దిల్లీ: మధ్య తరగతి ప్రజలు అధికంగా కొనుగోలు చేసే చిన్న కార్లలోనూ తగినన్ని ఎయిర్‌బ్యాగ్‌లు ఉండేలా వాహన సంస్థలు చూడాలని కేంద్ర రవాణా, రహదారి మంత్రి నితిన్‌ గడ్కరీ సూచించారు. ఎంతసేపూ సంప‌న్నులు కొనుగోలు చేసే పెద్ద కార్లలోనే ఎనిమిది ఎయిర్‌బ్యాగ్‌లు ఉండేలా కంపెనీలు చూసుకుంటున్నాయన్నారు.

ప్రమాదాలు సంభవించిన సమయంలో మరణాలు నిరోధించేందుకు ఎయిర్‌బ్యాగ్‌లు ఎంతగానో సహకరిస్తాయని, చిన్న ఎకానమీ కార్లలోనూ అధిక ఎయిర్‌బ్యాగ్‌లు అమర్చి వినియోగదార్ల భద్రతకు వాహన సంస్థలు ప్రాధాన్యం ఇవ్వాలని గడ్కరీ సూచించారు. చిన్న కార్లలో అదనపు ఎయిర్‌బ్యాగ్‌లకు తక్కువ వ్యయమే అయ్యే అవకాశం ఉందని, దేశంలో అందరికీ వాహన భద్రత సమానంగా ఉండాలని వెల్లడించారు.

Source: Eenadu

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post చిన్న కార్లలోనూ తగినన్ని ఎయిర్‌బ్యాగ్‌లు అవ‌స‌రం appeared first on Vishwa Samvad Kendra Andhra Pradesh.