ధమైనది కాదు. మొదట, ఏ నిందితుడైనా సీనియర్ సిటిజన్ అయినంత మాత్రాన క్షమార్హుడు కాలేడు. ‘ప్రిజన్ స్టాటిస్టిక్స్ ఇండియా’ (2015) ప్రకారం భారతదేశంలోని వివిధ జైళ్లలో ఉంటున్న 1,34,168 మంది దోషులలో 24,035 (17.9%) మంది దోషులు 50 సంవత్సరాలు మరియు అంతకంటే ఎక్కువ వయస్సు గలవారు. గత 5 సంవత్సరాల్లో ఈ సంఖ్య పెరిగి ఉండవచ్చునని అనుకోవచ్చు. ఇప్పుడు, వరవరరావు కోసం COVID-19 కారణంగా మినహాయింపు పొందగలిగితే,  దానిని ‘వృద్ధులు’ గా వర్గీకరించగల ఇతర 25 వేల మంది ఖైదీలకు కూడా వర్తింపజేయాలి. కోవిడ్ భయం గురించి మాత్రమే అయితే వరవరరావులా 50 ఏళ్లు పైబడిన ప్రతి ఖైదీని విడుదల చేయాలని రావు యొక్క ‘కామ్రేడ్స్-ఇన్-ఆర్మ్స్’ ఎందుకు డిమాండ్ చేయలేదు? ఖచ్చితంగా, ఆ 25 వేల మంది ఖైదీలను ఎవరూ పట్టించుకోరు. ఎందుకంటే వారు మేధావులు గానీ కార్యకర్తలు గానీ కాదు అలాగే కామ్రేడ్ల యొక్క ఏ పట్టణ నెట్‌ వర్క్ లోనూ వారు భాగస్వాములు కాదు. వరవరరావు కామ్రేడ్ల కిరీటంలోని ఆభరణం వంటివాడు. ఎందుకంటే అతనిలాంటి వారిని నక్సల్బరీ మరియు మావోయిస్టు తిరుగుబాటు ఉద్యమం యొక్క ‘పోస్టర్ బాయ్స్‌’గా వారు ఉపయోగించుకుంటారు.

రెండవది, రావు కూడా ఇతర ఖైదీల మాదిరిగానే, అతనికి అవసరమైనప్పుడు జైలులోనే వైద్య సహాయం పొందాల్సిన అవసరం ఉంది. రావుకు వైద్య సహాయం ఇవ్వడం లేదని అతని భార్య హేమలతా రావు మరియు కుమార్తె పవన ఆరోపించారు. “జైలులో ఆయన్ని చంపవద్దు” అని కూడా వారు అధికారులను కోరారు. ఇది మళ్ళీ కమ్యూనిస్ట్ తరహా ప్రచారం. ఇలాంటి నాజీ తరహా గోబెల్స్‌ ను ప్రచారం చెయ్యడంలో వారు సిద్దహస్తులు. ముంబైలోని జెజె హాస్పిటల్ డీన్ రంజిత్ మంకేశ్వర్, రావుకు అన్ని వైద్య సదుపాయాలు అందజేస్తున్నట్లు మీడియాకు మరియు ప్రజలకు రెండు మూడు సార్లు ఆయన ఆరోగ్య పరిస్థితులపై స్పష్టతనిచ్చాడు. ఇటీవల, వరవరరావుకు COVID సంక్రమించింది. ఇది ఒక రకమైన గందరగోళానికి దారితీసింది. అయితే ఒక నేర చరితుడు స్వేచ్ఛను పొందడానికి ఇది ఒక కారణమవడం సబబేనా? భారతదేశంలోని లక్షలాది మంది ఖైదీల కేసులతో పోలిస్తే అతని కేసు ఏ విధంగా ప్రత్యేకమైనది మరియు భిన్నమైనది? ఆయన పట్ల ఎందుకు అదనపు శ్రద్ధ చూపాలి? నిజానికి భారతదేశంలోని చాలా రాజకీయ పక్షాల మద్దతును రావు పొందుతున్నారనే వాస్తవం చాలా మందికి తెలియదు. ఒకవేళ కొంత అదనపు శ్రద్ధ కనబరచడం కోసం అతన్ని ‘రాజకీయ ఖైదీ’ అని పిలవాల్సి వస్తే, నక్సలిజం ముసుగులో ఆయన చేసిన కార్యకలాపాలను పరిశీలించడం తోపాటుగా దానివల్ల భారత ప్రజాస్వామ్యానికి ఎంతటి ముప్పు కలిగిందనే విషయాన్ని కూడా పరిగణించాలి.

తూత్తుకుడి కాల్పుల తరువాత ఒక ఇంటర్వ్యూలో రావు మాట్లాడుతూ, “సిపిఐ (మావోయిస్ట్) నాయకత్వంలో సాయుధ విప్లవం నక్సల్బరీ మార్గం నిర్దేశించిన కొత్త ప్రజాస్వామ్య విప్లవం కోసం, దండకారణ్యంలోని“ జనతన సర్కార్ ”లోకి ప్రవేశించింది. సరండా లేదా జార్ఖండ్‌, ఆంధ్ర,ఒరిస్సా బోర్డర్ స్పెషల్ గెరిల్లా జోన్ ఒక ప్రాంతీయ విప్లవాత్మక మండలి. జంగల్‌మహల్, పశ్చిమ కనుమలు, ట్రై జంక్షన్ మరియు తెలంగాణలలో 1996-1999 ప్రాంతాలలో కూడా ఇటువంటి ప్రయత్నాలు జరిగాయి. ” ప్రభుత్వ సంస్థలలో ఇప్పటికీ బలమైన స్థానాలను కలిగివున్న వారు కూడా రావును ఎందుకు సమర్థిస్తున్నారో తెలుసుకోవటానికి ఇంతకంటే సాక్ష్యాలేం కావాలి? వరవారరావును సమర్థించిన వారు ఇప్పుడు బహిరంగంగా బయటకు వచ్చి, భారత ప్రజాస్వామ్యం, రాష్ట్రం, పోలీసులు మరియు సాయుధ దళాలపై రావు అభిప్రాయాలతో వారు ఎంతవరకు ఏకీభవిస్తున్నారో “జనతన సర్కార్” కోసం ఆయన చేస్తున్న కృషికి మద్దతు ఇస్తున్నారా? లేదా? అనే విషయాలను స్పష్టం చేయాల్సి ఉంది? అలా కాకుండా వారు తమ ఉద్దేశాలను మానవత్వం వెనుక ఎంతకాలం దాచిపెడతారు? వారు వరవరరావు కోసం మానవ హక్కులను వల్లిస్తారు. కానీ ఇన్ఫార్మర్ల నెపంతో పోలీసు సిబ్బందిని, అమాయక గిరిజనులను నక్సలైట్లు చంపడాన్ని మాత్రం సమర్థిస్తారు.

వరవరావును ఎట్టి పరిస్థితులలోనూ విడుదల చేయకూడదు. ఆయన భారత రాజ్యాంగాన్ని విశ్వసించకపోయినా, అందరి భారతీయ పౌరులలాగే, ఆయనకూ ప్రాథమిక హక్కులు ఉన్నాయి. అలాగే ఇతర ఖైదీలకు అందించిన విధంగానే ఆయనకు కూడా అవసరమైన సమయంలో ఉత్తమ వైద్య చికిత్స అందించాలి. అదేవిధంగా  అతను చేసిన నేరాలకు ఇతరుల మాదిరిగానే అతన్ని కూడా శిక్షించాలి. అతను ‘మావోయిస్టు సిద్ధాంతకర్త’ అయినంత మాత్రాన ఆయనకు శిక్ష నుంచి మినహాయింపు వుండకూడదు.

 (వ్యాసకర్త ఢిల్లీలోని జవహర్‌లాల్ నెహ్రూ విశ్వవిద్యాలయంలో పరిశోధకుడు)

Source : organiser.

అనువాదం : VSK DESK

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post సత్యాన్ని దాచి ప్రజాకవిగా చలామణి అవుతున్న మావోయిస్టు వరవరరావుని ఎందుకు విడుదల చేయకూడదంటే….. appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post వరవరరావుకు కరోనా పాజిటివ్ appeared first on Vishwa Samvad Kendra Andhra Pradesh.