వరదబాధితుల తక్షణ అవసరాలు గుర్తించిన RSS కార్యకర్తల సహకారంతో సేవా భారతి సహాయ కార్యక్రమాలు ప్రారంభించింది. రాజమహేంద్రవరం నుండి సహాయ సామాగ్రిని తీసుకుని బయలుదేరిన సేవాభారతి వాహనం చింతూరు, కూనవరం, వరరామచంద్రాపురం, ఏటిపాక ప్రాంతాల్లోని 5 వేల మంది వరదబాదిత ప్రజలకు కొవ్వొత్తులు, అగ్గిపెట్టెలు, టార్చిలైటు తోపాటు నిత్యావసర వస్తువులు ఉన్న కిట్లను కార్యకర్తలు అందించారు.

కోనసీమ జిల్లాలోని లంక గ్రామాలైన పాశర్లపూడిలంక, దొడ్డవరం, పెదపట్నంలంక శ్రీరాంపేట తదితర గ్రామాల్లో భోజనాలు ఏర్పాటు చేశారు. భీమవరం, రాజోలు, అమలాపురం, తదితర ప్రాంతాల నుండి వచ్చిన వేలాది పాల పేకట్లు, బిస్కట్లు మరియు సరుకులతో కూడిన పేకెట్లను పంచారు. నరసాపురం వద్ద గండి పడే ప్రాంతాలను గుర్తించి ఇసుక బస్తాలు వేసి గట్లను రక్షించారు. కుక్కునూరు, వేలేరుపాడు ప్రాంతాల వారికి కూరగాయలు, మంచినూనె పాకెట్లు పంపిణీ చేశారు. అంటువ్యాధులు ప్రబలకుండా వైద్య సహాయం అందిస్తున్నారు. సేవాభారతి అందిస్తున్న సేవలను ప్రజలు ఎల్లెడలా కొనియాడుతున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post గోదావరి వరద గ్రామాలలో అనితర సాధ్యమైన సేవలందిస్తున్న సేవాభారతి appeared first on Vishwa Samvad Kendra Andhra Pradesh.

గత 25 సంవత్సరాలుగా సేవా భారతి, విజయవాడలోని గుణదల పరిసర ప్రాంతాలలో ‘ధన్వంతరి క్లినిక్’ ద్వారా పేద రోగులకు ఉచిత వైద్య సేవలు అందిస్తున్నది. కొన్ని అనివార్య కారణాలవల్ల కొంతకాలం క్రితం ఆ సేవలు తాత్కాలికంగా నిలిపివేయబడ్డాయి. ఇప్పుడు తాజాగా విజయవాడలోని ఎల్ ఐ సి కాలనీలో గల సేవా భారతి కార్యాలయం నందు ఉచిత వైద్య సేవలు ధన్వంతరి క్లినిక్ ద్వారా పునః ప్రారంభమయ్యాయి. ఈ సందర్భంగా సేవా భారతి అధ్యక్షులు డాక్టర్ సాయి కిశోర్ రోగులను పరీక్షించి అవసరమైనవారికి మందులను అందజేశారు.

ఈ క్లినిక్ ద్వారా ఉచిత వైద్య సేవల తో పాటు, అందుబాటులో ఉన్న మేరకు అవసరమైనవారికి మందులు కూడా ఉచితంగానే అందజేస్తామని నిర్వాహకులు తెలియజేశారు.

ఈ కార్యక్రమంలో సేవాభారతి కార్యదర్శి శ్రీ సుబ్బ శేఖర్, కోశాధికారి శ్రీ మాదిరాజు మాధవ, కోఆర్డినేటర్ శ్రీ రామకృష్ణ, శ్రీ జీవీ రెడ్డి, శ్రీ సురేష్ బాబు, శ్రీ సురేష్ తదితరులు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సేవాభారతి వారి ‘ధన్వంతరి క్లినిక్’ పునఃప్రారంభం appeared first on Vishwa Samvad Kendra Andhra Pradesh.

ఈ సందర్భంగా డాక్టర్ ప్రవీణ్ మాట్లాడుతూ పురాతన భారతీయ ఆయుర్వేద వైద్య విధానంలో ఎన్నో దీర్ఘకాలిక రోగాలను సైతం, ఎలాంటి సైడ్ ఎఫెక్ట్స్ లేకుండా నయం చెయ్యగలిగే అవకాశం ఉన్నదని తెలిపారు. మన పూర్వీకులు వాడిన ఈ ఆయుర్వేద వైద్య పద్ధతులను అనుసరించి, ఆదరించి మనమందరమూ రోగ విముక్తులం కావాలని, జబ్బుల పేరుతో అనవసరంగా లక్షలాది రూపాయలను తగలేసుకుని ఇంటిని, ఒంటిని గుల్ల చేసుకోవలదని హితవు పలికారు. ఆయుర్వేద వైద్య విధానాన్ని నమ్ముకుంటే మనను చుట్టిముట్టి ఉన్న పలు రోగాల నుంచి ఉపశమనం పొందవచ్చని ఆయన భరోసా ఇచ్చారు. ఈ కార్యక్రమంలో పలువురు సేవాభారతి, ABVP కార్యకర్తలు పాల్గొని ఏర్పాట్లను పర్యవేక్షించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సేవాభారతి, ABVP ల ఆధ్వర్యంలో విజయవాడలో ఉచిత ఆయుర్వేద వైద్య శిబిరం appeared first on Vishwa Samvad Kendra Andhra Pradesh.

Award certificate

Sevabharati activists in Gudur, Nellore district, have been a boon to the people in many ways since the Corona First Wave.During the first wave lockdown, food parcels, medicine kits and essentials kits were widely distributed to the poor for months by Sevabharati. Sevabharati have set up a system that responds with just one phone call and delivers home needs to their doorstep for those who are struggling to get out of the house and buy essentials and medicines due to lockdown. Food parcels, drinking water, soaps, pastes and clothing were widely distributed to the migrant workers who were walking along the highway on a large scale during that period.

Services in Covid 1st Wave

Cremations in Covid 2nd Wave

During the second wave of Covid, Seva Bharati activists cremated the bodies of those who died due to Covid (i.e., in a miserable situation where even their own relatives also could not come close to the dead bodies). And also they distributed infusion in old bus stand center, Potti Sriramulu Park, Gandhinagar, Malavya Nagar, Janakirampet in Gudur town for 2 months. Food parcels, drinking water and milk provided for passengers who stucked on Gudur High way in hundreds of vehicles and also in Gudur railway station due to heavy rains and floods.

Sevabharati activists distributing food those in vehicles parked on the highway during the rains and floods

For these memorable services Sevabharati representatives Shri Segu Prasadarao, Shri. Vignesh and Sri Mallikharjuna received Best Service Award Certificate by MLA Shri Velagapudi Varaprasadarao, Former Municipal Chairperson and Chairman of Swachchandrapradesh Committee Mrs. Ponaka Devasenamma, RDO Shri Muralikrishna, Municipal Commissioner Shri Shrikant and DSP Shri Rajagopal Reddy. Last year also, Sevabharati received the Best Service Award for their services in Corona First Wave.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post Sevabharati got Best Service Award appeared first on Vishwa Samvad Kendra Andhra Pradesh.

పురస్కార పత్రం

నెల్లూరు జిల్లా గూడూరు లోని సేవాభారతి కార్యకర్తలు కరోనా ఫస్ట్ వేవ్ నుంచి ప్రజలకు అనేక విధాలుగా బాసటగా నిలిచారు. ఫస్ట్ వేవ్ లాక్ డౌన్ సమయంలో పేదలకు విస్తృతంగా ఆహార పొట్లాలు, మందుల కిట్లు, నిత్యావసరాల కిట్లు నెలల తరబడి అందజేశారు. లాక్ డౌన్ కారణంగా ఇంటిలో నుంచి బయటకు వచ్చి నిత్యావసరాలు, మందులు వంటివి కొనుగోలు చేసుకోలేక ఇబ్బందులు పడుతున్న ఎందరికో వారు కేవలం ఒక్క ఫోన్ కాల్ తో స్పందించి వారికి అవసరమైనవన్నీ ఇంటికి చేర్చే వ్యవస్థను ఏర్పాటు చేశారు. హైవే వెంట పెద్ద ఎత్తున నడిచిపోతూ ఉండిన వలస కూలీలకు విస్తృతంగా ఆహార పొట్లాలు, మంచినీరు, సోపులు, పేస్టులు, దుస్తుల వంటివి అందజేశారు.

ఫస్ట్ వేవ్ లో సేవలు

కోవిడ్ సెకండ్ వేవ్ లో శవదహనాలు

ఇక కోవిడ్ సెకండ్ వేవ్ సమయంలోనైతే పై అన్నిటితో పాటుగా కోవిడ్ కారణంగా మృతి చెందిన వ్యక్తుల యొక్క మృతదేహాల (సొంత వారు కూడా దగ్గరకు రాని పరిస్థితులలో) దహన సంస్కారాలను కూడా స్వయంగా సేవా భారతి కార్యకర్తలే నిర్వహించడం విశేషం. అలాగే గూడూరు నగరంలోని పాత బస్టాండ్ సెంటర్, పొట్టి శ్రీరాములు పార్క్, గాంధీనగర్, మాళవ్య నగర్, జానకిరాంపేటలలో 2 నెలలపాటు ఉచితంగా కషాయ వితరణ చేశారు. వరదల కారణంగా హైవే రోడ్డు దెబ్బతిని రాకపోకలు బాగా కష్టమై హైవేపై నిలిచిపోయిన వందలాది వాహనాలలోని ప్రయాణికులకు, డ్రైవర్లకు, కండక్టర్లకు పెద్ద ఎత్తున ఆహార పొట్లాలు, మంచినీరు, పసిపిల్లలకు పాలు వంటివి ఏర్పాటు చేశారు.

వర్షాలలో హైవేపై నిలిచిపోయిన వాహానాలలోని వారికి ఆహారం అందజేస్తున్న సేవాభారతి కార్యకర్తలు

ఈ సేవలకు గాను ఆంధ్రప్రదేశ్ ప్రభుత్వం, గణతంత్ర దినోత్సవం సందర్భంగా అందించిన ఉత్తమ సేవా పురస్కారాన్ని MLA శ్రీ వెలగపూడి వరప్రసాదరావు, మాజీ మున్సిపల్ చైర్ పర్సన్ మరియు స్వచ్ఛాంధ్రప్రదేశ్ కమిటీ చైర్మన్ శ్రీమతి పొణకా దేవసేనమ్మ, RDO మురళీకృష్ణ, DSP రాజగోపాల్ రెడ్డి, మునిసిపల్ కమీషనర్ శ్రీకాంత్ ల చేతుల మీదుగా సేవాభారతి ప్రతినిధులు శ్రీ శేగు ప్రసాదరావు, శ్రీ విఘ్నేశ్, శ్రీ మల్లిఖార్జునలు అందుకున్నారు. కరోనా ఫస్ట్ వేవ్ లో అందించిన సేవలకుగాను గత సంవత్సరం కూడా ఇదే విధంగా సేవాభారతికి ఉత్తమ సేవా పురస్కారం లభించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సేవాభారతికి ఉత్తమ సేవా పురస్కారం appeared first on Vishwa Samvad Kendra Andhra Pradesh.

కేరళ: మెప్పడియాన్‌ అనే మలయాళ చిత్రంలో ప్రముఖ స్వచ్ఛంద సంస్థ సేవా భారతికి చెందిన అంబులెన్స్‌ వినియోగించారు. దీనిని ఓర్వలేని మతోన్మాదులు విమర్శలు గుప్పిస్తూ మరోసారి తమ నైజాన్ని చాటుకున్నారు.

ఈ సినిమా ఈ నెల 14న విడుదలైంది. సినిమాలో సేవా భారతి అంబులెన్స్‌ని, హనుమంతుడి విగ్రహాన్ని దర్శకుడు విష్ణు మోహన్‌ వినియోగించుకున్నారు. చిత్రంలో నటుడు ఉన్ని ముకుందన్‌ను గొప్ప హిందువుగా చిత్రీకరించినందుకు అక్కడి ప్రేక్షకులు పలు రకాలుగా విమర్శిస్తున్నారు. దీనికి ఇందు మక్కల్‌ కట్చి(ఐఎంకే) అనే హిందూ నేషనలిస్ట్‌ పార్టీ స్పందించింది. మతోన్మాదుల ద్వేషపూరిత ప్రచారాన్ని తిప్పికొడుతూ ఓ కథనాన్ని ట్వీట్‌ చేసింది.

‘గర్వించదగిన హిందూ నటుడు ఉన్ని ముకుందన్‌ తాజా చిత్రం మతపరమైనదిగా ఉందని అబ్రహామిక్‌/కమీ చాలా తీవ్రంగా విమర్శిస్తున్నారు’ అని ట్వీట్‌ చేసింది. విమర్శలకు అనేక కారణాలను పేర్కొంటూ, ఈ చిత్రం హిందువులను ఎగతాళి చేయడాన్ని సమర్ధించదని, గర్వించదగిన ప్రతి హిందువుతో సంబంధం కలిగి ఉండే సాధారణ కథ అని ఆ ట్వీట్‌లో జోడిరచింది.

అయితే, ఉన్ని ముకుందన్‌ రెండు సన్నివేశాల ద్వారా ప్రజలను రెచ్చగొట్టడానికి ప్రయత్నిస్తున్నారని పౌరులలో ఒక వర్గం పేర్కొంది- ఒకటి, సేవా భారతి అంబులెన్స్‌ని ఉపయోగిస్తున్నారు. రెండోది నటుడు హనుమంతుని విగ్రహంతో పోజులిచ్చాడు.. అని!

ఇదిలావుండగా, సేవా భారతి గిరిజన, స్థానిక వర్గాలతో సహా భారతీయ సమాజంలోని బలహీన వర్గాల అభ్యున్నతి కోసం పనిచేసే ప్రభుత్వేతర స్వచ్ఛంద సంస్థ. కేరళలో ఇప్పటికే ఉన్న ఆరోగ్య సంరక్షణ మౌలిక సదుపాయాలను ప్రోత్సహిస్తూ, మారుమూల ప్రాంతాల్లో నివసించే ప్రజలకు వైద్య సహాయం అందించడానికి అంబులెన్స్‌ సేవలను కూడా నిర్వహిస్తోంది.

హనుమంతుడి పాత్ర తప్పు అనిపించలేదు: నటుడు ఉన్ని ముకుందన్‌

కొంతమంది అదే పనిగా చేస్తున్న విమర్శలకు నటుడు ఉన్ని ముకుందన్‌ స్పందించారు. ముకుందన్‌ ఒక ఇంటర్వ్యూలో సేవా భారతి అంబులెన్స్‌ చిత్రీకరణలో తప్పుగా భావించలేదని పేర్కొన్నాడు. సమాజంలోని ఒక వర్గం ద్వేషపూరిత ప్రచారాన్ని వ్యాప్తి చేయడం, కళాత్మక స్వేచ్ఛను కించపరచడం బాధాకరం అని ఆయన అన్నారు.

‘కొన్ని దశాబ్దాలుగా భారతదేశంలో పనిచేస్తున్న స్వచ్ఛంద సంస్థ సేవా భారతి. ఉచిత అంబులెన్స్‌ సేవలను అందిస్తుండడంతోపాటు ఆర్థిక సమస్యలలో చిక్కుకున్న సామాన్యుడి స్థితిగతులను తెలుపుతుందీ చిత్రం’ అని నటుడు పేర్కొన్నాడు. అంతేకాదు.. సేవా భారతి అంబులెన్స్‌ను ఉపయోగించడాన్ని రాజకీయ ప్రకటనగా పరిగణించలేమని స్పష్టం చేశారు.

‘లార్డ్‌ హనుమాన్‌’ ట్రోల్‌ గురించి మాట్లాడుతూ, ‘నా చిన్నప్పటి నుండి హనుమాన్‌ స్వామి నాకు స్ఫూర్తి. నేను ఫిజికల్‌ ఫిట్‌నెస్‌కు ఎక్కువ ప్రాధాన్యం ఇచ్చే వ్యక్తిని.. నాకు హనుమాన్‌ స్వామి రోల్‌ మోడల్‌. ప్రజలు ప్రతిదాన్ని ప్రతికూల కోణంలో ఎందుకు తీసుకుంటున్నారో నాకు నిజంగా తెలియదు. నేను సినిమాలో చేసిన దానికి స్పష్టమైన కారణం ఉంది’ అని ముకుందన్‌ పేర్కొన్నారు.

ఆపద్భాందవి… సేవాభారతి : దర్శకుడు విష్ణు మోహన్‌

మెప్పడియాన్‌ సినిమాపై వస్తున్న విమర్శలకు సినిమా దర్శికుడు విష్ణు మోహన్‌ కూడా స్పందించారు. విపత్తుల గురించి సినిమా తీస్తున్నప్పుడు సేవా భారతిని ఉపయోగించకుండా వదిలివేయలేము. వారి అంబులెన్స్‌ని ఉపయోగించడంలో తప్పు ఏమిటి? అని విష్ణు మోహన్‌ ఎదురుప్రశ్న సంధించారు. అంతేకాదు.. సినిమా షూటింగ్‌ కొవిడ్‌ టైమ్‌లో ఉన్నందున అంబులెన్స్‌లన్నీ బిజీగా ఉన్నాయి… షూట్‌ కోసం అంబులెన్స్‌ ఇవ్వడానికి సిద్ధంగా ఉన్నవారు పెద్ద మొత్తంలో డిమాండ్‌ చేశారు. ఈ పరిస్థితుల్లో సేవాభారతి అంబులెన్స్‌ను ఉచితంగా అందించడానికి సిద్ధంగా ఉండడంతో వినియోగించుకున్నామని తెలిపారు.

కేరళ రాష్ట్రానికి విపత్తుల సమయంలో సహాయం అవసరమైన ప్రతిసారీ సేవాభారతి ముందుకు వచ్చిందని దర్శకుడు ఈ సందర్భంగా గుర్తుచేశారు. ‘విపత్తుల సమయంలో పోలీసులు, ఫైర్‌ ఫోర్స్‌ కంటే ముందుగా ‘సేవాభారతి’ చేరుకుంటుందని నేను చూశాను. ఈ సంగతి కేరళలో ఎవరికి తెలియదు? అవి లేకుండా సినిమా ఎలా తీయగలం?’ అని అన్నారు.

సేవా భారతి అనే స్వచ్ఛంద సేవా సంస్థ ఆపదలో ఉన్న వారిని ఆదుకుంటోంది. ఉచితంగా విద్య, వైద్య, వృత్తి శిక్షణ కార్యక్రమాలను నిర్వహిస్తోంది. కొట్టాయం సమీపంలోని ఒక చిన్న పట్టణంలో తన కుటుంబంతో నివసించే సామాన్య వ్యక్తి జయకృష్ణన్‌(ఉన్ని ముకుందన్‌) చుట్టూ సినిమా తిరుగుతుంది. అతను నిరంతరం ఆర్థిక సమస్యలను ఎదుర్కొంటుండగా, విలన్‌ ఫిలిప్‌ (సైజు కురుప్‌) అతనిని భూమి ఒప్పందంలో ట్రాప్‌ చేయడంతో జయకృష్ణన్‌ జీవితం తలకిందులు అవుతుంది. ఇదీ కథ.

ఈ చిత్రానికి విష్ణు మోహన్‌ దర్శకత్వం వహించారు. ఉన్ని ముకుందన్‌ ఫిలింస్‌ ప్రైవేట్‌ లిమిటెడ్‌ నిర్మించింది. నీల్‌ డి కున్హా దాని డిఓపిగా, షమీర్‌ ముహమ్మద్‌ ఎడిటర్‌గా ఉన్నారు.

Source: Opindia

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post మలయాళ చిత్రంలో ‘సేవా భారతి’ అంబులెన్స్‌ ప్రత్యక్షం! appeared first on Vishwa Samvad Kendra Andhra Pradesh.

సేవా భారతి మొదటిగా తూర్పుగోదావరి జిల్లాలో బాగా వెనుకబడిన, ప్రస్తుతం పోలవరం ముంపు మండలాలుగా ఉన్న చింతూరు, వరరామ చంద్రాపురం, కూనవరం, వేలేరుపాడు మండలాలతో పాటు కుక్కనూరు, భద్రాచలం, ఎటపాక మండలాలలో గల సుమారు 200 మారుమూల గ్రామాలలోని ప్రజలకు పౌష్టికాహారాన్ని అందించడంతోపాటు, వైద్య సౌకర్యాలు కల్పించటం, అసలు బడికే వెళ్లకుండా బాల్యం నుంచి పశువుల కాపర్లుగా, వ్యవసాయ కూలీలుగా పనిచేస్తూ ఉండిన బాలబాలికలతో పాటు, కొంతకాలం బడికి వెళ్ళి వివిధ కారణాలతో బడి మానేసి బాలకార్మికులుగా పనిచేస్తుండిన బాల బాలికలను గుర్తించి, వారితో, వారి తల్లిదండ్రులతో మాట్లాడి, బుజ్జగించి, ఒప్పించి వారికి బ్రిడ్జి కోర్సుల ద్వారా పునశ్చరణ తరగతులు నిర్వహించి వారిని పాఠశాలలలోనూ, కళాశాలలలోనూ చేర్పించి, వసతి, భోజనం, దుస్తులు, పుస్తకాలు, పాఠశాల ఫీజులు వంటి సకల సౌకర్యాలూ కల్పించి వారు విజయవంతంగా వారి చదువును పూర్తి చేసి, ఏవేని వృత్తి ఉద్యోగాలలో స్థిరపడే వరకు వారికి పెద్దదిక్కుగా, అండదండగా నిలచింది సేవాభారతి. ఆ విధంగా విద్యార్జన చేస్తున్న, జీవితంలో స్థిరపడిన వారిలో ఎక్కువమంది బాగా వెనుకబడిన కొండరెడ్డి, కోయ కులస్తులే. ప్రస్తుతం సేవాభారతి ఆధ్వర్యంలో చింతూరులో నడుస్తున్న ఆసుపత్రి ఆ చుట్టుప్రక్కలి నలభై గ్రామాల ప్రజలకు కేవలం రూ.10/-లకే వైద్య సేవలందిస్తోంది. కొండరెడ్డి కులస్తులకైతే పూర్తి ఉచితం. ఆ ఆసుపత్రి ఆధ్వర్యంలో ఓ మొబైల్ వ్యాన్ ద్వారా కూడా ఆ చుట్టుప్రక్కలి మారుమూల గ్రామాలకు ఉచిత వైద్యసేవలు నిర్విరామంగా అందుతున్నాయ్.

వేదికపై డా. మురళీకృష్ణ, శ్రీ శ్రీనివాసరాజు, డా. శాయికిశోర్, డా. P. S. రావు, శ్రీ ఓంకార నరసింహం

సేవాభారతి ప్రయత్నంతో ఆ గ్రామాలలో ప్రస్తుతం పరిస్థితులు ఎంతో మెరుగుపడ్డాయ్. ప్రజల ఆర్ధిక, ఆరోగ్య స్థితిగతులలో గణనీయమైన మార్పులొచ్చాయ్. విద్యాగంధం అంటడం, ఆరోగ్యము, కుటుంబ పరిస్థితులు, ఆర్ధిక స్థితిగతులపై అవగాహన గ్రామీణులను వ్యసన ముక్తులనుజేసింది. కొన్ని సామాజిక దురాచారాలు కూడా దూరమయ్యాయి.

సేవాభారతి కృషికి ‘విద్యామిత్ర ట్రస్ట్’, హైదరాబాద్ వారి ఆర్ధిక సహకారం తోడయ్యింది. సేవాభారతి చేసిన, చేస్తున్న సేవాకార్యక్రమాలకు లభిస్తున్న ఆర్ధిక సహకారంలో సింహభాగం విద్యామిత్ర ట్రస్ట్ దే. సేవాభారతి ఆధ్వర్యంలో 2004లో బాల కార్మిక పాఠశాల ప్రారంభమైంది. ఆ విధంగా ఇప్పటివరకూ సేవాభారతి ఒడి చేరిన 600 మంది బాలబాలికలు… కొందరు ఉన్నత విద్యనభ్యసిస్తూ ఉండగా….. సుమారు 70 మంది యువతీ యువకులు పలు వృత్తి, ఉద్యోగాలలో స్థిరపడ్డారు.

సేవాభారతి ద్వారా విద్యనభ్యసిస్తున్న పిల్లలు జీవితంలో తేలికగా స్థిరపడేలా వారికి 2008 నుంచి Auxiliary Nursing Midwifery (A.N.M.), General Nursing and Midwifery (GNM), Multi Purpose Health Worker (M.P.H.W.), B.Sc Nursing వంటి వృత్తి విద్యా కోర్సులలో శిక్షణనిప్పించారు. అలా శిక్షణ పొందిన యువతీ యువకులు సుమారు 50 మంది తూర్పు గోదావరి జిల్లాలోని తుని సమీపంలోని కృష్ణవరం నుంచి గోదావరి ఒడ్డునున్న జీడిగుప్ప గ్రామం వరకు ఉన్న వివిధ ప్రభుత్వ ప్రాథమిక ఆరోగ్య కేంద్రాలలోనూ, కిమ్స్, అపోలో, బసవరామతారకం క్యాన్సర్ హాస్పిటల్, ఏషియన్ గ్యాస్ట్రో ఎంటరాలజీ సెంటర్ వంటి ప్రతిష్ఠాత్మక ఆసుపత్రులలో పనిచేస్తున్నారు. 2008 లో 8 మందితో ప్రారంభమైన వృత్తివిద్యా కోర్సుల శిక్షణ ప్రస్తుతం 80 మందితో నడుస్తోంది.

సేవాభారతి అక్కున చేర్చుకున్న కన్నరాజు ప్రస్తుతం ఓ ఇంజనీర్. కోయ కులానికి చెందిన కిరణ్ ప్రస్తుతం ముంబైలో ఓ ఉన్నత ఉద్యోగంలో ఉన్నాడు. కొండరెడ్డి కులానికి చెందిన కళ్యాణ్ రెడ్డి SBI లో పనిచేస్తున్నాడు. రాంబాబు అగ్రికల్చర్ డిపాట్మెంట్లో ఇంజనీర్. శివాజీ ఉపాధ్యాయుడు. ఇలా సేవాభారతి అవిరళ కృషి కారణంగా ఎందరో యువతీయువకులు ప్రయోజకులై జీవితంలో అత్యున్నతంగా స్థిరపడ్డారు. సేవాభారతి ద్వారా లభించిన అత్యున్నత సంస్కారం కారణంగా అత్యంత ఆదర్శవంతంగానూ జీవిస్తున్నారు. అంతేకాదు తాము జీవితంలో స్థిరపడ్డాక మరికొందరు బాలబాలికలకు భవిష్యత్తును ప్రసాదించటానికి సేవాభారతికి చేయూతనందిస్తున్నారు. ఈ సంస్కారం తమకు సేవాభారతి పెద్దల ద్వారానే లభించిందని వారు వినమ్రంగా చెప్పుకుంటారు కూడా.

ఆ విధంగా సేవా భారతి “విద్యార్థి వికాస యోజన” ద్వారా చదువుకుంటున్న, వృత్తి ఉద్యోగాలలో స్థిరపడిన సుమారు 90 మంది యువతీ యువకుల ఆత్మీయ సమ్మేళనం విజయవాడ, సత్యనారాయణపురంలోని విజ్ఞాన విహార ఇంగ్లీష్ మీడియం పాఠశాలలో జరిగింది. ఈ కార్యక్రమానికి సేవాభారతి రాష్ట్ర అధ్యక్షులు డాక్టర్ సాయికిశోర్ అధ్యక్షత వహించారు. ఈ సందర్భంగా శ్రీ సాయి కిశోర్ మాట్లాడుతూ సేవాభారతి అందించిన చేయూతను అందుకుని జీవితంలో స్థిరపడిన ఈ యువతీయువకులందరూ అదృష్టవంతులని, సేవాభారతి ద్వారా పొందిన సంస్కారాన్ని ఆజన్మాంతమూ పాటించి జీవితంలో మరిన్ని ఉన్నత శిఖరాలను అధిరోహించాలని ఆకాంక్షించారు.

విద్యాభారతి ప్రాంత కార్యదర్శి శ్రీ ఓంకార నరసింహం మాట్లాడుతూ ఆంధ్రప్రదేశ్ ప్రాంతంలో గత 20 సంవత్సరాలుగా ఈ కార్యాన్ని ముందుండి నడిపిస్తున్న డాక్టర్ మురళీకృష్ణ గారిని శ్రీకృష్ణునిగానూ, చింతూరు ఆసుపత్రిలో వైద్యసేవలందిస్తున్న డాక్టర్ ప్రసాద్ గారిని అర్జునుడిగానూ, తూర్పుగోదావరి జిల్లాలోని మారుమూల గ్రామాలలో సేవాభారతి ట్యూషన్ సెంటర్లను నిర్వహిస్తున్న శ్రీ ముత్తయ్య గారిని హనుమంతుడిగానూ అభివర్ణించారు.

తన అనుభవాలను వివరిస్తున్న సేవాభారతి పూర్వ విద్యార్థి శ్రీ రాంబాబు (ప్రస్తుతం ఇరిగేషన్ ఇంజనీర్)

బాలికల నృత్య ప్రదర్శనలు

ఆరోగ్యభారతి ఆంధ్రప్రదేశ్ అధ్యక్షులు డాక్టర్ పి. ఎస్. రావు గారు మాట్లాడుతూ “ప్రస్తుతం యువత తీరుతెన్నులు చూసి నేనెప్పుడూ సహజంగా ఆవేదన చెందుతూ వుంటాను. ఇప్పుడు ఈ పిల్లల్ని చూసిన తర్వాత, వారితో మాట్లాడిన తర్వాత, వారి సంస్కారాన్ని దర్శించిన తర్వాత నాలో ఆ దిగులు నశించింది. ఈ పిల్లల్ని చూసి నేను గర్విస్తున్నాను. భారతదేశ భవిష్యత్తుపై భరోసాగా ఉన్నాను.“ అని పేర్కొన్నారు.

అనంతరం ఆర్. ఎస్. ఎస్ ప్రాంత కార్యకారిణి సభ్యులు శ్రీ భూపతిరాజు శ్రీనివాసరాజు మాట్లాడుతూ సేవాభారతి కార్యక్రమం మొదట మధ్యప్రదేశ్ లో ప్రారంభమైందని తెలిపారు. సేవాభారతి ద్వారా ప్రస్తుతం దేశవ్యాప్తంగా 1,50,000 సేవా ప్రకల్పాలు జరుగుతున్నాయని తెలిపారు. ఈ పిల్లలందరూ వారి కుటుంబానికి, గ్రామానికి, సమాజానికి, దేశానికి వెలుగునిచ్చే దివ్వెలు కావాలని ఆకాంక్షించారు.

చెక్కును అందజేస్తున్న శ్రీమతి నార్ల రత్నకుమారి, శ్రీ భరత్

‘విద్యార్థి వికాస యోజన’ ద్వారా జీవితంలో స్థిరపడిన యువతీ యువకులు ఈ సందర్భంగా తమ అనుభవాలను ఆహూతులతో పంచుకున్నారు. ఆరోగ్య భారతి అఖిల భారత అధ్యక్షులు డాక్టర్ మురళీ కృష్ణ మరియు సేవాభారతి, ఆరోగ్యభారతి కార్యకర్తల ఆధ్వర్యంలో ఈ కార్యక్రమం జరిగింది.

ఈ సందర్భంగా శ్రీమతి నార్ల రత్నకుమారి సేవాభారతి రాష్ట్ర అధ్యక్షులు డాక్టర్ సాయి కిశోర్ గారి చేతికి చెక్కును అందజేశారు. కార్యక్రమంలో పాల్గొన్న పెద్దల చేతులమీదుగా పిల్లలందరికీ వస్త్రాలను బహూకరించారు. ఆనందోత్సాహాల మధ్య కార్యక్రమం ముగిసింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post విజయవాడలో సేవా భారతి `ఆత్మీయ సమ్మేళనం` appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post Free medical examinations under the auspices of Sevabharati appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సేవాభారతి ఆధ్వర్యంలో ఉచిత వైద్య పరీక్షలు appeared first on Vishwa Samvad Kendra Andhra Pradesh.

స‌మాచారం తెలుసుకున్న రాష్ట్రీయ స్వ‌యంసేవ‌క్ సంఘ్ అనుబంధ సంస్థ సేవాభార‌తి కార్య‌క‌ర్త‌ల హృద‌యం ద్ర‌వించించింది. తాత్కాలిక వంతెన నిర్మించాల‌ని సంక‌ల్పించారు. వెంట‌నే స్థానికుల‌ను క‌లిసి, స‌మిష్టిగా వంతెన నిర్మించారు. వీరి సేవ‌ల‌ను ప‌లువురు అభినందించారు.

Source: Sevabharathi, Kerala

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భుజం… భుజం… క‌లిపి వంతెన నిర్మించి… appeared first on Vishwa Samvad Kendra Andhra Pradesh.