2010లో నాటి ఉప రాష్ట్రపతి హమీద్‌ అన్సారీ ఆహ్వానం మేరకు ఢిల్లీలో ఉగ్రవాదంపై నిర్వహించిన సదస్సుకు హాజరైనట్టు తెలిపారు. చివరిసారిగా 2011లో భారత్‌లో పర్యటించానని చెప్పారు. తాను భారత్‌లో పర్యటించిన సమయంలో పాకిస్తాన్ విదేశాంగ మంత్రిత్వ శాఖ తనకు అనేక సదుపాయాలు కల్పించేదని కూడా తెలిపారు.

భారత్‌ గురించి సేకరించిన రహస్య సమాచారాన్నంతటినీ పాక్‌ నిఘా సంస్థ ఐఎస్ఐకు అందజేసినట్టు మీర్జా వెల్లడించారు. భారత్‌కు వీసా ఇచ్చేటప్పుడు సాధారణంగా కేవలం మూడు ప్రదేశాలు(పట్టణాలు) సందర్శనకు మాత్రమే అనుమతి ఇచ్చేవారని, అయితే అప్పటి పాక్ విదేశాంగ మంత్రి ఖుర్షిద్ కసూరి తనకు ఏడు ప్రదేశాలు పర్యటించే వీలు కల్పించారని వివరించారు.

భారత్‌లో ఢిల్లీ, బెంగళూరు, చెన్నై, పాట్నా, కలకత్తాలలో పర్యటించినర‌ట్టు చెప్పారు. అయితే, భారత్‌ గురించి తాను విస్తృతంగా సేకరించిన రహస్య సమాచారాన్ని పాకిస్తాన్ సైన్యం వాడుకోలేకపోయిందని పేర్కొన్నారు. భారత నాయకుల బలహీనతల గురించిన విస్తృతమైన సమాచారం తమ వద్ద ఉన్నప్పటికీ పాక్ సైన్యం సక్రమంగా ఉపయోగించుకోలేకపోతున్నట్టు విచారం వ్యక్తం చేశారు.

భారత్‌లోని 40 రాష్ట్రాల్లో వేర్పాటువాద ఉద్యమాలు జరుగుతున్నాయని మీర్జా చెప్పగా.. యూట్యూబర్ చౌద‌రి కల్పించుకొని భారత్‌లో 29 రాష్ట్రాలే ఉన్నాయని గుర్తుచేశారు. దానికి ఆగ్రహం వ్యక్తం చేసిన మీర్జా తనకు అంతా తెలుసని వ్యాఖ్యానించడం గమనార్హం. భారత్‌, పాక్‌లు శాంతియుతంగా కలిసిమెలిసి ఉండొచ్చు కదా? అన్న ప్రశ్నకు భారత్‌ శాంతికి వ్యతిరేకమని మీర్జా ఆరోపించారు.

ఆ సమయంలో భారత దేశ పార్లమెంట్‌లో లోక్ సభ, రాజ్యసభలలో కలిపి 56 మంది ముస్లింలు సభ్యులుగా ఉన్నారని, వారందరూ తనకు తెలుసని చెప్పారు. భారత్‌లోని ఉర్దూ పత్రికల సంపాదకులతో పాటు అన్ని టివి న్యూస్ ఛానల్స్ లలో కీలకమైన వ్యక్తులు తనకు తెలుసని, తాను అనేక ఇంటర్వ్యూలు ఇచ్చానని వివరించారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భారత్ కీలక సమాచారాన్ని ఐఎస్ఐకు అందించిన పాక్ జర్నలిస్ట్ appeared first on Vishwa Samvad Kendra Andhra Pradesh.