#tickets – Vishwa Samvad Kendra Andhra Pradesh

శ్రీవాణి టికెట్ల కోటా రేపు విడుదల

balaraju telika — Thu, 26 Jan 2023 09:53:09 +0000

ఫిబ్రవరి నెలకు సంబంధించిన శ్రీవాణి దర్శన టికెట్లను శుక్రవారం టీటీడీ విడుదల చేయనుంది. శ్రీవాణి ట్రస్టు కింద రోజూ వెయ్యి టికెట్లను జారీ చేస్తున్న విషయం తెలిసిందే. ఇందులో 750 టికెట్లు ఆన్‌లైన్లో, 250 టికెట్లు కరెంట్‌ బుకింగ్‌లో ఉంటాయి. ఆన్‌లైన్‌ కోటాను శుక్రవారం ఉదయం 9 గంటలకు ‘తిరుపతిబాలాజీ.ఏపీ.జీవోవీ.ఇన్‌’ వెబ్‌సైట్‌లో ఉంచనున్నారు.

The post శ్రీవాణి టికెట్ల కోటా రేపు విడుదల appeared first on Vishwa Samvad Kendra Andhra Pradesh.

సేవా టికెట్ల దర్శన కోటా విడుదల

Syam Korsipati — Tue, 10 Jan 2023 11:50:03 +0000

జనవరి 12వ తేదీ నుంచి తిరుమలలో నిర్వహించే కళ్యాణోత్సవం, ఊంజల సేవ, ఆర్జిత బ్రహ్మోత్సవం, సహస్ర దీపాలంకరణ సేవలకు సంబంధించిన సేవా టికెట్లు, సంబంధిత ద‌ర్శ‌న కోటాను ఆన్‌‌లైన్ వ‌ర్చువ‌ల్ ద్వారా విడుదల చేసింది. ఉదయం 9 గంట‌ల‌ నుంచి టీటీడీ ఆన్‌లైన్‌లో అందుబాటులో ఉంచింది. అయితే శ్రీవారి ఆలయంలో బాలాలయం దృష్ట్యా ఫిబ్రవరి 22 నుంచి ఫిబ్రవరి 28వ తేదీ వరకు ఆన్‌లైన్ వర్చువల్ సేవ, అనుబంధ దర్శన టికెట్ల కోటా అందుబాటులో ఉండదు. భ‌క్తులు ఈ విష‌యాన్ని గ‌మ‌నించి ద‌ర్శ‌న టికెట్ల ను బుక్ చేసుకోవాల‌ని టీటీడీ విజ్ఞప్తి చేసింది.

The post సేవా టికెట్ల దర్శన కోటా విడుదల appeared first on Vishwa Samvad Kendra Andhra Pradesh.

ఆర్జిత సేవల టికెట్ల ధరలు పెంపుపై తీవ్ర విమర్శలు

Krishna Murty Gunna — Sun, 20 Feb 2022 07:49:25 +0000

తిరుప‌తి: తిరుమలేశుడి ఆర్జిత సేవల టికెట్ల ధరలు పెంచాలని టీటీడీ నిర్ణయించింది. తిరుమల అన్నమయ్య భవనంలో జరిగిన ధర్మకర్తల మండలి సమావేశంలో ఆర్జిత సేవల టికెట్ల ధరలు పెంపుపై సుదీర్ఘంగా చర్చించారు. ప్రస్తుతం ఉన్న ధరలను నాలుగు నుంచి ఐదు రెట్లు పెంచాలని దేవస్థాన ధర్మకర్తల మండలి ఛైర్మన్‌ వైవీ సుబ్బారెడ్డి సూచించారు.

సుప్రభాత సేవను రూ. 8వందల నుంచి రూ. 2 వేలకు.. కళ్యాణోత్సవం, అర్చన, తోమాల సేవలను రూ. ఐదువేలకు పెంచాలని తీర్మానం చేశారు.
సిఫార్సు లేఖలతో ఆర్జిత సేవలు కోరుకునే భక్తులపై అధిక భారం మోపడం తప్పేమీ కాదని ఛైర్మన్‌ చెప్పడం తీవ్ర విమర్శలకు తావిస్తోంది. ఆర్జిత సేవల టికెట్ల ధరల పెంపుపై ధర్మకర్తల మండలి నిర్ణయాన్ని భక్తులు తీవ్రంగా తప్పుపడుతున్నారు.

ప్రస్తుతం ఉన్న ధరలను ఒకేసారి ఐదు రెట్లు పెంచడంతో స్వామి వారి దర్శనం సాధారణ భక్తులకు భారంగా మారుతుందంటున్నారు. ధార్మిక సంస్థ టీటీడీ వ్యాపార సంస్థగా మార్చేస్తున్నారని ఆగ్రహం వ్యక్తం చేస్తున్నారు.

సేవ‌లకు నిధులు కేటాయింపు

కేంద్ర ప్రభుత్వం కొవిడ్‌ నిబంధనలను సడలించిన నేపథ్యంలో శ్రీవారి ఆర్జిత సేవలను తక్షణమే పునరుద్ధరించేందుకు నిర్ణయం తీసుకున్నట్టు టీటీడీ ధర్మకర్తల మండలి ఛైర్మన్‌ వైవీసుబ్బారెడ్డి తెలిపారు. ఎప్పటి నుంచి ప్రారంభించాలనేది రెండు రోజుల్లో ప్రకటిస్తామన్నారు. క్రమంగా సర్వదర్శన, నడక దారి భక్తుల టోకెన్ల సంఖ్యను పెంచనున్నట్టు స్పష్టం చేశారు. టీటీడీ ధర్మకర్తల మండలి చేసిన తీర్మానాలను వెల్లడించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఆర్జిత సేవల టికెట్ల ధరలు పెంపుపై తీవ్ర విమర్శలు appeared first on Vishwa Samvad Kendra Andhra Pradesh.