ఈ ఘ‌ట‌న ప‌ట్ల స్థానిక బాలీ తెగ ప్ర‌జ‌లు ఆగ్ర‌హంతో ఉన్నారు. ఈ నేప‌థ్యంలో ర‌ష్యా టూరిస్టు అలీనా, ఆమె భ‌ర్త స్థానిక ప్ర‌జ‌ల‌కు క్ష‌మాప‌ణ‌లు చెప్పారు. త‌బ‌నాన్ జిల్లాలో ఉన్న ఓ ఆల‌యంవ‌ద్ద ఉన్న 700 ఏళ్ల క్రితం నాటి మ‌ర్రి వృక్షం ముందు ఫోటో షూట్ చేయ‌డం ప‌ట్ల అక్క‌డి ప్ర‌జ‌లు ప్ర‌భుత్వానికి ఫిర్యాదు చేశారు. భ‌ర్త ఆండ్రీ ఫ‌జ్‌లివా ఆ ఫోటోను తీశాడు. ఇండోనేషియా పోలీసులు ఆ జంట‌ను దేశం నుంచి ఆర్నెళ్ల పాటు వెలివేస్తూ నిర్ణ‌యం తీసుకున్నారు.

బాలీలోని హిందూ, బౌద్ధ సాంప్ర‌దాయాన్ని పాటిస్తున్న ప్ర‌జ‌లు అక్క‌డి కొండ‌లు, వృక్షాలు, స‌హ‌జ వ‌నాల‌ను దేవ‌త‌లుగా భావించి పూజిస్తారు. అయితే, అలాంటి ప‌విత్ర ప్ర‌దేశంలో ర‌ష్యా జంట అక్ర‌మరీతిలో ప్ర‌వ‌ర్తించిన‌ట్టు బాలీ ఇమ్మిగ్రేష‌న్ అధికారి ఆరోపించారు. అందుకే వాళ్ల‌ను డిపోర్ట్ చేస్తున్న‌ట్టు ఆ అధికారి వెల్ల‌డించారు. డిపోర్టేష‌న్‌తో పాటు ఆ వృక్షం వ‌ద్ద శుద్ధి కూడా చేయాల్సి ఉంటుంది. దాని కోసం అయ్యే ఖ‌ర్చు మొత్తం ఆ జంట భ‌రించాల్సి ఉంటుంది. ప‌విత్ర వృక్షం వ‌ద్ద త‌ప్పు చేసిన‌ట్టు అలీనా త‌న ఇన్‌స్టాలో అంగీకరించారు. టూరిస్టులు అమ‌ర్యాద‌క‌రంగా ప్ర‌వ‌ర్తిస్తే స‌హించేది లేద‌న్నారు.

ఇదిలా ఉండగా.. ఇండొనేషియాలోనే పోయిన నెలలో కెనడా నటుడు ఒకడు.. నగ్నంగా బటూర్‌ పర్వతంపై సంచరించిన వీడియో ఒకటి వైరల్‌ అయ్యింది. దీంతో.. అతన్ని కూడా అరెస్ట్‌ చేయకుండా హెచ్చరించి అక్కడి నుంచి పంపించేశారు. గ‌త ఏడాది బాలీ దీవుల్లో కోవిడ్ నియ‌మావ‌ళి ఉల్లంఘించిన సుమారు 200 మందిని డిపోర్ట్ చేశారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post హిందువుల పవిత్ర వృక్షం వద్ద నగ్న ఫోటో షూట్.. వెలి వేసిన ప్ర‌జ‌లు appeared first on Vishwa Samvad Kendra Andhra Pradesh.