గోదావరి జిల్లాలలో నెలకొన్న వరదల కారణంగా నిరాశ్రయులైన వారి సహాయార్థం సేవాభారతి నిర్వహిస్తున్న సేవా కార్యక్రమాలకు నెల్లూరు జయభారత్ హాస్పిటల్ కూడా తోడైంది. వరద బాధితులకు వైద్య సహాయాన్ని అందించడం కోసం సింహపురి వైద్య సేవా సమితి, జయభారత్ హాస్పిటల్ ల సంయుక్త ఆధ్వర్యంలో వైద్య బృందం ఒకటి బయలుదేరి వెళ్ళింది. అవసరమైనవారికి ఉచితంగా పంపిణీ చేయడం కోసం ఈ బృందం తమతో పాటు 2 లక్షల రూపాయల విలువైన మందులను తీసుకెళ్ళింది. సుమారు 500 కుటుంబాలకు సరిపోయేలా 3 లక్షల రూపాయల విలువచేసే దుస్తులను కూడా ఈ బృందం తమతో తీసుకెళ్ళింది. సింహపురి వైద్య సేవా సమితి సభ్యులు డాక్టర్ సి వి సుబ్రహ్మణ్యం జెండా ఊపటంతో వాహనాలు బయలుదేరాయి. డాక్టర్ చైతన్య ఆ వైద్య బృందానికి సారథ్యం వహిస్తారు.

వరద బాధితుల సహాయార్థం శ్రీ పొన్నలూరి సీతారామిరెడ్డి 1 లక్ష రూపాయలు, శ్రీమతి మాగుంట స్నేహలత 22,500 రూపాయలు విరాళంగా అందజేశారు.

ఎక్కడ ప్రకృతి విపత్తులు సంభవించినా తమ సంస్థ ముందుండి పెద్ద ఎత్తున సేవా కార్యక్రమాలను నిర్వహిస్తున్నదని సింహపురి వైద్య సేవా సమితి ఉపాధ్యక్షులు శ్రీ బాలు సుబ్బారావు తెలిపారు. ఈ విధంగా వైద్య బృందం బయలుదేరుతున్న విషయం తెలుసుకుని బాధితుల సహాయార్థం అనేకమంది తమకు మందులను అందజేశారని తెలుపుతూ వారందరికీ సంస్థ తరఫున కృతజ్ఞతలు తెలియజేశారు. ఇప్పుడు వెళ్ళిన వైద్య బృందం వరద ప్రభావిత ప్రాంతాలలో నాలుగు రోజులపాటు తమ సేవలు అందిస్తుందని, అనంతరం మరో వైద్య బృందం అక్కడికి వెళుతుందని శ్రీ సుబ్బారావు తెలిపారు. ఈ కార్యక్రమంలో సింహపురి వైద్య సేవా సమితి కోశాధికారి శ్రీ గుఱ్ఱం సుధాకర్, జయభారత్ హాస్పిటల్ జనరల్ మేనేజర్ శ్రీ గురుప్రసాద్, మెడికల్ సూపరింటెండెంట్ డాక్టర్ శివ మౌర్య, డాక్టర్ సునీల్ కుమార్, డాక్టర్ ప్రసన్న కుమార్ తదితరులు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post వరద ప్రభావిత ప్రాంతాలకు నెల్లూరు జయభారత్ హాస్పిటల్ వైద్య బృందం appeared first on Vishwa Samvad Kendra Andhra Pradesh.

రాజ‌మ‌హేంద్ర‌వ‌రం: గోదావ‌రి వ‌ర‌ద బాధితుల‌కు సేవాభార‌తి అనే స్వ‌చ్ఛంద సేవా సంస్థ చేయూత అందిస్తోంది. వ‌ర్షాలు, ఇత‌ర ప్రాంతాల నుంచి గోదావ‌రికి వ‌ర‌ద పోటెత్త‌డంతో న‌ది ఉప్పొంగిన విష‌యం విదిత‌మే. దీంతో న‌దీ తీరప్రాంతాలు ముంపున‌కు గుర‌య్యాయి. అక్క‌డి ప్ర‌జ‌లు అష్ట‌క‌ష్టాల్లో చిక్కుకున్నారు.

ఎన్నో కుటుంబాలు నిరాశ్రులయ్యాయి. ఇళ్ళ‌ల్లో బుర‌ద మ‌ట్టి మేట వేసింది. చిన్న‌పిల్ల‌లు, వృద్ధుల ప‌రిస్థితి దారుణంగా ఉన్న‌ది. కొన్నిచోట్ల ఇళ్ళు వ‌ర‌ద నీటికి నానిపోవ‌డంతో బిక్కుబిక్కుమ‌ని గ‌డుపుతున్నారు. మ‌రికొంత‌మంది స‌మీపంలోని రోడ్డుపై గుడారాలు వేసుకున్నారు. ఈ నేప‌థ్యంలో సేవాభార‌తి త‌న సేవా దృక్ఫ‌థాన్ని చాటుకుంటోంది.

జిల్లాలో చింతూరు, కూనవరం, ఎటపాక మండలాలలోని మురుమురు, చిన పోలిపాక, పెద పూలిపాక, గన్నవరం, టేకుబాక, పాత వెంకటాయపాలెం, పొట్లవారి గూడెం, భీమవరం, చుచిరేవులగుడెం, కూనవరంల‌తోపాటు మ‌రో ప‌ది ప‌ల్లెల్లో ప్ర‌జ‌ల‌కు 1070 నిత్యావసర కిట్లు పంపిణీ చేసింది. ఈ కార్యక్రమంలో వంతెన రామచంద్ర రాజు, మా. నీ. విభా సంఘ్ చాలక్ మట్టపర్తి మురళీకృష్ణ, విభాగ్ సహా కార్యవాహ‌, స్వయంసేవకులు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post గోదావ‌రి వ‌ర‌ద బాధితుల‌కు ‘సేవాభార‌తి’ చేయూత‌ appeared first on Vishwa Samvad Kendra Andhra Pradesh.

ఆ ట్యూషన్ సెంటర్ల (అభ్యాసికల) వార్షికోత్సవం సందర్భంగా ఆదివారం సిద్ధార్థ ఆడిటోరియంలో ఏర్పాటు చేసిన ‘బాలమేళా’ కార్యక్రమంలో విద్యార్థులు శాస్త్రీయ, సంప్రదాయ నృత్యాలు, నృత్య రూపకాలతో అలరించారు. నాటికలతో భళా అనిపించారు. సంప్రదాయ దుస్తులు ధరించి కోలాటం చేశారు. కార్యక్రమానికి అతిథులుగా శ్రీమతి నర్రా లలితాదేవి, శ్రీ తూనుగుంట శ్రీనివాస్, డాక్టర్ చదలవాడ సుధ, సేవాభారతి కమిటీ సభ్యులు డాక్టర్ సాయికిశోర్, శ్రీమతి పత్తి నాగలక్ష్మి, శ్రీ శుభశేఖర్, శ్రీమతి మాధురి, శ్రీ మాధవ తదితరులు పాల్గొన్నారు. కార్యక్రమంలో సేవా భారతి సహ ప్రాంత సేవా ప్రముఖ్ శ్రీ మనోహర్ పాల్గొని ప్రసంగించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఆకట్టుకున్న బాలమేళా appeared first on Vishwa Samvad Kendra Andhra Pradesh.

పురస్కార పత్రం

నెల్లూరు జిల్లా గూడూరు లోని సేవాభారతి కార్యకర్తలు కరోనా ఫస్ట్ వేవ్ నుంచి ప్రజలకు అనేక విధాలుగా బాసటగా నిలిచారు. ఫస్ట్ వేవ్ లాక్ డౌన్ సమయంలో పేదలకు విస్తృతంగా ఆహార పొట్లాలు, మందుల కిట్లు, నిత్యావసరాల కిట్లు నెలల తరబడి అందజేశారు. లాక్ డౌన్ కారణంగా ఇంటిలో నుంచి బయటకు వచ్చి నిత్యావసరాలు, మందులు వంటివి కొనుగోలు చేసుకోలేక ఇబ్బందులు పడుతున్న ఎందరికో వారు కేవలం ఒక్క ఫోన్ కాల్ తో స్పందించి వారికి అవసరమైనవన్నీ ఇంటికి చేర్చే వ్యవస్థను ఏర్పాటు చేశారు. హైవే వెంట పెద్ద ఎత్తున నడిచిపోతూ ఉండిన వలస కూలీలకు విస్తృతంగా ఆహార పొట్లాలు, మంచినీరు, సోపులు, పేస్టులు, దుస్తుల వంటివి అందజేశారు.

ఫస్ట్ వేవ్ లో సేవలు

కోవిడ్ సెకండ్ వేవ్ లో శవదహనాలు

ఇక కోవిడ్ సెకండ్ వేవ్ సమయంలోనైతే పై అన్నిటితో పాటుగా కోవిడ్ కారణంగా మృతి చెందిన వ్యక్తుల యొక్క మృతదేహాల (సొంత వారు కూడా దగ్గరకు రాని పరిస్థితులలో) దహన సంస్కారాలను కూడా స్వయంగా సేవా భారతి కార్యకర్తలే నిర్వహించడం విశేషం. అలాగే గూడూరు నగరంలోని పాత బస్టాండ్ సెంటర్, పొట్టి శ్రీరాములు పార్క్, గాంధీనగర్, మాళవ్య నగర్, జానకిరాంపేటలలో 2 నెలలపాటు ఉచితంగా కషాయ వితరణ చేశారు. వరదల కారణంగా హైవే రోడ్డు దెబ్బతిని రాకపోకలు బాగా కష్టమై హైవేపై నిలిచిపోయిన వందలాది వాహనాలలోని ప్రయాణికులకు, డ్రైవర్లకు, కండక్టర్లకు పెద్ద ఎత్తున ఆహార పొట్లాలు, మంచినీరు, పసిపిల్లలకు పాలు వంటివి ఏర్పాటు చేశారు.

వర్షాలలో హైవేపై నిలిచిపోయిన వాహానాలలోని వారికి ఆహారం అందజేస్తున్న సేవాభారతి కార్యకర్తలు

ఈ సేవలకు గాను ఆంధ్రప్రదేశ్ ప్రభుత్వం, గణతంత్ర దినోత్సవం సందర్భంగా అందించిన ఉత్తమ సేవా పురస్కారాన్ని MLA శ్రీ వెలగపూడి వరప్రసాదరావు, మాజీ మున్సిపల్ చైర్ పర్సన్ మరియు స్వచ్ఛాంధ్రప్రదేశ్ కమిటీ చైర్మన్ శ్రీమతి పొణకా దేవసేనమ్మ, RDO మురళీకృష్ణ, DSP రాజగోపాల్ రెడ్డి, మునిసిపల్ కమీషనర్ శ్రీకాంత్ ల చేతుల మీదుగా సేవాభారతి ప్రతినిధులు శ్రీ శేగు ప్రసాదరావు, శ్రీ విఘ్నేశ్, శ్రీ మల్లిఖార్జునలు అందుకున్నారు. కరోనా ఫస్ట్ వేవ్ లో అందించిన సేవలకుగాను గత సంవత్సరం కూడా ఇదే విధంగా సేవాభారతికి ఉత్తమ సేవా పురస్కారం లభించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సేవాభారతికి ఉత్తమ సేవా పురస్కారం appeared first on Vishwa Samvad Kendra Andhra Pradesh.

సేవా భారతి మొదటిగా తూర్పుగోదావరి జిల్లాలో బాగా వెనుకబడిన, ప్రస్తుతం పోలవరం ముంపు మండలాలుగా ఉన్న చింతూరు, వరరామ చంద్రాపురం, కూనవరం, వేలేరుపాడు మండలాలతో పాటు కుక్కనూరు, భద్రాచలం, ఎటపాక మండలాలలో గల సుమారు 200 మారుమూల గ్రామాలలోని ప్రజలకు పౌష్టికాహారాన్ని అందించడంతోపాటు, వైద్య సౌకర్యాలు కల్పించటం, అసలు బడికే వెళ్లకుండా బాల్యం నుంచి పశువుల కాపర్లుగా, వ్యవసాయ కూలీలుగా పనిచేస్తూ ఉండిన బాలబాలికలతో పాటు, కొంతకాలం బడికి వెళ్ళి వివిధ కారణాలతో బడి మానేసి బాలకార్మికులుగా పనిచేస్తుండిన బాల బాలికలను గుర్తించి, వారితో, వారి తల్లిదండ్రులతో మాట్లాడి, బుజ్జగించి, ఒప్పించి వారికి బ్రిడ్జి కోర్సుల ద్వారా పునశ్చరణ తరగతులు నిర్వహించి వారిని పాఠశాలలలోనూ, కళాశాలలలోనూ చేర్పించి, వసతి, భోజనం, దుస్తులు, పుస్తకాలు, పాఠశాల ఫీజులు వంటి సకల సౌకర్యాలూ కల్పించి వారు విజయవంతంగా వారి చదువును పూర్తి చేసి, ఏవేని వృత్తి ఉద్యోగాలలో స్థిరపడే వరకు వారికి పెద్దదిక్కుగా, అండదండగా నిలచింది సేవాభారతి. ఆ విధంగా విద్యార్జన చేస్తున్న, జీవితంలో స్థిరపడిన వారిలో ఎక్కువమంది బాగా వెనుకబడిన కొండరెడ్డి, కోయ కులస్తులే. ప్రస్తుతం సేవాభారతి ఆధ్వర్యంలో చింతూరులో నడుస్తున్న ఆసుపత్రి ఆ చుట్టుప్రక్కలి నలభై గ్రామాల ప్రజలకు కేవలం రూ.10/-లకే వైద్య సేవలందిస్తోంది. కొండరెడ్డి కులస్తులకైతే పూర్తి ఉచితం. ఆ ఆసుపత్రి ఆధ్వర్యంలో ఓ మొబైల్ వ్యాన్ ద్వారా కూడా ఆ చుట్టుప్రక్కలి మారుమూల గ్రామాలకు ఉచిత వైద్యసేవలు నిర్విరామంగా అందుతున్నాయ్.

వేదికపై డా. మురళీకృష్ణ, శ్రీ శ్రీనివాసరాజు, డా. శాయికిశోర్, డా. P. S. రావు, శ్రీ ఓంకార నరసింహం

సేవాభారతి ప్రయత్నంతో ఆ గ్రామాలలో ప్రస్తుతం పరిస్థితులు ఎంతో మెరుగుపడ్డాయ్. ప్రజల ఆర్ధిక, ఆరోగ్య స్థితిగతులలో గణనీయమైన మార్పులొచ్చాయ్. విద్యాగంధం అంటడం, ఆరోగ్యము, కుటుంబ పరిస్థితులు, ఆర్ధిక స్థితిగతులపై అవగాహన గ్రామీణులను వ్యసన ముక్తులనుజేసింది. కొన్ని సామాజిక దురాచారాలు కూడా దూరమయ్యాయి.

సేవాభారతి కృషికి ‘విద్యామిత్ర ట్రస్ట్’, హైదరాబాద్ వారి ఆర్ధిక సహకారం తోడయ్యింది. సేవాభారతి చేసిన, చేస్తున్న సేవాకార్యక్రమాలకు లభిస్తున్న ఆర్ధిక సహకారంలో సింహభాగం విద్యామిత్ర ట్రస్ట్ దే. సేవాభారతి ఆధ్వర్యంలో 2004లో బాల కార్మిక పాఠశాల ప్రారంభమైంది. ఆ విధంగా ఇప్పటివరకూ సేవాభారతి ఒడి చేరిన 600 మంది బాలబాలికలు… కొందరు ఉన్నత విద్యనభ్యసిస్తూ ఉండగా….. సుమారు 70 మంది యువతీ యువకులు పలు వృత్తి, ఉద్యోగాలలో స్థిరపడ్డారు.

సేవాభారతి ద్వారా విద్యనభ్యసిస్తున్న పిల్లలు జీవితంలో తేలికగా స్థిరపడేలా వారికి 2008 నుంచి Auxiliary Nursing Midwifery (A.N.M.), General Nursing and Midwifery (GNM), Multi Purpose Health Worker (M.P.H.W.), B.Sc Nursing వంటి వృత్తి విద్యా కోర్సులలో శిక్షణనిప్పించారు. అలా శిక్షణ పొందిన యువతీ యువకులు సుమారు 50 మంది తూర్పు గోదావరి జిల్లాలోని తుని సమీపంలోని కృష్ణవరం నుంచి గోదావరి ఒడ్డునున్న జీడిగుప్ప గ్రామం వరకు ఉన్న వివిధ ప్రభుత్వ ప్రాథమిక ఆరోగ్య కేంద్రాలలోనూ, కిమ్స్, అపోలో, బసవరామతారకం క్యాన్సర్ హాస్పిటల్, ఏషియన్ గ్యాస్ట్రో ఎంటరాలజీ సెంటర్ వంటి ప్రతిష్ఠాత్మక ఆసుపత్రులలో పనిచేస్తున్నారు. 2008 లో 8 మందితో ప్రారంభమైన వృత్తివిద్యా కోర్సుల శిక్షణ ప్రస్తుతం 80 మందితో నడుస్తోంది.

సేవాభారతి అక్కున చేర్చుకున్న కన్నరాజు ప్రస్తుతం ఓ ఇంజనీర్. కోయ కులానికి చెందిన కిరణ్ ప్రస్తుతం ముంబైలో ఓ ఉన్నత ఉద్యోగంలో ఉన్నాడు. కొండరెడ్డి కులానికి చెందిన కళ్యాణ్ రెడ్డి SBI లో పనిచేస్తున్నాడు. రాంబాబు అగ్రికల్చర్ డిపాట్మెంట్లో ఇంజనీర్. శివాజీ ఉపాధ్యాయుడు. ఇలా సేవాభారతి అవిరళ కృషి కారణంగా ఎందరో యువతీయువకులు ప్రయోజకులై జీవితంలో అత్యున్నతంగా స్థిరపడ్డారు. సేవాభారతి ద్వారా లభించిన అత్యున్నత సంస్కారం కారణంగా అత్యంత ఆదర్శవంతంగానూ జీవిస్తున్నారు. అంతేకాదు తాము జీవితంలో స్థిరపడ్డాక మరికొందరు బాలబాలికలకు భవిష్యత్తును ప్రసాదించటానికి సేవాభారతికి చేయూతనందిస్తున్నారు. ఈ సంస్కారం తమకు సేవాభారతి పెద్దల ద్వారానే లభించిందని వారు వినమ్రంగా చెప్పుకుంటారు కూడా.

ఆ విధంగా సేవా భారతి “విద్యార్థి వికాస యోజన” ద్వారా చదువుకుంటున్న, వృత్తి ఉద్యోగాలలో స్థిరపడిన సుమారు 90 మంది యువతీ యువకుల ఆత్మీయ సమ్మేళనం విజయవాడ, సత్యనారాయణపురంలోని విజ్ఞాన విహార ఇంగ్లీష్ మీడియం పాఠశాలలో జరిగింది. ఈ కార్యక్రమానికి సేవాభారతి రాష్ట్ర అధ్యక్షులు డాక్టర్ సాయికిశోర్ అధ్యక్షత వహించారు. ఈ సందర్భంగా శ్రీ సాయి కిశోర్ మాట్లాడుతూ సేవాభారతి అందించిన చేయూతను అందుకుని జీవితంలో స్థిరపడిన ఈ యువతీయువకులందరూ అదృష్టవంతులని, సేవాభారతి ద్వారా పొందిన సంస్కారాన్ని ఆజన్మాంతమూ పాటించి జీవితంలో మరిన్ని ఉన్నత శిఖరాలను అధిరోహించాలని ఆకాంక్షించారు.

విద్యాభారతి ప్రాంత కార్యదర్శి శ్రీ ఓంకార నరసింహం మాట్లాడుతూ ఆంధ్రప్రదేశ్ ప్రాంతంలో గత 20 సంవత్సరాలుగా ఈ కార్యాన్ని ముందుండి నడిపిస్తున్న డాక్టర్ మురళీకృష్ణ గారిని శ్రీకృష్ణునిగానూ, చింతూరు ఆసుపత్రిలో వైద్యసేవలందిస్తున్న డాక్టర్ ప్రసాద్ గారిని అర్జునుడిగానూ, తూర్పుగోదావరి జిల్లాలోని మారుమూల గ్రామాలలో సేవాభారతి ట్యూషన్ సెంటర్లను నిర్వహిస్తున్న శ్రీ ముత్తయ్య గారిని హనుమంతుడిగానూ అభివర్ణించారు.

తన అనుభవాలను వివరిస్తున్న సేవాభారతి పూర్వ విద్యార్థి శ్రీ రాంబాబు (ప్రస్తుతం ఇరిగేషన్ ఇంజనీర్)

బాలికల నృత్య ప్రదర్శనలు

ఆరోగ్యభారతి ఆంధ్రప్రదేశ్ అధ్యక్షులు డాక్టర్ పి. ఎస్. రావు గారు మాట్లాడుతూ “ప్రస్తుతం యువత తీరుతెన్నులు చూసి నేనెప్పుడూ సహజంగా ఆవేదన చెందుతూ వుంటాను. ఇప్పుడు ఈ పిల్లల్ని చూసిన తర్వాత, వారితో మాట్లాడిన తర్వాత, వారి సంస్కారాన్ని దర్శించిన తర్వాత నాలో ఆ దిగులు నశించింది. ఈ పిల్లల్ని చూసి నేను గర్విస్తున్నాను. భారతదేశ భవిష్యత్తుపై భరోసాగా ఉన్నాను.“ అని పేర్కొన్నారు.

అనంతరం ఆర్. ఎస్. ఎస్ ప్రాంత కార్యకారిణి సభ్యులు శ్రీ భూపతిరాజు శ్రీనివాసరాజు మాట్లాడుతూ సేవాభారతి కార్యక్రమం మొదట మధ్యప్రదేశ్ లో ప్రారంభమైందని తెలిపారు. సేవాభారతి ద్వారా ప్రస్తుతం దేశవ్యాప్తంగా 1,50,000 సేవా ప్రకల్పాలు జరుగుతున్నాయని తెలిపారు. ఈ పిల్లలందరూ వారి కుటుంబానికి, గ్రామానికి, సమాజానికి, దేశానికి వెలుగునిచ్చే దివ్వెలు కావాలని ఆకాంక్షించారు.

చెక్కును అందజేస్తున్న శ్రీమతి నార్ల రత్నకుమారి, శ్రీ భరత్

‘విద్యార్థి వికాస యోజన’ ద్వారా జీవితంలో స్థిరపడిన యువతీ యువకులు ఈ సందర్భంగా తమ అనుభవాలను ఆహూతులతో పంచుకున్నారు. ఆరోగ్య భారతి అఖిల భారత అధ్యక్షులు డాక్టర్ మురళీ కృష్ణ మరియు సేవాభారతి, ఆరోగ్యభారతి కార్యకర్తల ఆధ్వర్యంలో ఈ కార్యక్రమం జరిగింది.

ఈ సందర్భంగా శ్రీమతి నార్ల రత్నకుమారి సేవాభారతి రాష్ట్ర అధ్యక్షులు డాక్టర్ సాయి కిశోర్ గారి చేతికి చెక్కును అందజేశారు. కార్యక్రమంలో పాల్గొన్న పెద్దల చేతులమీదుగా పిల్లలందరికీ వస్త్రాలను బహూకరించారు. ఆనందోత్సాహాల మధ్య కార్యక్రమం ముగిసింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post విజయవాడలో సేవా భారతి `ఆత్మీయ సమ్మేళనం` appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post Free medical examinations under the auspices of Sevabharati appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సేవాభారతి ఆధ్వర్యంలో ఉచిత వైద్య పరీక్షలు appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post Sevabharati opens new office in Vijayawada appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post విజయవాడలో సేవాభారతి నూతన కార్యాలయ గృహప్రవేశం appeared first on Vishwa Samvad Kendra Andhra Pradesh.

జస్టిస్ బెంజమిన్ కోషి మైనారిటీలను ఉద్దేశపూర్వకంగా తప్పుదోవ పట్టించడానికి, దేశంలో జరిగే కొన్ని హింసాత్మక కార్యకలాపాల బాధ్యతను ఆర్‌ఎస్‌ఎస్ ‌పై మోపడానికి దేశంలోని కొన్ని ప్రాంతాల్లో ఒక వ్యవస్థీకృత ఎత్తుగడ ఉన్నట్లు కనిపిస్తోందని శ్రీ కోషి అన్నారు. ఆర్‌ఎస్‌ఎస్ అనేది దేశ ప్రగతి మరియు సమగ్రత కోసం పనిచేసే దేశభక్తుల సంస్థ అని, RSS లో యువతకు ఆ విధంగా శిక్షణ ఇస్తారని ఆయన అన్నారు. ఇది ఏ రాజకీయ పార్టీకి లేదా సంస్థకు మద్దతుదారు కాదని కూడా ఆయన పేర్కొన్నారు.

“నేను ఆర్థడాక్స్ చర్చికి చెందిన క్రిస్టియన్ ని అని అందరికీ తెలుసు. రాష్ట్రీయ స్వయం సేవక్ సంఘ్ విదేశీ ఆధిపత్యంలో నడిచే సంస్థ కాదు. ఆర్. ఎస్. ఎస్ మన స్వంత సంస్కృతిలో లీనమైన జాతీయ దృష్టితో పెరుగుతోంది. దేవుని ప్రేమ మరియు శక్తిని ఇతరులకు అందించాలని నమ్ముతారు. అలాగే ఆర్‌ఎస్‌ఎస్ మన దేశంలో వివిధ రాష్ట్రాలు, విభిన్న ఆచారాలు, మతాలు, కులాలు మొదలైన వాటిని సంరక్షించడానికి, దేశాన్ని మొత్తం ముందుకు తీసుకెళ్లడానికి ప్రయత్నిస్తోంది. ఇందుకోసం యువతకు ప్రోత్సాహం, శిక్షణ ఇస్తారు.” అని శ్రీ కోషి తెలిపారు. తాను సేవాభారతి యొక్క అనేక సామాజిక కార్యక్రమాలలో పాల్గొంటున్నట్లు కూడా ఆయన చెప్పారు. కేరళలో వరదలు సంభవించినపుడు, కోవిడ్ కష్ట కాలంలో సేవాభారతి విస్తృతమైన సహాయ కలాపాలను నిర్వహించిందని ఆయన కొనియాడారు. సేవాభారతి, ఆర్. ఎస్. ఎస్ కార్యకలాపాలు మరింతగా విస్తరించాలనే ఆకాంక్షను ఆయన వ్యక్తం చేశారు. మనస్సును కప్పి ఉంచే చీకటిని తొలగించడమే నవరాత్రి వేడుకల లక్ష్యమని ఆయన తెలిపారు.

Source : VSK KERALA

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఉగ్రవాదుల ఆగడాలను అడ్డుకోవాలంటే R S S మరింత బలోపేతం కావాలి – జస్టిస్ జె. బెంజమిన్ కోషి appeared first on Vishwa Samvad Kendra Andhra Pradesh.