షిర్డీ సాయిబాబా సంస్థాన్ బోర్డును బాంబే హైకోర్టు ఔరంగాబాద్ బెంచ్ రద్దు చేసింది. మహా వికాస్ అఘాడీ ప్రభుత్వ హయాంలో ఏర్పాటైన ఈ బోర్డు రద్దు చేస్తూ తీర్పునిచ్చింది. మరో రెండు నెలల్లో కొత్త ధర్మకర్తల మండలిని నియమించాలని తెలిపింది. ఆలయ నిర్వహణను గతంలో మాదిరిగానే ముగ్గురు సభ్యుల కమిటీకి అప్పగించాలని కోర్టు ఆదేశించింది.

మహా వికాస్ అఘాడీ ప్రభుత్వ హయాంలో చట్టవిరుద్ధంగా షిర్డీ సాయి బాబా సంస్థాన్ బోర్డును ఏర్పాటు చేశారని సామాజిక కార్యకర్త సంజయ్ కాలే.. ఔరంగాబాద్ బెంచ్ లో పిల్ వేశారు. మొదట ఎన్సీపీ ఎమ్మెల్యే అశుతోష్ కాలేను బోర్డు అధ్యక్ష పదవిలో నియమించి.. ఆయనతో పాటు మరికొందర్ని ట్రస్ట్ సభ్యుల్ని చేశారని తెలిపారు. ధర్మకర్తల మండలిలో సభ్యుల నియామకాల్లోనూ అప్పటి సంకీర్ణ ప్రభుత్వం నిబంధనలను పాటించలేదని పిటిషన్ లో పేర్కొన్నారు. ఈ పిల్ పై విచారణ జరిపిన ఔరంగాబాద్ బెంచ్ షిర్డీ సాయిబాబా సంస్థాన్ బోర్డును రద్దు చేస్తూ తీర్పును వెలువరించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post శిరిడీ సాయిబాబా సంస్థాన్ బోర్డును రద్దు చేసిన బొంబాయి హైకోర్టు appeared first on Vishwa Samvad Kendra Andhra Pradesh.

షిర్డీ: షిర్డీ సాయిబాబాకు కాగడా హారతి విషయంలో అనేక ఏళ్ళ‌ తర్వాత కీలక మార్పులు వచ్చాయి. లౌడ్​స్పీకర్లు లేకుండానే వేకువజామున హారతి కార్యక్రమాన్ని నిర్వహించారు ఆలయ అధికారులు. బుధవారం ఉదయం నుంచే ఈ విధానం అమలు చేస్తున్నారు. సాయి బాబాకు రోజులో నాలుగు సార్లు అర్చకులు హారతి ఇస్తారు.

ఉదయం 5.15 గంటలకు కాగడా హారతి ప్రారంభం అవుతుంది. ఈ ఘట్టాన్ని చూసేందుకు అనేక మంది భక్తులు వేకువజామునుంచే ఆలయంలో ఎదురుచూస్తారు. అయితే.. బుధవారం మాత్రం కాస్త భిన్నంగా ఈ కార్యక్రమం నిర్వహించారు. “పోలీసుల నుంచి మాకు ఓ లేఖ అందింది. లౌడ్​స్పీకర్ల విషయంలో సుప్రీంకోర్టు మార్గదర్శకాలను వారు ప్రస్తావించారు. వాటిని అనుసరించి ఆలయంలో అన్ని పూజా కార్యక్రమాలు సజావుగా సాగుతున్నాయి” అని వివరించారు షిర్డీ సంస్థాన్ ముఖ్య కార్యనిర్వహణాధికారి భాగ్యశ్రీ బనాయత్.

షిర్డీ పోలీస్​ స్టేషన్​ ఇన్​స్పెక్టర్ గులాబ్​రావ్​ పాటిల్​ సైతం ఈ విషయాన్ని ధ్రువీకరించారు. అయితే.. ఆ సమయంలో అజాన్ కోసం కూడా లౌడ్​స్పీకర్లను వినియోగించలేదని స్పష్టం చేశారు. లౌడ్​స్పీకర్లు వాడాల్సిందే…లౌడ్​స్పీకర్లు లేకుండా కాగడా హారతి నిర్వహించడంపై షిర్డీలోని జమా మసీద్ ట్రస్ట్, స్థానిక ఇస్లాం పెద్దలు ఆగ్రహం వ్యక్తం చేశారు. అనేక ఏళ్ళుగా ఉన్న పద్ధతిని అలానే కొనసాగించాలని డిమాండ్ చేశారు. బాబా ఆలయం.. షిర్డీకి అంతర్జాతీయంగా ఖ్యాతిని తెచ్చిందని, మతసామరస్యానికి ప్రతీకని అన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post లౌడ్ స్పీకర్లు లేకుండా షిర్డీలో మొదటిసారి కాగడా హారతి appeared first on Vishwa Samvad Kendra Andhra Pradesh.