ఎన్నికలు సమీపిస్తున్న తరుణంలో ఆర్థిక సాయం కోసం పాకిస్థాన్ తీవ్రంగా ప్రయత్నిస్తోంది. ఐఎంఎఫ్ డిమాండ్లను ఆ దేశం అంగీకరిస్తే నిత్యావసరాలు, ఇతర ధరలు భారీగా పెరుగుతాయి. ఫలితంగా ఎన్నికల్లో ఇప్పుడున్న అధికారపార్టీకి ఎదురుదెబ్బ తప్పదని భావిస్తోంది. అందుకే ఐఎంఎఫ్‌తో ఒప్పందం కుదుర్చుకోవడానికి ప్రధాని షెహబాజ్ షరీఫ్ ప్రభుత్వం ముందుకు రావడం లేదు.

ఈక్రమంలో అమెరికా ప్రతినిధి బృందం బుధవారం పాకిస్థాన్‌లో పర్యటించింది. ఈ బృందంతో ఇషాక్ దార్ మాట్లాడుతూ, తమ పట్ల ఐఎంఎఫ్ ఉదారంగా వ్యవహరించేలా చూడాలని కోరారు. వరదలు, ఇతర బాహ్య అంశాలు ఏ విధంగా తమను ప్రభావితం చేశాయో అర్థం చేసుకోవాలని కోరారు. అంతర్జాతీయంగా తాము చేసిన వాగ్దానాలకు కట్టుబడి ఉంటామని చెప్పారు. దేశంలో ఆర్థిక వ్యవస్థను గాడిలో పెట్టేందుకు అత్యంత కఠిన చర్యలు తీసుకుంటామని చెప్పారు.

The post చేతులు కాలినాక.. ఆకులు పట్టుకుంటున్న పాకిస్థాన్‌…? అసలేం జరిగిందంటే! appeared first on Vishwa Samvad Kendra Andhra Pradesh.