మరోవైపు బీహార్ బీజేపీ అధికార ప్రతినిధి అరవింద్ కుమార్ సింగ్.. ఆర్జేడీ వ్యాఖ్యలపై మండిపడ్డారు. ‘భారతీయ కరెన్సీ అనేది ఆర్జేడీ ఎన్నికల మేనిఫెస్టో కాదు. ఎవరో దేవతల ఫొటోలను పెట్టాలని కోరారు.. ఇప్పుడు మీరు లాలూ, కర్పూరి చిత్రాలను ఉంచాలని కోరుతున్నారు. మీరందరూ మీకు నచ్చిన విధంగా వ్యవహరిస్తే.. నోట్లపై తేజశ్వీ యాదవ్​ చిత్రాలను కూడా ఉంచాలని డిమాండ్​ చేస్తారు’ అని ఆయన అన్నారు.

ఈ డిమాండ్లపై స్పందించిన పట్నాకు చెందిన రాజకీయ నిపుణుడు డాక్టర్ సంజయ్ కుమార్ స్పందించారు. ఇటువంటి డిమాండ్లు భారతదేశ స్వాతంత్య్రం కోసం పోరాడిన మహాత్మా గాంధీని అవమానించడమే తప్ప మరొకటి కాదని పేర్కొన్నారు. అవినీతి ఆరోపణపై ఏళ్ళ తరబడి కటకటాల వెనుక ఉన్న వ్యక్తి బొమ్మను పెట్టడం గురించి ఎవరైనా ఎలా ఆలోచిస్తారు అని ప్రశ్నించారు. రాష్ట్రంలో ప్రభుత్వాన్ని సక్రమంగా నడపడం గురించి ఆర్జేడీ నాయకులు ఆలోచించాలని ఆయన హితవు పలికారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ‘కరెన్సీ నోట్లపై లాలూ చిత్రం ముద్రించాలి’.. ఆర్జేడీ అనుచిత డిమాండ్​… మండిపడ్డ బీజేపీ appeared first on Vishwa Samvad Kendra Andhra Pradesh.

* బీహార్ మంత్రి వ్యాఖ్యలతో ఇరకాటంలో నితీష్ సర్కార్

బిహార్ మంత్రి, ఆర్జేడీ నేత సుధాకర్ సింగ్ చేసిన వ్యాఖ్యలు వివాదాస్పదంగా మారాయి. తన శాఖలో ఎంతోమంది దొంగలున్నారని, వారికి తానే సర్దార్‌ అంటూ ఆయన మాట్లాడిన తీరు ఆ రాష్ట్ర సంకీర్ణ ప్రభుత్వాన్ని ఇరకాటంలో పడేసింది. అక్కడితో ఆగకుండా తనపైన కూడా సర్దార్లు ఉన్నారంటూ జేడీయూ, ఆర్జేడీ అగ్రనేతలను వివాదంలోకి లాగారు.

‘నా వ్యవసాయ శాఖలో చోరీకి పాల్పడని విభాగం ఒక్కటీ లేదు. ఆ శాఖ నా నేతృత్వంలో నడుస్తోంది. కాబట్టి వారందరికీ నేను సర్దార్‌ను. నాపైనా ఎంతోమంది సర్దార్లున్నారు. ప్రభుత్వం మారింది. పనిచేసే తీరు మాత్రం అదే. అంతా గతంలో వలే ఉంది’ అంటూ నీతీశ్‌ కుమార్ నేతృత్వంలోని ప్రభుత్వాన్ని ఉద్దేశించి విమర్శనాత్మకంగా స్పందించారు. బిహార్‌ విత్తన సంఘంలో జరుగుతోన్న అవినీతిని ప్రస్తావిస్తూ ఆయన ఈ వ్యాఖ్యలు చేశారు. రైతులను ఆదుకుంటామని చెప్తూ.. ఆ సంఘం రూ.200 కోట్ల అవినీతికి పాల్పడిందన్నారు. 2013లో నీతీశ్‌ కుమార్ ప్రభుత్వంలో మంత్రిగా పనిచేసిన ఈయనపై బియ్యం కుంభకోణానికి సంబంధించిన ఆరోపణలుండటం గమనార్హం.

బిహార్‌లో నీతీశ్‌ కుమార్ జేడీయూ పార్టీ ఇటీవలే భాజపాతో బంధం తెంచుకొని.. ఆర్జేడీతో జట్టుకట్టింది. ప్రస్తుతం జేడీయూ నేతృత్వంలో సంకీర్ణ ప్రభుత్వం నడుస్తోంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post మా ప్రభుత్వం నిండా అవినీతే – బీహార్ మంత్రి సుధాకర్ యాదవ్ appeared first on Vishwa Samvad Kendra Andhra Pradesh.

ప‌ట్నా: బీహార్ ప్రజలు.. తాము మద్యం సేవించబోమని ప్రతిజ్ఞ చేయాలని ముఖ్యమంత్రి నితీశ్​ కుమార్ ప్రకటించారు. ఈ కార్యక్రమం ఈ నెల 26న జరగనున్నట్టు తెలిపారు. మద్యపాన నిషేధాన్ని రాష్ట్రంలో కఠినంగా అమలు చేస్తున్నామని స్పష్టం చేశారు. ఈ కార్యక్రమంలో ప్రభుత్వ ఉద్యోగులనే కాకుండా ప్రజలను కూడా భాగం చేసేలా ఆదేశాలు జారీ చేశామని స్పష్టం చేశారు. మద్యపాన నిషేధం పేరుతో వివాహ వేడుకల్లో పోలీసులు నిర్వాహకులను వేధిస్తున్నట్టు ప్రతిపక్షమైన ఆర్​జేడీ ఆరోపించిన నేపథ్యంలో సీఎం నితీశ్​ ఈ మేరకు ప్రకటన చేశారు.

పెళ్లిళ్లలో జరిగిన దాడులను సమర్థించిన సీఎం .. ప్రజల నుంచి వచ్చిన ఫిర్యాదుల ఆధారంగా పోలీసులు చర్యలు తీసుకుంటున్నారని అన్నారు. 26న ‘మద్యపాన నిషేధ దినం’ సందర్భంగా రాష్ట్రంలోని ప్రభుత్వ ఉద్యోగులు, ప్రజలందరూ మద్యాన్ని సేవించమని, విక్రయించమని ప్రతిజ్ఞ చేయాలని నితీశ్​ వెల్లడించారు. పట్నా పోలీసులు కొద్ది రోజులుగా 60కి పైగా హోటళ్లు, కళ్యాణ మండపాలపై దాడులు చేశారు. మద్యం సేవిస్తున్నారనే ఆరోపణలపై పలువురిని అరెస్టు చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post మద్య నిషేధానికి బీహార్ కొత్త పంథా appeared first on Vishwa Samvad Kendra Andhra Pradesh.