స్విట్జర్లాండ్‌: స్విస్‌ బ్యాంకుల్లో భారతీయ పౌరులు/సంస్థలకు చెందిన అకౌంట్ల వివరాలతో కూడిన నాలుగో జాబితా భారత్‌కు చేరింది. అందులో వ్యాపారస్థులతోపాటు కార్పొరేట్‌లు, ట్రస్టులకు చెందిన వందల అకౌంట్ల వివరాలు ఉన్నట్టు అధికారులు వెల్లడించారు. స్విట్జర్లాండ్‌తో కుదుర్చుకున్న సమాచార మార్పిడి ఒప్పందంలో భాగంగా బ్యాంకు అకౌంట్లకు సంబంధించి తాజా జాబితాను అందించింది.

అటోమేటిక్‌ ఇన్ఫర్మేషన్‌ ఎక్ఛేంజ్‌లో భాగంగా ప్రతిఏటా ఈ జాబితా స్విట్జర్లాండ్‌ అందిస్తుండగా.. తాజాగా 101 దేశాలకు చెందిన 34లక్షల అకౌంట్ల వివరాలను విడుదల చేసింది. ఈ జాబితాలో కొత్తగా నైజీరియా, పెరూ, టర్కీ, అల్బేనియా, బ్రూనీ వంటి దేశాలు చేరినట్టు ఫెడరల్‌ టాక్స్‌ అడ్మినిస్ట్రేషన్‌ వెల్లడించింది.

దీంతో దాదాపు లక్ష అకౌంట్లు పెరిగినట్టు తెలిపింది. అయితే, 101 దేశాల పేర్లు, వాటి అకౌంట్ల వివరాలను బహిరంగంగా చెప్పనప్పటికీ ఆ జాబితాలో భారత్‌ ఉందని ఎఫ్‌టీఏ పేర్కొంది. ఆ వివరాలను ఈ ఏడాది సెప్టెంబర్‌లోనే భారత ప్రభుత్వానికి అందించినట్టు వెల్లడించింది.

ఏఈఓఐలో భాగంగా స్విట్జర్లాండ్‌లో మన దేశస్థుల అకౌంట్ల వివరాలతో కూడిన తొలి జాబితా 2019లో అందింది. ఆ ఏడాది మొత్తం 75 దేశాలకు చెందిన అకౌంట్ల జాబితాను అక్కడి ప్రభుత్వం విడుదల చేసింది. అనంతరం 2020 సెప్టెంబర్‌లో రెండో జాబితా, 2021 మూడో జాబితాలో 86 దేశాల వివరాలను వెల్లడించింది.

ఐడీ, పేరు, అడ్రస్‌, నివాస దేశం, టాక్స్‌ ఐడీ, సంస్థకు చెందిన వివరాలు, అకౌంట్లో నగదు, మూలధనం వంటి అకౌంట్‌ వివరాలు ఆయా ప్రభుత్వాలకు అందించిన నివేదికలో ఉంటాయని ఎఫ్‌టీఏ తెలిపింది. అయితే, 2018 ఆ తర్వాత క్రియాశీలంగా ఉన్న అకౌంట్ల వివరాలు మాత్రమే ఎఫ్‌టీఏ వెల్లడిస్తోంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post స్విస్ బ్యాంక్ ఖాతాల వెల్ల‌డి! appeared first on Vishwa Samvad Kendra Andhra Pradesh.

చైనాను గడగడలాడిస్తున్న కరోనా ప్రపంచ దేశాల్లోనూ విస్తరిస్తోంది. మరోసారి కోరలు చాస్తోంది. చైనా, అమెరికా, జర్మనీల్లో మళ్లీ కేసుల సంఖ్య పెరుగుతూండటం ఆందోళన కలిగిస్తోంది. రోజువారీ కేసుల పెరుగుదల నమోదవుతున్న నేపథ్యంలో భవిష్యత్తులో కరోనా ముప్పు తీవ్రమయ్యే ప్రమాదమున్నదని చైనాలోని వైద్యవర్గాలు హెచ్చరిస్తున్నాయి. కాగా కరోనా కేసులు అనూహ్యంగా పెరుగు తూండటంతో చైనా కఠిన ఆంక్షలను అమలు చేస్తోంది. రోజురోజుకూ కేసులు పెరుగుతూండటంతో చైనాలోని అనేక ప్రధాన నగరాల్లో లాక్ డౌన్ విధించింది. ప్రస్తుతం చైనాలో విస్తరిస్తున్న కరోనా వైరస్ ఒమిక్రాన్ సబ్ వేరియంట్. దానిని బీఏ-2గాను, స్టెల్త్ ఒమిక్రాన్ వేరియంట్గానూ పిలుస్తున్నారు.

ఈ వైరస్ వల్ల ప్రాణహాని తక్కువే అయినప్పటికీ అతివేగంగా విస్తరిస్తోంది. లక్షణాలు బయటకు కన్పించకపోవడం దీని ప్రధాన లక్షణం. పరీక్షిస్తే తప్ప కరోనా రోగి ఎవరన్నది తేలడంలేదు. అమెరికాలో సైతం ఫిబ్రవరి మొదటి వారంలో కరోనా ఉధృతమైంది. ఆ తర్వాత నెమ్మదిగా కేసుల సంఖ్య తగ్గుతూ వచ్చింది. ప్రస్తుతం కొన్ని ప్రాంతాల్లో మళ్లీ పెరుగుతున్నట్లుగా సమాచారం. ముందు ముందు కేసుల సంఖ్య మరింతగా పెరగవచ్చునని అమెరికా నిపుణులు ఆందోళన వ్యక్తం చేస్తున్నారు. మరోవైపు స్విజర్లాండ్, ఆస్ట్రేలియాలలోనూ కేసులు పెరుగుతున్నాయి. ఇక జర్మనీలోనూ గడచిన వారం రోజుల్లో 42000 కొత్త కేసులు నమోదయ్యాయి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post చైనాలో మళ్ళీ విజృంభిస్తున్న కరోనా appeared first on Vishwa Samvad Kendra Andhra Pradesh.

ఈ ప్రజాభిప్రాయ సేకరణలో 51. 2 శాతం ప్రజలు ముఖానికి ముసుగులు ధరించి తిరగడాన్ని నిషేధించాలని అభిప్రాయపడ్డారు. ప్రత్యక్ష ప్రజాస్వామ్య వ్యవస్థను అనుసరించే స్విజర్లాండ్ సమస్యలపై చర్యలు తీసుకోవడానికి ప్రజాభిప్రాయంపై ఆధారపడుతుంది. ఆ మేరకు బహిరంగ ప్రదేశాలలో ప్రజలు ముసుగులు ధరించి తిరగడాన్ని నిషేధించాలా వద్దా అనే అంశంపై ఓటింగ్ నిర్వహించవలసిందిగా స్విస్ పీపుల్స్ పార్టీ నిర్ణయించింది. నిజానికి ఈ ప్రతిపాదనకు వ్యతిరేకంగా ఓటు వేయాలని స్విట్జర్లాండ్ ప్రభుత్వం ప్రచారం చేసింది. ప్రజల దుస్తుల శైలిని నిర్దేశించడం ప్రభుత్వం పని కాదని వాదించింది. కానీ ప్రభుత్వం యొక్క అభీష్టానికి విరుద్ధంగా ప్రజలు నిషేదాన్ని కోరుకున్నారు కనుక దానిని అమలు చేయడం ప్రభుత్వానికి తప్పనిసరి.

ప్రధానంగా ముస్లిములు ఈ ప్రతిపాదనను తీవ్రంగా వ్యతిరేకించారు. కానీ ఈ ప్రతిపాదనలో ప్రత్యేకంగా ఏ మతం గురించీ ప్రస్తావించలేదు. నిరసనల పేరుతో మాస్కులు ధరించిన నిరసనకారులు కొందరు అల్లర్లు సృష్టించడం, కాల్పులు జరపడం వంటి చర్యలకు పూనుకోకుండా చేయడానికే స్విస్ పీపుల్స్ పార్టీ ఈ ప్రతిపాదనను తీసుకు వచ్చినట్లుగా తెలుస్తోంది.

2009లో సైతం ఇదే విధమైన ప్రజాభిప్రాయ సేకరణలో, స్విస్ ప్రజలు మినార్ల నిర్మాణాన్ని నిషేదించాలని ఓటు వేశారు. ఆ ప్రతిపాదనను కూడా స్విస్ పీపుల్స్ పార్టీయే తీసుకురావడం గమనార్హం. 2011 నుంచి ఫ్రాన్స్, ముఖానికి పూర్తిగా ముసుగులు ధరించడాన్ని నిషేదించింది. కొందరు యూరోపియన్ మానవ హక్కుల న్యాయస్థానంలో ఈ నియమాన్ని సవాలు చేయగా న్యాయస్థానం ఆ చట్టాన్ని సమర్ధించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post బహిరంగ ప్రదేశాలలో ముసుగులు ధరించడం పై స్విట్జర్లాండ్ లో నిషేదం appeared first on Vishwa Samvad Kendra Andhra Pradesh.