న్యూఢిల్లీ: దేశానికి స్వాతంత్య్రం సిద్ధించి 75 ఏళ్ళు పూర్తయిన సందర్భంగా కేంద్ర ప్రభుత్వం పలు కార్యక్రమాలను నిర్వహిస్తోంది. అందులో భాగంగా బుధవారం ఉదయం తిరంగా బైక్​ ర్యాలీని కేంద్ర సాంస్కృతిక శాఖ నిర్వహించింది. ఎర్రకోట నుంచి ఇండియా గేట్​ వరకు బైక్​ ర్యాలీ జరిగింది. ఎర్రకోట వద్ద బైక్​ర్యాలీని జెండా ఊపి ఉపరాష్ట్రపతి వెంకయ్యనాయుడు ప్రారంభించారు.

ఆజాదీ కా అమృత్ మహోత్సవ్​’లో భాగంగా దేశ ప్రజలంతా ఆగస్టు 13 నుంచి 15 వరకు తమ ఇళ్ళ‌పై త్రివర్ణ పతాకాలు ఎగరేయాలని ప్రధాని నరేంద్ర మోదీ పిలుపునిచ్చారు. అలాగే ఆగస్టు 2 నుంచి 15 వరకు ప్రతి ఒక్కరూ సామాజిక మాధ్యమాల్లో తమ ప్రొఫైల్‌ పిక్‌గా త్రివర్ణ పతాకాన్ని ఉంచాలని కోరారు. పార్లమెంటరీ పార్టీ మీటింగ్​లో భాజపా జాతీయ అధ్యక్షుడు జేపీ నడ్డా పార్టీ శ్రేణులకు పలు కార్యక్రమాలు చేయాలని సూచించారు.

ఆగస్టు 11 నుంచి 13 వరకు మహాత్మా గాంధీకి ఇష్టమైన ‘రఘుపతి రాఘవ రాజారామ్’, ‘వందేమాతరం’ గీతాల్ని ఆలపించాలని నడ్డా తెలిపారు. మంగళవారం, ఢిల్లీలో పార్లమెంటరీ పార్టీ మీటింగ్ అనంతరం కేంద్రమంత్రి ప్రహ్లాద్ జోషి.. తిరంగా బైక్ ర్యాలీ పార్టీకి సంబంధించిన కార్యక్రమం కాదని అన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఎర్రకోట నుంచి ఇండియా గేట్ వరకు తిరంగా బైక్ ర్యాలీ appeared first on Vishwa Samvad Kendra Andhra Pradesh.

ఆజాదీ కా అమృత్ మహోత్సవ్ వేడుకల్లో భాగంగా ప్రస్తుత బీహార్ శాసనసభ శీతాకాల సమావేశాల్లో కొత్త సంప్రదాయానికి శ్రీకారం చుట్టారు. శీతాకాల సమావేశాల ప్రారంభంలో శాసనసభ్యులందరూ జాతీయ గీతం (జన గణ మన) ఆలపించారు. ముగింపు రోజు జాతీయ గేయం (వందేమాతరం) ఆలపించారు.

ఎఐఎంఐఎం బీహార్ అధ్యక్షుడు మీడియాతో మాట్లాడుతూ ‘వందేమాతరం’ అని చెప్పడం తన మతానికి విరుద్ధమని అన్నారు. “ప్రతి వ్యక్తికి తన స్వంత ఇష్టాలు, అయిష్టాలు ఉంటాయి. వందేమాతరం చెప్పమని నన్ను బలవంతం చేయవద్దు” అని ఇమాన్ అన్నారు. ప్రతి సందర్భంలోనూ జాతీయ గీతం లేదా జాతీయ గేయాన్ని పఠించడానికి గల కారణం ఏమిటో చెప్పండి.. ఇది అవసరమని ఎవరు చెప్పారని ఇమాన్ బీహార్ అసెంబ్లీ వెలుపల విలేఖ‌రులను ఎదురు ప్రశ్నించారు. “కారణం లేకుండా జాతీయ గీతం పాడాల్సిన అవసరం లేదు. రాజ్యాంగంలో ఇలాంటివేమీ చెప్పలేదు.

వందేమాతరం పాడడంలో నాకు సమస్య ఉంది. అది మా విశ్వాసానికి సంబంధించినది. కొన్ని వెజ్.. ఇంకొన్ని నాన్ వెజ్. ఇది జరగదు. నేను వందేమాతరం పాడనంటే పాడను” అన్నారాయన. బీహార్ అసెంబ్లీ స్పీకర్ బలవంతంగా ఈ సంప్రదాయాన్ని తీసుకుని వచ్చారని అసదుద్దీన్ ఒవైసీ పార్టీ ఎమ్మెల్యే అన్నారు. భారత రాజ్యాంగంపై తనకు నమ్మకం ఉందని, అయితే ‘వందేమాతరం’ పాడడంపై అభ్యంతరాలు ఉన్నాయని ఆయన అన్నారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post వందేమాతరం పాడనని చెప్పిన ఎంఐఎం ఎమ్మెల్యే అక్తరుల్ ఇమాన్ appeared first on Vishwa Samvad Kendra Andhra Pradesh.