“ఇ-కామర్స్ దిగ్గజం అమెజాన్ అమెరికన్ బాప్టిస్ట్ చర్చ్ (ఎబిఎం) నిర్వహిస్తున్న క్రిస్టియన్ కన్వర్షన్ మాడ్యూల్‌కు ఆర్థిక సహాయం చేస్తోంది. భారతదేశంలో భారీ మిషనరీ మార్పిడి మిషన్‌కు నిధులు సమకూర్చడానికి బహుళజాతి కంపెనీలు, ఎబిఎం ద్వారా మనీలాండరింగ్ రింగ్ నిర్వహించే అవకాశం ఉంది,” అని ఆ కథనం పేర్కొంది.

భారతదేశంలో ఆల్ ఇండియా మిషన్ (ఎంఐఎం) పేరుతో ఎబిఎం అనుబంధ సంస్థను నడుపుతోందని కూడా ఆరోపించింది. “ఈశాన్య భారతదేశంలో 25 వేల మందిని క్రైస్తవ మతంలోకి మార్చినట్టు తమ వెబ్‌సైట్‌లో బహిరంగంగా పేర్కొన్న వారి ఫ్రంటల్ ఆర్గనైజేషన్ ఇదే” అని పత్రిక పేర్కొంది.

అమెజాన్ స్మైల్ లోగోతో, అమెజాన్ ద్వారా ఎఐఎమ్ నిధుల కోసం విజ్ఞప్తి చేస్తున్న ట్విట్టర్ పోస్ట్‌ను ఉటంకిస్తూ, పత్రిక ఇలా చెప్పింది, “అమెజాన్ తమ వద్ద భారతీయులు జరిపే ప్రతి కొనుగోలుకు కొంత మొత్తాన్ని విరాళంగా ఇవ్వడం ద్వారా ఆల్ ఇండియా మిషన్ మార్పిడి మాడ్యూల్‌ను స్పాన్సర్ చేస్తోంది.”

అయితే, “అమెజాన్ ఇండియాకు ఆల్ ఇండియా మిషన్ లేదా దాని అనుబంధ సంస్థలతో ఎలాంటి సంబంధం లేదు లేదా అమెజాన్ ఇండియా మార్కెట్‌ప్లేస్‌లో అమెజాన్ స్మైల్ ప్రోగ్రామ్ పనిచేయదు. ఈ ప్రోగ్రామ్ పనిచేసే చోట కస్టమర్‌లు ఆ ప్రోగ్రామ్‌లో తమను తాము నమోదు చేసుకున్న బహుళ లాభాపేక్షలేని వాటి నుండి తాము ఇష్టపడే స్వచ్ఛంద సంస్థకు విరాళం ఇవ్వడానికి ఎంచుకోవచ్చు” అని అమెజాన్ ప్రతినిధి ఒక మీడియా సంస్థకు తెలిపారు.

అమెజాన్ స్మైల్ ప్రోగ్రామ్‌లో పాల్గొనే ఏ స్వచ్ఛంద సంస్థ అభిప్రాయాలను ఆమోదించదు. కాగా, తాము ఇంతకు ముందు ప్రచురించిన కథనం తర్వాత ఈ సమస్యను జాతీయ బాలల హక్కుల పరిరక్షణ జాతీయ కమీషన్(ఎన్‌సిపిసిఆర్) సెప్టెంబరులో పరిగణలోకి తీసుకుందని ఆర్గనైజర్ కథనంలో పేర్కొన్నారు.

ఎన్‌సిపిసిఆర్ చైర్‌పర్సన్ ప్రియాంక్ కనూంగో ఆ మీడియా సంస్థతో మాట్లాడుతూ, అనాథాశ్రమాల ద్వారా అక్రమంగా జరుగుతున్న మతమార్పిడులకు అమెజాన్ నిధులు సమకూరుస్తున్నట్టు అరుణాచల్ ప్రదేశ్ నుండి సెప్టెంబరులో కమిషన్‌కు ఫిర్యాదు అందిందని పేర్కొన్నారు.

“మేము ఈ విషయాన్ని తక్షణమే పరిగణలోకి తీసుకొని సెప్టెంబర్‌లో అమెజాన్‌కు నోటీసు పంపాము. కానీ అమెజాన్ స్పందించలేదు… తర్వాత నేను అక్టోబర్‌లో అమెజాన్‌కు సమన్లు జారీ చేశాను. నవంబర్ 1న కమిషన్ కార్యాలయంలో ముగ్గురు అమెజాన్ ఇండియా అధికారులను కలిశాను,” అని ఆమె చెప్పారు.

“అమెజాన్ ఇండియా, ఆల్ ఇండియా మిషన్ మధ్య ఎటువంటి సంబంధం లేదని, అమెజాన్ ఇండియా నుండి ఎన్జిఓకు నిధులు వెళ్లాయని అమెజాన్ ప్రతినిధులు మాకు చెప్పారు. వారు అమెజాన్ అమెరికాతో సంప్రదించి, నవంబర్ మొదటి వారంలో తిరిగి మా వద్దకు తిరిగి వచ్చారు… అమెజాన్ అమెరికా ఆల్ ఇండియా మిషన్‌కు కొంత డబ్బు ఇచ్చిందని అమెజాన్ ఇండియా తెలిపింది. విదేశాల్లో ఉన్నట్టుగా కనిపించే ఆల్ ఇండియా మిషన్‌కి సంబంధించిన చిరునామా కూడా మాకు ఇచ్చారు. మేము ఇప్పుడు ఆల్ ఇండియా మిషన్‌ను మరింత దర్యాప్తు చేస్తాము,” అని కానూంగో వివరించారు.

ఎన్‌సిపిసిఆర్ విచారణలో, “ఆల్ ఇండియా మిషన్ భారతదేశంలో చట్టవిరుద్ధంగా అనాథాశ్రమాలను నడుపుతోంది”, “వారు ఈ అనాథాశ్రమాల ద్వారా పిల్లలను మత మార్పిడి చేస్తున్నారు” అని కమీషన్ నిర్ధారించిందని కనూంగో చెప్పారు. “మేము ఆల్ ఇండియా మిషన్‌ను పరిశోధించడానికి ప్రయత్నించాము. కాని వారికి చిరునామా ఉన్నట్టు అనిపించలేదు. మేము సైట్‌ను పరిశోధించడం ప్రారంభించినప్పుడు, సైట్ ను బ్లాక్ చేశారు. దానితో మేము విచారణను ఆపవలసి వచ్చింది,” అని ఆమె తెలిపారు.

ఎబిఎం తన వెబ్‌సైట్‌లో జాబితా చేసిన ఐడికి ఇండియన్ ఎక్స్‌ప్రెస్ పంపిన ఇమెయిల్‌కి ప్రతిస్పందించలేదు. తన సెప్టెంబర్ నివేదికలో, ది ఆర్గనైజర్ జార్ఖండ్‌లో ఎఐఎమ్ కు రెండు అనుబంధ సంస్థలు ఉన్నాయని, దాని వ్యవస్థాపకులు భారతదేశాన్ని, కేంద్రాన్ని అప్రదిష్ఠకు గురిచేయడం కోసం ప్రచారాలను నిర్వహిస్తున్నారని సెప్టెంబర్ నాటి కథనంలో ఆర్గనైజర్ పేర్కొంది.

రిటైల్ మార్కెట్‌ను ఈ కంపెనీ కార్టెలైజ్ చేస్తోందని, దాని ప్రభావం చిన్న వ్యాపారులపై పడుతున్నదని గతంలో ఆర్గనైజర్ ఓ కథనాన్ని ప్రచురించింది. సెప్టెంబరు 2021లో, హిందీ జాతీయ వారపత్రిక “పాంచజన్య” అమెజాన్‌ను ఈస్టిండియా కంపెనీతో పోల్చుతూ ఒక కవర్ స్టోరీని ప్రచురించింది. పలు అవినీతి కార్యకలాపాలకు పాల్పడటంతో పాటు, క్రైస్తవ సంస్థలకు నిధులు సమకూర్చడంలో ప్రమేయం ఉన్నట్టు ఆ కథనంలో ఆరోపించింది.

డిసెంబర్ 2021లో, స్వదేశీ జాగరణ్ మంచ్ (ఎస్ జె ఎం) భారతదేశంలో కార్యకలాపాలు నిర్వహించడానికి అమెజాన్, ఫ్లిప్‌కార్ట్ వంటి ఇ-కామర్స్ సంస్థలకు మంజూరు చేసిన అన్ని అనుమతులను ఉపసంహరించుకోవాలని కేంద్ర ప్రభుత్వాన్ని డిమాండ్ చేస్తూ ఒక తీర్మానాన్ని ఆమోదించింది. ఈ సంస్థలు అందించే డిస్కౌంట్లు “పొరుగు దుకాణాలు, కిరానా దుకాణాలపై ప్రతికూల ప్రభావం చూపుతున్నాయి” అని మంచ్ ఆందోళన వ్యక్తం చేసింది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post మతమార్పిడులకు అమెజాన్ నిధులు … `ఆర్గనైజర్’ కథనం appeared first on Vishwa Samvad Kendra Andhra Pradesh.

క్రైస్తవ మతంలోకి మారేందుకు తమకు ఎన్నో ఆశలు చూపించినట్టు సీనియర్ సూపరింటెండెంట్ ఆఫ్ పోలీస్‌కు బాధితులు ఫిర్యాదు చేశారు. మగంట్ పూరమ్‌లోని మలిన్ గ్రామంలో ఈ ఘటన చోటుచేసుకుంది. హిందూ దేవీదేవతల విగ్రహాలకు దూరంగా ఉండాలంటూ తమను బలవంత పెట్టారని బాధితులు తమ ఫిర్యాదులో పేర్కొన్నారు.

ప్రాథమిక సమాచార నివేదిక ప్రకారం కరోనా సంక్షోభ సమయాన్ని నిందితులు ఆసరగా తీసుకున్నారు. మతమార్పిడి కోసం డబ్బు, ఆహారం ఆశ చూపించారని, ఇప్పుడు క్రైస్త్రవాన్ని అంగీకరిస్తూ హిందూ దేవీదేవతల విగ్రహాలను, పటాలను తొలగించాలని తమపై ఒత్తిడి తెస్తున్నారని బాధితులు స్థానిక బీజేపీ నేతతో కలిసి బ్రహ్మపుత్రి పోలీస్ స్టేషన్‌‌లో ఫిర్యాదు చేశారు.

తాము సనాతన హిందూ ధర్మానికి కట్టుబడి ఉన్నట్టు వారు చెప్పారు. ”మతమార్పిడికి మాపై ఒత్తడి తెస్తున్నారు. ఆధార్ కార్డులలో పేర్లు మార్చుకోవాలని అడుగతున్నారు. దీపావళి రోజు పూజలు చేస్తుంటే ఇళ్ళల్లోకి చొరబడి విగ్రహాలు ధ్వంసం చేశారు” అని ఆరోపించారు.

“మీరు మతం మార్చుకుని కూడా ప్రార్థనలు ఎందుకు చేస్తున్నారంటూ ప్రశ్నించారు? మేము నిరసన తెలిపితే చంపుతామంటూ బెదరించారు” అని బాధితులు శివ, బిన్వ, అనిల్, సర్దార్, నిక్కు, బసంత్, ప్రేమ, టిట్లి, రాణి తదితరులు తమ ఫిర్యాదులో పేర్కొన్నారు. కాగా, తమకు అందిన ఫిర్యాదుపై విచారణ జరిపి తగిన చర్యలు తీసుకుంటామని ఎస్‌పీ పీయూష్ సింగ్ తెలిపారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post 400 మంది బలవంతపు మతమార్పిడి… 9 మందిపై కేసు! appeared first on Vishwa Samvad Kendra Andhra Pradesh.

చెన్నై: ప్రభుత్వ నియంత్రణ, దేవాలయాల కూల్చివేత, అక్రమ మత మార్పిడులు, హిందూ విశ్వాసాలు, దేవతలకు వ్యతిరేకంగా పెరుగుతున్న విద్వేషపూరిత ప్రసంగాలపై విశ్వహిందూ పరిషత్ ఆందోళన వ్యక్తం చేసింది. ఇక్క‌డి కాంచీపురంలోని పుణ్యభూమిలో ఆదివారం రెండు రోజుల పాటు విశ్వ‌హిందూ ప‌రిష‌త్‌(వీహెచ్‌పీ) కేంద్ర పాలక మండలి సమావేశం జ‌రిగింది. స‌మావేశం ముగిసిన అనంతరం చెన్నైలో వీహెచ్‌పీ సంయుక్త ప్రధాన కార్యదర్శి డాక్టర్ సురేంద్ర జైన్ విలేఖ‌ర్ల స‌మావేశంలో మాట్లాడారు.

అక్రమ మతమార్పిడులను అరికట్టేందుకు అన్ని రాష్ట్ర ప్రభుత్వాలు చట్టాలు రూపొందించాలని డిమాండ్ చేశారు. లవ్ జిహాద్. హిందువుల విశ్వాసాలకు, దేవతలకు వ్యతిరేకంగా విద్వేషపూరిత ప్రసంగాలు, విచక్షణతో దేవాలయాలను స్వాధీనం చేసుకోవడం, కూల్చివేయడం వంటి విపత్తులను తక్షణమే ఆపాలని డిమాండ్‌ చేశారు. 2024 ఏడాది వ‌ర‌కు కార్యాచరణ ప్రణాళికను ప్రకటిస్తూ, 2024కు వీహెచ్‌పీ 1 కోటి మందికి పైగా సభ్యులను నమోదు చేసుకుంటుందని, 15 లక్షల మంది కార్యకర్తలతో దాని శాఖ‌ల‌ను లక్షకు పెంచుతుందని జైన్ చెప్పారు.

డాక్టర్ సురేంద్ర జైన్ మాట్లాడుతూ, సహస్రాబ్దాలుగా హిందూ ధర్మానికి పతాకధారిగా నిలిచిన తమిళనాడుకు మొత్తం హిందూ సమాజం గర్విస్తోందన్నారు. పూజ్య శ్రీ తిరువల్లువర్, పూజ్య శ్రీ రామానుజర్, పూజ్య శ్రీ వల్లలార్ వంటి గురువులు, సాధువుల భూమి ఇద‌న్నారు. భారత్ చరిత్రలో తమిళనాడు ఎల్లప్పుడూ హిందూ జాగృతి జ్యోతిని కలిగి ఉందని ఆయన పేర్కొన్నారు.

కాగా, వీహెచ్‌పీ ఆల్-ఇండియా సెంట్రల్ గవర్నింగ్ కౌన్సిల్ సమావేశం అత్యంత పురాతనమైన పవిత్రమైన కాంచీపురంలో జరిగింది. ఈ సమావేశం సమర్థమైన, సామరస్యపూర్వకమైన హిందూ సమాజాన్ని రూపొందించడంలో ముఖ్యమైన మైలురాయిగా నిరూపిస్తుందని వీహెచ్‌పీ విశ్వసిస్తోంది.

మత మార్పిడి, లవ్ జిహాద్ నిరోధక చట్టం

చట్టవిరుద్ధమైన మత మార్పిడి మానవాళికి వ్యతిరేకంగా జరిగే అతిపెద్ద నేరం, హింస అని వీహెచ్‌పీ అభిప్రాయపడింది. ముల్లా, మౌల్వీ, మిషనరీలు ఈ నేరపూరిత చర్యను తమ మతపరమైన హక్కులుగా భావించి, అన్ని రకాల రాజ్యాంగ విరుద్ధమైన, అనైతిక మార్గాలను ఉపయోగిస్తున్నాయ‌న్నారు. స్వాతంత్ర్యం వచ్చినప్పటి నుండి, ఈ చట్టవిరుద్ధమైన నేరపూరిత చర్యను ఆపాలని సమాజంలోని వివిధ వర్గాల నుండి డిమాండ్ పెరిగింద‌ని, తమ రాష్ట్రాల్లో అక్రమ మతమార్పిడులను అరికట్టేందుకు చట్టం చేసిన రాష్ట్ర ప్రభుత్వాలను వీహెచ్‌పీ అభినందిస్తోంద‌ని జైన్ అన్నారు.

ఇస్లామిక్ ఫండమెంటలిజం, తీవ్రవాదంతో హింస

ఇస్లామిక్ ఛాందసవాదం కారణంగా దేశం మొత్తం హింసను ఎదుర్కొంటోంద‌ని, సీఏఏ, కరోనా, హిజాబ్, నుపుర్ వివాదాలను ఉపయోగించి, వారు అర్ధంలేని హింసతో దేశాన్ని రెచ్చగొట్టడానికి ప్రయత్నిస్తున్నార‌ని జైన్ విమ‌ర్శించారు. తీవ్రవాదాన్ని కూడా ఈ ఛాందసవాదులు పెంచి పోషించార‌ని, దురదృష్టవశాత్తు, తమిళనాడు జిహాదీ ఉగ్రవాదులకు కేంద్రంగా, రిక్రూటింగ్ కేంద్రంగా మారింద‌న్నారు.

ద్వేషపూరిత ప్రసంగాలు

వీహెచ్‌పీ ఎప్పుడూ వాక్ స్వాతంత్య్రానికి అనుకూలంగా ఉంటుంద‌ని, వాక్ స్వాతంత్ర్యం పేరుతో పౌరులు ఇతరుల విశ్వాసాలను అవమానించడాన్ని మన రాజ్యాంగం అనుమతించద‌ని జైన్ అన్నారు. అయితే, దురదృష్టవశాత్తు, హిందూ విశ్వాసం, దాని దేవతలపై ద్వేషపూరిత ప్రసంగం చేసిన వారు సమాజాన్ని వేదనకు గురిచేస్తున్నార‌న్నారు. హిందూ దేవతలపై అవమానకరమైన వ్యాఖ్యలు చేసే నేర‌స్తుల‌పై ప్ర‌భుత్వాలు చర్య తీసుకోలేదన్నారు.

Source: HINDU POST

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post లవ్ జిహాద్, మత మార్పిడిల‌కు ముగింపు ప‌ల‌కండి appeared first on Vishwa Samvad Kendra Andhra Pradesh.

గోవాలోని వివిధ ప్రాంతాల్లో ప్రజలు మత మార్పిడులవైపు వెళ్తున్నట్టు మనం గమనిస్తున్నామని తెలిపారు. పేదరికం, అల్ప సంఖ్యాకులుగా ఉండటం, వెనుకబడిన తనం, ఆహారం కొరత, ఉద్యోగాలు లేకపోవడం వంటి కారణాలతో చాలా మంది మతమార్పిడికి గురవుతున్నారని చెప్పారు. ఇటువంటి పరిస్థితుల్లో మత మార్పిడులు జరగకూడదని ముఖ్యమంత్రి స్పష్టం చేశారు.

మత మార్పిడులను ప్రభుత్వం అనుమతించదని, అయితే ప్రజలు అప్రమత్తంగా ఉండాలని చెప్పారు. గ్రామాల్లోని దేవాలయ ట్రస్టులు అప్రమత్తంగా ఉండవలసిన అవసరం ఉందని పేర్కొన్నారు. కుటుంబాలు కూడా అప్రమత్తంగా ఉండాలని సూచించారు.

అరవయ్యేళ్ళ క్రితం పోర్చుగీసు పాలనలో ఉన్న గోవాలో భగవంతుడు, మతం, దేశం అనే సెంటిమెంట్‌తో ముందుకు వెళ్ళామని గుర్తు చేశారు. మన దేవుడు సురక్షితంగా ఉంటే, మన మతం సురక్షితంగా ఉంటుందని, మన మతం సురక్షితంగా ఉంటే, మన దేశం సురక్షితంగా ఉంటుందని పేర్కొన్నారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post మత మార్పిడులపై అప్రమత్తం… గోవా సీఎం హెచ్చరిక appeared first on Vishwa Samvad Kendra Andhra Pradesh.

న్యూఢిల్లీ: ఆంధ్ర ప్రదేశ్‌ రాష్ట్రంలో జరుగుతున్న మత మార్పిడులపై జాతీయ ఎస్సీ కమిషన్‌ రాష్ట్ర ప్రభుత్వానికి మరోసారి నోటీసు జారీ చేసింది. గతంలో జారీ చేసిన నోటీసుకు సమాధానం ఇవ్వడంలో జాప్యం చేసినందున తాజాగా నోటీసు జారీ చేసింది.

ఆంధ్రాలో ఎస్సీ సామజిక వర్గానికి చెందిన ప్రజలను లక్ష్యంగా చేసుకుని జరుగుతున్న మత మార్పిడులపై గతంలో లీగల్‌ రైట్స్‌ ప్రొటెక్షన్‌ ఫోరమ్‌, దాని అనుబంధ సంస్థ అయిన ఎస్సీ-ఎస్టీ రైట్స్‌ ఫోరమ్‌ జాతీయ ఎస్సీ కమిషన్‌కు నివేదిక సమర్పించారు. ఈ మతమార్పిడులను ఎస్సీలపై జరుగుతున్న సాంస్కృతికపరమైన దాడిగా అభివర్ణిస్తూ పంపిన నివేదిక అనేక కీలక అంశాలు పొందుపరిచారు. షెడ్యూల్డ్‌ కులాల సంస్కృతీసంప్రదాయాలు కాపాడాల్సిన ప్రభుత్వాలు ఆ పనిచేయకపోగా మతమార్పిడుల పట్ల చూసీచూడనట్టు వ్యవహరిస్తున్నాయని కమిషన్‌కు తెలిపారు. దీనికి స్పందించిన జాతీయ ఎస్సీ కమిషన్‌ ఈ అంశంలో చర్యలు తీసుకుని ఆ చర్యల తాలూకు నివేదిక తమకు పంపాల్సిందిగా గత జూన్‌ నెలలో ఆంధ్రప్రదేశ్‌ రాష్ట్ర ప్రధాన కార్యదర్శికి పంపిన నోటీసులో స్పష్టం చేసింది.

ఎస్సీ కమిషన్‌ నుండి నోటీస్‌ అందుకున్న ఆంధ్రప్రదేశ్‌ ప్రభుత్వం, ఎస్సీలలో జరుగుతున్న మతమార్పిడులపై ఒక సర్వే తలపెట్టినట్టు వార్తలు వచ్చాయి. ప్రతి మండలం/మున్సిపాలిటీ స్థాయిలో ఎస్సీ కాలనీలలో ఉన్న చర్చిల వివరాలు, ఎస్సీలుగా ఉంటూ క్రైస్తవ ఆచార వ్యవహారాలు పాటిస్తున్న వారి వివరాలు ఈ సర్వే ద్వారా సేకరించడానికి సన్నద్ధమైనట్టు సమాచారం.

అయితే, నెలలు గడుస్తున్నప్పటికీ ఇప్పటి వరకు ఏపీ ప్రభుత్వం జాతీయ ఎస్సీ కమిషన్‌కు తమ సమాధానం పంపకపోవడంతో కమిషన్‌ మరోసారి నోటీసులు జారీ చేసింది. ఏడు రోజుల్లోగా వివరణ ఇవ్వాలని ఆదేశించింది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఏపీ సర్కార్‌కు ఎస్సీ కమిషన్‌ నోటీసు! appeared first on Vishwa Samvad Kendra Andhra Pradesh.