గవర్నర్ ఆర్‌ఎన్ రవి సివిల్‌ సర్వీసెస్‌ ఇంటర్వ్యూల కోసం వచ్చిన వాళ్లతో చేసిన వ్యాఖ్యలు వైరల్ అవుతున్నాయి. కేంద్ర, రాష్ట్ర ప్రభుత్వాల మధ్య ఏవైనా విభేదాలు తలెత్తితే… సివిల్ సర్వీసెస్ అధికారులంతా కేంద్రానికి సపోర్ట్ ఇవ్వాలని ఆర్‌ఎన్ రవి అన్నారు. “కేంద్రం, రాష్ట్రం మధ్య ఏదైనా విభేదం వస్తే మీరు తప్పకుండా కేంద్రానికే మద్దతుగా నిలబడాలి. ఇందులో ఎలాంటి అనుమానాలు ఉండకూడదు” అని తేల్చి చెప్పారు. తమిళనాడు అసెంబ్లీలో EWS రిజర్వేషన్ల అమలుపై చాలా రోజులుగా చర్చ జరుగుతోంది. స్టాలిన్ ప్రభుత్వం ఈ రిజర్వేషన్ల అమలుని ససేమిరా అంటున్నారు. సామాజిక న్యాయం కోణంలో ఆలోచిస్తే ఇది విరుద్ధమని తేల్చి చెప్పింది. ఈ విషయంలో ప్రభుత్వంతో విభేదించిన గవర్నర్ ఆర్‌ఎన్ రవి సభ నుంచి వాకౌట్ చేశారు. దీనిపై డీఎమ్‌కే మద్దతుదారులు పెద్దఎత్తున ఆందోళనలు చేపడుతున్నారు. రాష్ట్ర వ్యాప్తంగా డీఎమ్‌కేకి మద్దతునిచ్చే విద్యార్థి సంఘాలు కూడా నిరసనలు దిగుతున్నాయి. గవర్నర్ దిష్టిబొమ్మలు దగ్ధం చేస్తున్నాయి. తమిళనాడు రాజ్‌భవన్‌పై ఆర్‌ఎన్ రవికి వ్యతిరేకంగా కొందరు పోస్టర్లు కూడా అంటించారు.

The post తమిళనాడు పేరు మార్చాలని అనలేదు – గవర్నర్ ఆర్‌ఎన్‌ రవి స్పష్టం appeared first on Vishwa Samvad Kendra Andhra Pradesh.