యు.ఎస్. స్టేట్ డిపార్ట్ మెంట్ ఈ నెలలో పాకిస్తాన్ ను మత స్వేచ్ఛ ఉల్లంఘన విషయంలో “ప్రత్యేకంగా దృష్టి పెట్టాల్సిన దేశం” గా ప్రకటించింది. ఆ హోదాని పాకిస్థాన్ ప్రభుత్వం తిరస్కరించింది. మైనారిటీ హిందూ, క్రిస్టియన్ మరియు సిక్కు వర్గాలలోని తక్కువ వయస్సు గల బాలికలు “బలవంతంగా ఇస్లాం మతంలోకి మార్చేందుకు కిడ్నాప్ చేయబడ్డారు, వాళ్ళని బలవంతంగా వివాహం చేసుకున్నారు మరియు వారిపై అత్యాచారానికి పాల్పడ్డారు.” అని యు.ఎస్ కు చెందిన అంతర్జాతీయంగా మత స్వేచ్ఛను పరిశీలించే కమిషన్ వెల్లడించింది.

మతం మారిన బాలికలలో ఎక్కువ మంది దక్షిణ సింధ్ ప్రావిన్స్ నుండి వచ్చిన హిందువులు. ఇటీవల, ఈ ఇస్లామిక్ రాజ్యం (పాకిస్థాన్) నుండి క్రైస్తవ బాలికల అక్రమ రవాణాకు సంబందించిన రెండు కొత్త కేసులు కూడా వెల్లడయ్యాయి.

“బాలికలను సాధారణంగా వధువుల కోసం చూస్తున్న పురుషుల యొక్క పరిచయస్తులు, బంధువులు లేదా వరుడు కిడ్నాప్ చేస్తారు. కొన్నిసార్లు వారు శక్తివంతమైన భూస్వాములకు చెల్లించాల్సిన బాకీ క్రింద కూడా జమ చేయబడతారు. పాకిస్తాన్ యొక్క స్వతంత్ర మానవ హక్కుల కమిషన్ నివేదిక ప్రకారం, మతం మార్చిన వెంటనే ఆ బాలికలను అపహరించిన వారే పెళ్లి చేసుకోవడం గానీ, లేదా ఎవరైనా వృద్ధులకు కట్టబెట్టడం గానీ చేస్తారు.

పాకిస్థాన్ లో చిన్నపిల్లలతో లైంగిక అనుభవాన్ని కోరుకునే (“పెడోఫిలియా (paedophilia)) వృద్ధులకు బాలికలను సప్లై చెయ్యడానికి బాలికల అక్రమ రవాణాదారులకు ముస్లిమేతర బాలికలే ప్రథమ లక్ష్యమని జిబ్రాన్ నాసిర్ అనే కార్యకర్త తెలిపినట్లుగా అసోసియేటెడ్ ప్రెస్ వెల్లడించింది. ఎందుకంటే వారిని రవాణా చెయ్యడం బాలికల అక్రమ రవాణాదారులకు ఏమాత్రం హానికరం కాదు, చాలా సులభం కూడా.

“పాకిస్థాన్ లో ముస్లిమేతర కన్యలను ఇస్లాంలోకి మార్చనివ్వకుండా చెయ్యడం ఓ పెద్ద సవాలు. పాకిస్థాన్ లోని మొత్తం 220 మిలియన్ల జనాభాలో మైనారిటీలు కేవలం 3.6 శాతం మాత్రమే. వారు తరచూ వివక్షకు గురవుతూ ఉంటారు. బలవంతపు మత మార్పిడులపై గొంతెత్తే వారిని, దైవదూషణ పేరుతో నిర్బంధిస్తారు” అని కూడా ఆ నివేదిక పేర్కొంది.

దక్షిణ సింధ్ ప్రావిన్స్ లోని పెద్ద పెద్ద భూస్వాములుండే కాష్మోర్ ప్రాంతంలో, 13 ఏళ్ల సోనియా కుమారిని కిడ్నాప్ చేశారు. ఆ తర్వాతి రోజు పోలీసులు ఆమె తల్లిదండ్రులకు ఆ ఆమ్మాయి హిందూ మతం నుండి ఇస్లాం మతంలోకి మారినట్లు చెప్పారు. ఆమె తిరిగి రావాలని ఆమె తల్లి విజ్ఞప్తి చేస్తున్న వీడియో వైరలయింది. “దేవుని కొరకు, ఖురాన్, మీరు దేన్నయినా నమ్మండి, దయచేసి నా కుమార్తెను తిరిగి ఇవ్వండి, ఆమెను మా ఇంటి నుండి బలవంతంగా తీసుకువెళ్లారు.” అని ఆమె ఆ వీడియోలో విజ్ఞప్తి చేసింది. కానీ శక్తివంతమైన భూస్వాముల నుండి వచ్చే పరిణామాలకు భయపడి పేరు వెల్లడించడానికి ఇష్టపడని ఒక హిందూ కార్యకర్త చెప్పిన దాని ప్రకారం ఆ అమ్మాయి చేత బలవంతంగా వ్రాయించిన లేఖ ఒకటి ఆ కుటుంబానికి అందింది. తాను ఇష్టపూర్వకంగానే మతం మార్చుకున్నానని, అప్పటికే ఇద్దరు పిల్లలున్న 36 ఏళ్ల వివాహితుడ్ని తాను వివాహం చేసుకున్నానని ఆ 13 ఏళ్ళ బాలిక ఆ లేఖలో పేర్కొంది.

Source : Organiser.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post పాకిస్థాన్ లో ఏడాదికి 1,000 మంది బాలికలు బలవంతంగా ఇస్లాంలోకి : లాక్డౌన్ లో మరింత వేగవంతం. appeared first on Vishwa Samvad Kendra Andhra Pradesh.

సింధ్ ప్రావిన్స్ లోని జకోబాబాద్ జిల్లాలో నివసిస్తున్న మెహక్ కుమారి (14) అనే 9 వ తరగతి విద్యార్థినిని  జనవరి 15 న కిడ్నాప్ చేసి ఇస్లాం మతంలోకి మార్చినట్లు సమాచారం. పాకిస్తాన్ హిందువుల యూత్ ఫోరం (పిహెచ్‌వైఎఫ్) అనే ఫేస్‌బుక్ పేజీ ఈ సంఘటనను వివరించింది. మెహక్ కుమారి తండ్రి ఒక వ్యాపారవేత్త అని, ఆమెను అలీ రాజా సోలాంగి అనే ఒక వ్యక్తి, వివాహం చేసుకునే సాకుతో కిడ్నాప్ చేసి మతం మార్చారు. అయితే అలీ రాజా ఇప్పటికే వివాహితుడని, పిల్లలు కూడా ఉన్నారని ఆ పోస్ట్ లో  తెలిపారు.

ఈ సంఘటనను మీడియా దృష్టికి తీసుకువెళ్లినప్పటికీ ఎవరూ పట్టించుకోలేదని పి.హెచ్‌.వై.ఎఫ్ తెలిపింది. ఆఫహరించినవారు మాత్రం ఇది ప్రేమ వ్యవహారమని, బలవంతపు అపహరణ కాదని అంటున్నారని, కానీ అలీ రాజా ఒక కూలీ అని , బాలికతో ఎలాంటి సంబంధం లేదని పి.హెచ్‌.వై.ఎఫ్ తెలిపింది.

తన మైనర్ కుమార్తె అపహరణ వెనుక ఉన్న వ్యక్తి గురించి తాను అధికారులకు సమాచారం ఇచ్చానని మెహక్ తండ్రి విజయ్ కుమార్ చెప్పారు. పాకిస్తాన్ లోని  హిందువులను, ఇతర మైనారిటీ వర్గాలను లక్ష్యంగా చేసుకుని సాగుతున్న బలవంతపు మత మార్పిడులు, బాల్య వివాహాలను అడ్డుకోవడంలో  సింధ్ అధికారులు విఫలమయ్యారని హిందువులు ఆరోపించారు.

న్యాయం చేయాలని సోషల్ మీడియాలో కోరుతున్న హిందువులు

అపహరణలు, మతమార్పిడిలతో బాధపడుతున్న పాకిస్తాన్లోని హిందువులు ఇప్పుడు న్యాయం కోసం సోషల్ మీడియాలో పోరాడుతున్నారు. పి.హెచ్‌.వై.ఎఫ్ (PHYF ) నేతృత్వంలోని ఈ ప్రచారం పాకిస్తాన్‌లో చాలా మందికి సమస్య తీవ్రతను తెలియజేసింది. పి.హెచ్‌.వై.ఎఫ్ ఫేస్ బుక్ పేజీకి 31 వేలకు పైగా లైక్‌లు ఉన్నాయి. వారు ఈ ఫేస్ బుక్ పేజీలో  పాకిస్తాన్‌లో హిందువులపై జరిగిన దారుణాలను ప్రపంచం దృష్టికి తీసుకువస్తున్నారు.

కిడ్నాప్ కు గురై మతం మార్చబడిన హిందూ అమ్మాయిల జాబితాను కూడా ఈ బృందం బయట పెట్టింది. జాబితా ప్రకారం, గత కొన్ని నెలల్లోనే 50 మంది బాలికలను కిడ్నాప్ చేసి మతం మార్చారు. వారు ఇచ్చిన జాబితాలో  బాలికలను కిడ్నాప్ చేసినవారి పేర్లతో పాటు ప్రదేశాల వివరాలను కూడా ఇచ్చారు.

‘మతం పేరిట మా కుమార్తెలను ఈ దుర్మార్గులు లాక్కోవడం చూస్తూ ఉండటం కంటే వలసపోయి, శరణార్థి శిబిరాల్లో ఉండటం మంచిది’ అని పి.హెచ్‌.వై.ఎఫ్ తన ఫేస్ బుక్ పేజీలో  పోస్ట్ చేసింది.

–ఆర్గనైజర్ మరియు VSK తెలంగాణల సౌజన్యంతో

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవాలంటే ఇక్కడ క్లిక్ చెయ్యండి.

The post పాకిస్థాన్ లో హిందూ బాలికలపై ఆగని అఘాయిత్యాలు appeared first on Vishwa Samvad Kendra Andhra Pradesh.