దేవదాయ శాఖ నిర్ణయంతో రాష్ట్రంలోని గుర్తించిన 3,200 ఆలయాలకు ఉపశమనం కలగనుంది. రాష్ట్రంలోని ఆలయాల నుంచి సీజీఎఫ్‌ (కామన్‌ జనరల్‌ ఫండ్‌), ఈఏఎఫ్‌ (ఎండోమెంట్‌ అడ్మినిస్ట్రేషన్‌ ఫండ్‌), ఆడిట్‌ ఫీజు తదితర పద్దుల కింద 18 శాతం వరకు వసూలు చేస్తారు. పెద్ద ఆలయాలకు ఈ తరహా వసూళ్ళు భారం కానప్పటికీ చిన్న ఆలయాలకు పెనుభారంగా మారింది.

ధూపదీప నైవేద్యాలకు సైతం అనేక ఆలయాలు నోచుకోలేదు. పైగా పలు ఆలయాల అర్చకులు, ఉద్యోగుల జీతాలు కూడా చెల్లించని స్థితిలో నెలల తరబడి విధులు నిర్వహిస్తున్నారు. దీనిపై గతంలో అర్చక సంఘాలు అత్యున్నత న్యాయస్థానాలను ఆశ్రయించాయి.

అప్పట్లో అర్చక సంఘాలకు అనుకూల తీర్పులు వచ్చినప్పటికీ దేవదాయశాఖ అధికారులు అప్పీళ్ళ‌ పేరిట కాలయాపన చేశారు. గతంలో సుప్రీంకోర్టు తీర్పును సమర్థిస్తూ రాష్ట్ర హైకోర్టు మరోసారి తీర్పును వెలువరించింది. తీర్పు అమలుకు గడువు కూడా విధించింది. హై కోర్టు ఆదేశాల నేప‌థ్యంలో రాష్ట్రంలోని రూ.5లక్షల లోపు ఆదాయమున్న ఆలయాల జాబితాను రెండు నెలల కిందట అధికారులు రూపొందించారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post చిన్న ఆలయాల నిర్వహణ ఇక అర్చకులదే… appeared first on Vishwa Samvad Kendra Andhra Pradesh.

అమ‌రావ‌తి: ఆలయాల నుంచి సర్వశ్రేయోనిధి (సీజీఎఫ్‌) కింద తీసుకునే సొమ్మును పురాతన ఆలయాల పునరుద్ధరణకు మాత్రమే వినియోగించాలని నిబంధనలున్నా.. కొత్త జిల్లాల్లో ఏర్పాటైన జిల్లా దేవాదాయశాఖ అధికారి కార్యాలయాల మరమ్మతులు, వాటిలో ఫర్నిచర్‌ కొనుగోలుకు వినియోగించేలా ఆదేశాలివ్వడం విమర్శలకు తావిస్తోంది.

ఒక్కో కార్యాలయానికి కనిష్ఠంగా రూ.3 లక్షల నుంచి గరిష్ఠంగా రూ.8.50 లక్షల వరకు రాష్ట్ర వ్యాప్తంగా మొత్తం రూ.63.5 లక్షలు వెచ్చించేలా కమిషనరేట్‌ అధికారులు ఆదేశాలు జారీ చేశారు. వీటిని వివిధ ఆలయాల నుంచి తీసుకొని, అవి సీజీఎఫ్‌ కింద చెల్లించే మొత్తం నుంచి మినహాయించేలా ఆ ఆదేశాల్లో పేర్కొన్నారు. వాస్తవానికి దేవాదాయశాఖ పరిధిలోని రూ.2 లక్షలపైన ఆదాయం ఉన్న ఆలయాలు, మఠాలు, సంస్థలు తదితరాలు సెక్షన్‌-70 ప్రకారం తమ రాబడిలో 9 శాతం సీజీఎఫ్‌కి జమ చేస్తాయి.

వీటిని పురాతన ఆలయాల పునరుద్ధరణకు, దూపదీప నైవేద్యాలు, అర్చకుల జీతాల కింద మాత్రమే వినియోగించాల్సి ఉంది. దానికి విరుద్ధంగా ఇప్పుడు ఆదేశాల్విడం గమనార్హం. గతంలో కూడా దేవాదాయ శాఖ అధికారుల కార్యాలయాల మరమ్మతులకు, ఇతర నిర్మాణాలు, వాహనాల కొనుగోళ్లు, తదితరాలకు ఈ నిధులు వినియోగించారనే ఆరోపణలు ఉన్నాయి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఏపీలో ఆల‌యాల సొమ్ము దుర్వినియోగం! appeared first on Vishwa Samvad Kendra Andhra Pradesh.