* వరుస సంక్షోభాలతో సతమతం

* పెరిగిన ద్రవ్యోల్బణం.. భారీగా అప్పు

* విద్యుత్తు సంక్షోభంతో కరెంట్‌ కోతలు

* రాజకీయ అస్థిరతతో పరిస్థితి తీవ్రం

పాకిస్థాన్ లో ఇంధన ధరలు పెరిగాయి.. ద్రవ్యోల్బణం పెరిగింది.. విదేశీ మారక నిల్వలు తగ్గిపోయాయి.. అంతర్జాతీయంగా అప్పు పెరిగింది.. తిరిగి చెల్లించాల్సిన సమయం ముంచుకొచ్చింది. కొత్త అప్పు పుట్టే అవకాశం లేదు. దీనికి తోడు రాజకీయ అస్థిరత.. వెరసి పాకిస్థాన్‌ తీవ్ర ఆర్థిక సంక్షోభంలో కూరుకుపోయింది. పాకిస్థాన్‌ దివాలా తీయడానికి, మరో శ్రీలంకలాగా కావడానికి ఎంతో కాలం పట్టదని విశ్లేషకులు అభిప్రాయపడుతున్నారు. మరోవైపు,. పాకిస్థాన్‌ తీవ్ర విద్యుత్తు సంక్షోభం ఎదుర్కొంటున్నది. దేశంలో 26 వేల మెగావాట్ల విద్యుత్తు డిమాండ్‌ ఉండగా, కేవలం 19,500 మెగావాట్లు మాత్రమే సరఫరా చేస్తున్నారు. దేశంలో 6,500 మెగావాట్ల లోటు ఉన్నది. దాదాపు 12 గంటల పాటు కరెంటు కోతలు అమలవుతున్నాయి. ఇది పరిశ్రమలపై, తద్వారా ఆర్థిక వ్యవస్థపై దుష్ప్రభావం చూపుతున్నది.

పెరిగిన వాణిజ్య లోటు

పాకిస్థాన్‌ తన అవసరాల కోసం ప్రధానంగా దిగుమతులపైనే ఆధారపడుతున్నది. కరోనా సంక్షోభంతో దిగుమతులపై ప్రభావం పడింది. స్థానికంగా ధరలు పెరిగాయి. ద్రవ్యోల్బణం పెరిగింది. రష్యా- ఉక్రెయిన్‌ యుద్ధం… పరిస్థితిని మరింత దిగజార్చింది. మరోవైపు, అంతర్జాతీయంగా ధరలు పెరగడంతో పాకిస్థాన్‌లో ఏటికేడు వాణిజ్య లోటు పెరుగుతూ వస్తున్నది. గతేడాది వాణిజ్య లోటు 45 బిలియన్‌ డాలర్లకు చేరింది. దీనికి తాజా రాజకీయ సంక్షోభం తోడైంది. ఫలితంగా పాక్‌ రాజకీయాల్లాగే ఆ దేశ ఆర్థిక వ్యవస్థ కూడా డోలాయమానంలో పడిపోయింది.

విదేశీ అప్పులు 90 బిలియన్‌ డాలర్లు

పాకిస్థాన్‌ విదేశీ అప్పులు 90 బిలియన్‌ డాలర్లు దాటాయి. ప్రస్తుతం పాకిస్థాన్‌ దగ్గర కేవలం 10.2 బిలియన్‌ డాలర్ల విదేశీ మారక నిల్వలు మాత్రమే ఉన్నాయి. ఈ నేపథ్యంలో మళ్లీ అప్పు కోసం పాకిస్థాన్‌ ఇటీవలే ఐఎంఎఫ్‌ను సంప్రదించింది. 3 బిలియన్‌ డాలర్ల అప్పు కోరింది. అయితే ఐఎంఎఫ్‌ ఇంకా ఏ నిర్ణయం తీసుకోలేదు. దీనికి పాక్‌లో రాజకీయ అస్థిరతే ప్రధాన కారణం. ఎప్పుడు ఎవరు ప్రధానిగా ఉంటారో, ఏ పార్టీ అధికారంలో ఉంటుందో తెలియని పరిస్థితి. అప్పు ఇవ్వాలంటే పాకిస్థాన్‌పై కఠినమైన రాజకీయ, ఆర్థిక ఆంక్షలు విధించే అవకాశం ఉంది.

– ఈనాడు సౌజన్యంతో…

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post పతనం అంచున పాక్‌ appeared first on Vishwa Samvad Kendra Andhra Pradesh.

ఉక్రెయిన్ పై రష్యా తీసుకుంటున్న సైనిక చర్య విషయంలో‌ తటస్థ వైఖరిని అవలంబిస్తున్నందుకు భారత్ ‌ను విమర్శిస్తున్న వారిపై విదేశాంగ మంత్రి ఎస్‌. జైశంకర్‌ ఎదురు దాడికి దిగారు. ఆసియాకు ఎదురవుతున్న సవాళ్లను పశ్చిమ దేశాలు ఇప్పటిదాకా పట్టించుకోలేదని ధ్వజమెత్తారు.

ఆఫ్ఘనిస్థాన్ ‌తోపాటు పలు ఆసియా దేశాల్లోని పరిణామాలు ప్రపంచానికే ప్రమాదకరంగా పరిణమించినా యూరప్‌ దేశాలు పట్టించుకోలేదు. పైపెచ్చు మరింత వాణిజ్యం చేయాలంటూ మాకు సలహాఇచ్చాయి’ అని ‘రైజినా డైలాగ్‌’ కార్యక్రమంలో ఆయన విమర్శించారు. నార్వే, లక్జెమ్‌బర్గ్‌ విదేశాంగ మంత్రులు, స్వీడన్‌ మాజీ ప్రధాని ప్రశ్నలకు సమాధానమిచ్చారు. ఉక్రెయిన్‌ సంక్షోభం యూరప్‌ దేశాలకు మేలుకొలుపన్నారు. పదేళ్లుగా ఆసియాలో సవ్యమైన పరిస్థితులు లేవన్నారు.

ఆసియాలో ప్రతీ దేశ ప్రాదేశిక సార్వభౌమత్వం ప్రమాదంలో పడినప్పటికీ పశ్చిమ దేశాలకు పట్టలేదని, ఇప్పుడు ఉక్రెయిన్‌ సంక్షోభంతోనైనా వాళ్లు ఈ ఖండంలో సమస్యలపై దృష్టి సారించాలన్నారు. ఆఫ్ఘనిస్థాన్‌ పరిణామాలు, కోవిడ్‌ మహమ్మారి, అగ్రరాజ్యాల వైరం ప్రపంచ దేశాలపై తీవ్ర ప్రభావం చూపాయన్నారు. ఉక్రెయిన్‌ సంక్షోభం కారణంగా ఆసియా, ఆఫ్రికా దేశాల్లో ఇంధన ధరల్లో పెరుగుదల, ఆహార కొరత ఏర్పడటంతో పాటు అంతర్జాతీయ సిద్ధాంతాలు, విలువలకు విఘాతం కలిగిందన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post యూరప్ దేశాల వైఖరి ఆక్షేపణీయం – భారత విదేశాంగ శాఖా మంత్రి జైశంకర్ appeared first on Vishwa Samvad Kendra Andhra Pradesh.

తమ దేశ అవసరాలకు సరిపడే విధంగా కోటి 20 లక్షల టన్నుల గోధుమలను ఎగుమతి చేయాలంటూ ఈజిప్టు భారత్ ‌ని కోరింది. భారీ ఎత్తున జరిగే గోధుమల వాణిజ్యానికి తగ్గట్టుగా లాజిస్టిక్స్‌, సప్లై చెయిన్‌ వంటి కీలక అంశాలపై ఇరువైపులా అధికారులు కసరత్తు చేస్తున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post గోధుమలు సరఫరా చేసి మా ఆకలి తీర్చండి – భారత్ కు ఈజిప్ట్ వినతి appeared first on Vishwa Samvad Kendra Andhra Pradesh.

టర్కీలో శాంతి చర్చల అనంతరం మీడియా సమావేశంలో ఉక్రెయిన్‌ విదేశాంగ మంత్రి దిమిత్రో కులేబా మాట్లాడుతూ… భారత ప్రధాని నరేంద్ర మోడీ ఈ యుద్ధం ఆపేందుకు మధ్యవర్తిగా వ్యవహరిస్తే తాము స్వాగతిస్తామని అన్నారు. రష్యాతో భారత్‌ కలిగి ఉన్న సంబంధాలను సద్వినియోగం చేసుకుని, పెద్దన్న పాత్ర పోషిస్తూ యుద్ధాన్ని ఆపడానికి రష్యా అధ్యక్షుడు వ్లాదిమిర్‌ పుతిన్ ‌ని ఒప్పించాలని తాము భారత ప్రధానిని అభ్యర్తిస్తున్నామని పేర్కొన్నారు. రష్యాలో అన్ని నిర్ణయాలు తీసుకునే ఏకైక వ్యక్తి పుతిన్‌ కాబట్టి ఆయనతో భారత ప్రధాని మోడీ నేరుగా మాట్లాడి యుద్ధం ఆపేలా చేయాలని కోరుకుంటున్నామని చెప్పారు.

భారత్ కు‌ రష్యాతో గల సంబంధాలనుపయోగించి ఈ యుద్ధం ఆపేలా చేస్తే ఉక్రెయిన్‌లో ఇన్ని వేల ప్రాణాలు బలవ్వవు కదా అని ఉక్రెయిన్ వెల్లడించింది. ఖార్కివ్ ‌లో రష్యా బాంబు దాడిలో మృతి చెందిన భారత విద్యార్థికి విదేశాంగ మంత్రి దిమిత్రో కులేబా సంతాపం వ్యక్తం చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఉక్రెయిన్ పై యుద్ధం ఆపడానికి భారత్ పెద్దన్న పాత్ర పోషించాలి – ఉక్రెయిన్ appeared first on Vishwa Samvad Kendra Andhra Pradesh.

ఈ నేపథ్యంలోనే భారత్ ‌కు చౌక ధరకు ముడిచమురును విక్రయించేందుకు ముందుకొచ్చిన రష్యా… తాజాగా మరింత డిస్కౌంట్ ‌ను ప్రకటించినట్లు అంతర్జాతీయ మీడియా కథనాలు వెల్లడిస్తున్నాయి.

ఇప్పటికే రష్యా నుంచి 30లక్షల బ్యారెళ్ల ముడి చమురును డిస్కౌంట్ ‌లో కొనుగోలు చేసేందుకు భారత్‌ ఒప్పందం కుదుర్చుకున్న విషయం తెలిసిందే. తాజాగా భారత్ ‌ను మరింతగా ఆకర్షించి ఎగుమతులు పెంచుకోవాలని రష్యా భావిస్తోంది. ఇందుకోసం బ్యారెల్‌ ధరపై 35 డాలర్ల వరకు డిస్కౌంట్ ‌ను ప్రకటించింది. యుద్ధానికి ముందున్న ధరకే ఉరాల్‌ క్రూడ్ ‌ను విక్రయిస్తామని రష్యా ఆఫర్‌ ఇచ్చిందని పేరు చెప్పడానికి నిరాకరించిన ఉన్నత స్థాయి వర్గాలు వెల్లడించినట్లు సదరు కథనాలు పేర్కొన్నాయి.

ఈ ఏడాది 15 మిలియన్‌ బ్యారెళ్ల ముడిచమురును భారత్ దిగుమతి చేసుకునేలా రష్యా ఒప్పందం చేసుకోవాలని భావిస్తున్నట్లు సమాచారం. దీంతో పాటు రూబుల్‌-రూపాయి చెల్లింపు విధానాన్ని కూడా అందుబాటులోకి తెస్తామని ప్రకటించినట్లు తెలుస్తోంది. దీనిపై ఎలాంటి అధికారిక ప్రకటన రాలేదు కానీ, ప్రస్తుతం భారత్‌ పర్యటనలో ఉన్న రష్యా విదేశాంగ మంత్రి సెర్గీస్‌ లవ్రోవ్‌.. కేంద్రంతో జరిపే చర్చల్లో ప్రధానంగా చౌక చమురు దిగుమతులపైనే దృష్టి పెట్టనున్నట్లు సమాచారం.

కాగా.. యుద్ధ పరిణామాల నేపథ్యంలో దేశంలో ఇంధన ధరలు అమాంతం పెరుగుతున్న వేళ.. ఈ డిస్కౌంట్‌ ఆఫర్ ‌కు భారత్‌ అంగీకరించే అవకాశాలున్నట్లు తెలుస్తోంది. దీనిపై ప్రభుత్వ స్థాయిలో చర్చలు జరుగుతున్నట్లు మీడియా కథనాలు రాసుకొచ్చాయి.

మరోవైపు ఈ చమురు దిగుమతుల విషయంలో భారత్ ‌పై అమెరికా ఆగ్రహం వ్యక్తం చేస్తోన్న విషయం తెలిసిందే. రష్యాపై విధించిన ఆంక్షలను నిర్లక్ష్యం చేస్తే తీవ్ర పరిణామాలు తప్పవని అగ్రరాజ్యం తాజాగా హెచ్చరించింది. రష్యా నుంచి భారత్‌ డిస్కౌంట్ ‌లో చమురు కొనుగోలు చేయడం తాము విధించిన ఆంక్షల పరిధిలోకి రావంటూనే.. భారత్‌ దీనిపై చూపుతున్న ఉత్సాహాన్ని తగ్గించుకోవాలని అమెరికా సూచించింది.

– ఈనాడు సౌజన్యంతో…

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ముడిచమురుపై మరింత డిస్కౌంట్‌ – భారత్ ‌కు రష్యా ఆఫర్‌ appeared first on Vishwa Samvad Kendra Andhra Pradesh.

రష్యా, ఉక్రెయిన్ లు దౌత్య విధానాల ద్వారా మాత్రమే తమ సమస్యలను పరిష్కరించుకోవాలని భారత్ తేల్చి చెప్పింది. ఈ విషయమై ఇరు దేశాల అధినేతలతోనూ భారత ప్రధాని నరేంద్ర మోడీ మాట్లాడినట్లు ఐరాసలో భారత రాయబారి టీఎస్ తిరుమూర్తి తెలిపారు. ఉక్రెయిన్లో నెలకొన్న సంక్షోభంపై తక్షణమే చర్యలు తీసుకోవాల్సిన అవసరం ఉందని అన్నిదేశాలకూ పిలుపునిచ్చారు. ఉక్రెయిన్ పౌరుల కోసం ఇప్పటికే 90 టన్నులకు పైగా ఔషధాలు పంపామని, అవసరమైతే ఇంకా సాయం చేస్తామని తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post రష్యా, ఉక్రెయిన్ లు దౌత్య మార్గాల ద్వారా మాత్రమే సమస్యలను పరిష్కరించుకోవాలి – భారత్ appeared first on Vishwa Samvad Kendra Andhra Pradesh.

ఉక్రెయిన్ పై రష్యా దురాక్రమణ విషయంలో అంతర్జాతీయ న్యాయస్థానం(ఐసీజే)లో భారతీయ జడ్జి సైతం రష్యాకు వ్యతిరేకంగా ఓటేశారు. ఉక్రెయిన్​పై దండయాత్రకు వ్యతిరేకంగా ఐసీజే తీర్పు చెప్పగా.. భారత్​ నుంచి న్యాయమూర్తి జస్టిస్ దల్వీర్ భండారీ అందులో భాగమయ్యారు. సైనిక చర్యను నిలిపివేయాలని ఉక్రెయిన్ దాఖలు చేసిన పిటిషన్​పై విచారణ చేపట్టిన 15 మంది న్యాయమూర్తుల్లో.. 13మంది రష్యాకు వ్యతిరేకంగా ఓటేశారు. ఇద్దరు పిటిషన్​ను వ్యతిరేకించారు. ఉక్రెయిన్ ఫిర్యాదును తోసిపుచ్చిన వారిలో రష్యా న్యాయమూర్తి, ఐసీజే ఉపాధ్యక్షుడు కిరిల్ గెవోర్జియన్, చైనా న్యాయమూర్తి షూ హాన్​కిన్​ ఉన్నారు.

తక్షణమే రష్యా దళాలు తమ దాడులను నిలిపివేయాలని ఐసీజే ఆదేశాలిచ్చింది. 1948 జెనోసైడ్‌ కన్వెన్షన్‌ను రష్యా ఉల్లంఘించిందని పేర్కొంది. ఫిబ్రవరి 24న రష్యా సమాఖ్య ప్రారంభించిన సైనిక చర్యను నిలిపివేయాలంటూ తీర్పిచ్చింది. ఈ తీర్పును అమెరికా స్వాగతించింది. రష్యా వెంటనే సైనిక చర్య నిలిపివేయాలని డిమాండ్ చేసింది. ఐసేజీ తీర్పు స్పష్టంగా ఉందని అమెరికా విదేశాంగ శాఖ ప్రతినిధి నెడ్ ప్రైస్ పేర్కొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post అంతర్జాతీయ న్యాయస్థానంలో ఉక్రెయిన్ పై యుద్ధాన్ని నిరసించిన భారత్… appeared first on Vishwa Samvad Kendra Andhra Pradesh.

యుద్ధం వల్ల ఉక్రెయిన్‌లో సంక్షోభ పరిస్థితులు ఏర్పడినా అక్కడి భారతీయులను సురక్షితంగా స్వదేశం తీసుకురాగలిగామని విదేశాంగ మంత్రి జయ‌శంకర్‌ తెలిపారు. ఉక్రెయిన్ నుంచి భారత్ కు మొత్తం 22,500 మందిని భారత్ కు సురక్షితంగా, విజయవంతంగా తరలించగలిగామని మంత్రి వెల్లడించారు. తరలింపు ప్రక్రియపై రాజ్యసభలో ప్రకటన చేసిన ఆయన అనేక సవాళ్ల మధ్య దాన్ని పూర్తి చేసినట్లు వెల్లడించారు.

ఉక్రెయిన్‌లో సంక్షోభాన్ని గుర్తించి జనవరిలోనే తరలింపునకు రిజిస్ట్రేషన్ ‌ను ప్రారంభించినట్లు వివరించారు. ఈ ప్రక్రియకు పౌర విమానయాన శాఖ సహా అన్ని విభాగాలూ చక్కగా సహకరించాయని ఆయన తెలిపారు. భారతీయుల తరలింపు ప్రక్రియను ప్రధాని నరేంద్ర మోడీ ఎప్పటికప్పుడు సమీక్షించారని మంత్రి వివరించారు.

భారతీయులను మాత్రమే కాకుండా భారత్ నమ్మే వసుదైక కుటుంబమనే భావనలో భాగంగా సుమారు 18 దేశాలకు చెందిన 147 మందిని కూడా భారత్ కు సురక్షితంగా తరలించామని జైశంకర్ పేర్కొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఉక్రెయిన్ నుంచి భారత్ చేరుకున్న వారు 22,500 మంది – విదేశాంగ మంత్రి వెల్లడి appeared first on Vishwa Samvad Kendra Andhra Pradesh.

రష్యా నుంచి భారత్ తక్కువ ధరకు ముడి చమురు కొనుగోలు చేయాలని భావిస్తున్నట్లు గత కొంతకాలంగా వస్తున్న వార్తలపై తాజాగా అమెరికా స్పందించింది. ఈ విషయంలో భారత్‌ ఆంక్షలు ఉల్లంఘిస్తున్నట్లు కాదని పేర్కొంది.

ఉక్రెయిన్ ‌పై దండయాత్ర నేపథ్యంలో రష్యాపై అమెరికా సహా ప్రపంచ దేశాలు అనేక ఆంక్షలు విధించిన విషయం తెలిసిందే. ఆ దేశం నుంచి చమురు, గ్యాస్‌ దిగుమతులు చేసుకోరాదని అగ్రరాజ్యం నిర్ణయించింది. అయితే ఈ ఆంక్షలతో ఆర్థికంగా తీవ్ర ఇబ్బందులు ఎదుర్కొంటున్న రష్యా.. తమ దేశం నుంచి ముడి చమురును భారత్ ‌కు డిస్కౌంట్‌లో అమ్మాలని అనుకుంటున్నట్లు గత కొంతకాలంగా వార్తలు వినిపిస్తున్నాయి. ఇందుకు భారత్‌ కూడా సిద్ధంగా ఉందనే కథనాలు కూడా వస్తున్నాయి.

ఈ నేపథ్యంలోనే భారత్‌కు రష్యా ఆఫర్ ‌పై వైట్‌ హౌస్ మీడియా కార్యదర్శి జెన్ ‌సాకీని విలేకరులు ప్రశ్నించారు. దీనికి సాకీ స్పందిస్తూ.. ”భారత్… రష్యా నుంచి డిస్కౌంట్‌లో చమురు కొనుగోలు చేయడం…. ఆంక్షలను ఉల్లంఘించినట్లు కాదు. అయితే అలాంటి చర్య చేపడితే చరిత్ర పుస్తకాల్లో మీరు (భారత్‌ను ఉద్దేశిస్తూ) ఏ వైపున ఉంటారనేది ఒక్కసారి ఆలోచించుకోవాలి. ఈ విషయంలో భారత్‌ ముందుకెళ్తే తప్పుడు నిర్ణయం తీసుకున్నట్లే అని అనుకోవాల్సి వస్తుంది. రష్యా నాయకత్వానికి మద్దతు ఇస్తున్నారంటే.. ఉక్రెయిన్ ‌పై దండయాత్రను కూడా సమర్థిస్తున్నట్లే.” అని స్పష్టం చేశారు.

యుద్ధాన్ని ఖండిస్తున్నాం… కానీ రష్యాతో మా సత్సంబంధాలు కొనసాగుతాయి – భారత్

ఉక్రెయిన్ ‌పై రష్యా దండయాత్రను తాము సమర్థించడం లేదని మన దేశం‌ ప్రకటించింది. ఈ విషయంలో ఇరు పక్షాలూ చర్చల ద్వారా సమస్యను పరిష్కరించుకోవాలని కోరుతోంది. అయితే రష్యాకు వ్యతిరేకంగా ఐక్యరాజ్యసమితిలో తీసుకొచ్చిన తీర్మానాలకు మాత్రం భారత్‌ దూరంగా ఉంటూ వస్తోంది. రష్యా నుంచి భారత్‌ సైనిక పరికరాలను పెద్ద ఎత్తున దిగుమతి చేసుకుంటోంది. ఈ నేపథ్యంలోనే భారత్‌ తటస్థ వైఖరి పాటిస్తున్నట్లు బైడెన్‌ యంత్రాంగం ఇప్పటికే చాలా సార్లు అభిప్రాయాలు వ్యక్తం చేసింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post భారత్‌ ఆంక్షలు ఉల్లంఘించినట్లు కాదు – అమెరికా appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post తగ్గేదే లేదంటున్న పుతిన్ appeared first on Vishwa Samvad Kendra Andhra Pradesh.