ఈ దాడులలో 12 మందికి పైగా మృతి చెందారు. పెద్ద ఎత్తున ఆస్తి నష్టం సంభవించింది. అనేక హిందూ దేవాలయాలు ధ్వంసమయ్యాయి.

గత నెల 26, 27 తేదీలలో భారత ప్రధాని నరేంద్ర మోడీ బంగ్లాదేశ్ ఆహ్వానం మేరకు ఆ దేశ విముక్తి ఉద్యమ ఉత్సవాల విశిష్ట అతిథిగా ఆ దేశంలో పర్యటించిన సంగతి తెలిసిందే. ఆ సందర్భంగా జమాతే ఇస్లామి మరియు హెఫాజితే ఇస్లాం సంస్థల పిలుపు మేరకు అక్కడ పెద్ద ఎత్తున అల్లర్లు చెలరేగాయి.

ఈ అల్లర్లకు ప్రధాన కారకుడైన హెఫాజితే నాయకుడు మమునుల్ గురించి బంగ్లా ప్రధాని మాట్లాడుతూ… “వాహనాలకు నిప్పంటించి అవి తగలబడుతుంటే మమునల్ మాత్రం తన రెండవ భార్యతో రిసార్ట్ లో కులుకుతున్నాడు. వీటన్నిటికీ అతనికి డబ్బులు ఎక్కడినుంచి వచ్చాయి?” అని ఆమె ప్రశ్నించారు.

ఈ అతివాదుల వివరాలను సేకరించవలసిందిగా ఆమె ఆ దేశ ఇంటెలిజెన్స్ ను ఆదేశించారు. ప్రతిపక్ష BNP మాత్రం జమాత్, హెఫాజత్ల నిరసన ప్రదర్శనలకు మద్దతునిచ్చింది. బంగ్లా ప్రధాని షేక్ హసీనా ఈ విషయంపై ఆదివారం పార్లమెంటులో తీవ్ర ఆగ్రహావేశాలు వ్యక్తం చేశారు.

Source : Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post జమాత్, హెఫాజత్ ల పై కఠిన చర్యలు తప్పవు : బంగ్లా ప్రధాని appeared first on Vishwa Samvad Kendra Andhra Pradesh.