న్యూఢిల్లీ: నేతాజీ సుభాష్‌ చంద్రబోస్ అస్తికలను భారత్‌కు తీసుకువచ్చే సమయం ఆసన్నమైందని ఆయన కుమార్తె అనితా బోస్‌ పేర్కొన్నారు. 1945, ఆగస్టు 18న ఆయన మరణించగా.. మృతిపై ఇప్పటికీ కొందరికి ఉన్న అనుమానాలకు డీఎన్‌ఏ పరీక్ష సమాధానాలు ఇస్తుందన్నారు.

ప్రస్తుతం జపాన్‌ రాజధాని టోక్యోలోని రెంకోజీ ఆలయంలో ఉంచిన నేతాజీ అస్తికలకు డీఎన్‌ఏ పరీక్ష నిర్వహించేందుకూ జపాన్‌ ప్రభుత్వం అంగీకరించిన విషయాన్ని అనితా బోస్‌ గుర్తుచేశారు. 75వ స్వాతంత్య్ర‌య దినోత్సవాన్ని భారత్‌ ఘనంగా జరుపుకుంటోన్న వేళ.. నేతాజీ కుమార్తె అనితా బోస్‌ ఈ ప్రకటన చేశారు.

‘అస్తికల నుంచి డీఎన్‌ఏ నమూనాలను సేకరించి.. అధునాతన సాంకేతికతతో వాటిని విశ్లేషించవచ్చు. 1945 ఆగస్టులో నేతాజీ చనిపోయారని చెబుతున్నా.. వాటిపై కొందరికి అనుమానాలు ఉన్నాయి. రెంకోజీ ఆలయంలో ఉన్న నమూనాలకు డీఎన్‌ఏ పరీక్ష చేయడంవల్ల వారి అనుమానాలను శాస్త్రీయంగా నివృత్తి చేసే వీలు కలుగుతుంది’ అని అనితా బోస్‌ పేర్కొన్నారు.

అటువంటి పరీక్షకు రెంకోజీ ఆలయ పూజారితోపాటు జపాన్‌ ప్రభుత్వం కూడా అంగీకరించిందన్నారు. నేతాజీకి భారత స్వాతంత్య్రం కంటే ఏమీ ఎక్కువ కాదన్న ఆమె.. స్వాతంత్య్ర ఫలాలను భారత్‌ అనుభవిస్తోన్న వేళ వాటిని చూసేందుకు నేతాజీ బతికిలేరన్నారు. ఇటువంటి సమయంలోనైనా కనీసం ఆయన అస్తికలను భారత గడ్డకు తీసుకుచ్చేందుకు కృషి చేద్దామని.. అందుకు ఇదే సరైన సమయమని అనితా బోస్‌ పిలుపునిచ్చారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post నేతాజీ అస్తికలను భారత్ తీసుకువచ్చే సమయం ఆసన్నమైంది appeared first on Vishwa Samvad Kendra Andhra Pradesh.

వారణాసికి రైలులో బయల్దేరిన ఆమెను పోలీసులు ప్రయాగ్‌రాజ్‌ రైల్వే స్టేషన్‌లో దించి..నిర్బంధంలోకి తీసుకున్నారు. హిందూ మహాసభ జాతీయ అధ్యక్షురాలైన రాజశ్రీ…. గత సోమవారమే తాను జ్ఞానవాపి మసీదు దగ్గర జలాభిషేకం చేస్తానని ప్రకటించారు. దీంతో స్థానిక అధికారులు ఆమెను జ్ఞానవాపి పరిసరాల్లోకి అనుమతించకూడదని నిర్ణయం తీసుకున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post నేతాజీ ముని మనుమరాలు అరెస్ట్ appeared first on Vishwa Samvad Kendra Andhra Pradesh.

ఇంఫాల్‌: నేతాజీ సుభాష్ చంద్రబోస్ ధైర్యం, త్యాగం, దేశభక్తికి ప్రతీక అని, ఆయన తన జీవితమంతా స్వాతంత్య్రాన్ని ఆశించే భారత ప్రజల కోసం అంకితం చేశారని నేతాజీ 125వ జయంతి సందర్భంగా ఆయనకు ఘనంగా నివాళులు అర్పిస్తూ రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) సర్ సంఘచాలక్ డాక్టర్ మోహన్ భాగవత్ అన్నారు.

ఇంఫాల్‌లో ఆదివారం జరిగిన విశిష్ట సమావేశాన్ని ఉద్దేశించి మాట్లాడుతూ, ఆర్‌ఎస్‌ఎస్ నేతాజీ జన్మదినాన్ని క్రమం తప్పకుండా జరుపుతున్నప్పటికీ, ఈ సంవత్సరం భారతదేశానికి స్వాతంత్య్రం వచ్చి 75వ సంవత్సరం కావడంతో ఈ సంవత్సరం వేడుకలు చాలా ముఖ్యమని చెప్పారు. స్వాతంత్య్రం కోసమే నేతాజీ తన జీవితాంతం త్యాగం చేశారని ఆయన గుర్తు చేశారు.

“స్వాతంత్య్రం కోసం నేతాజీ ఇంటిని విడిచి విదేశాలకు వెళ్లి బ్రిటిష్ వారికి వ్యతిరేకంగా పోరాడటానికి సైనిక (ఇండియన్ నేషనల్ ఆర్మీ) దళాన్ని స్థాపించారు. ఆయన జీవితం మనందరికీ ఆదర్శప్రాయమైన పోరాటం. నేతాజీ ఒక మహోన్నత లక్ష్యం కోసం జీవించారు” అంటూ భాగ‌వ‌త్‌ కొనియాడారు.

నేతాజీ బ్రిటిష్ సామ్రాజ్యాన్ని సవాలు చేయడమే కాకుండా స్వతంత్ర భారత ప్రభుత్వాన్ని కూడా ఏర్పాటు చేశారని డాక్ట‌ర్‌ భాగవత్ గుర్తు చేశారు. కుల, మత, మతాలకు అతీతంగా భారతీయులందరినీ నేతాజీ అనుసంధానం చేశారని తెలిపారు.

ఆయన కాంగ్రెస్ అధ్యక్షుడిగా అత్యధిక మెజార్టీతో గెలుపొందడం ద్వారా సామ్రాజ్యవాద శక్తులకు వ్యతిరేకంగా వాదనను వినిపించడానికి దేశ ప్రజలు ఆయనకు బాసటగా నిలిచినట్టు స్పష్టమైనదని చెప్పారు. అయితే, కొన్ని కార‌ణాల వ‌ల్ల ఆయన ఆ పదవి నుండి వైదొలగవలసి వచ్చిందని ఆయన విచారం వ్యక్తం చేశారు.

దేశభక్తి, దేశ ఐక్యత గురించి స్పష్టమైన ఆలోచనతో పాటు దాని కోసం సర్వం త్యాగం చేసే ధోరణిని కూడా నేతాజీ ప్రదర్శించారని భాగ‌వ‌త్ తెలిపారు. తన కోసం ఏమీ ఉంచుకోకుండా, దేశం కోసం ప్రతిదీ ఇచ్చారని, అటువంటిది నేతాజీ జీవితం అని గుర్తు చేసుకున్నారు. ఆధ్యాత్మిక ప్రేరణే ఆయనకు స్ఫూర్తి అని, ఆ స్ఫూర్తితోనే తన మాతృభూమి భారతదేశం కోసం సర్వస్వం త్యాగం చేశానని వివరించారు.

డాక్ట‌ర్‌ భాగవత్ నాలుగు రోజుల పర్యటనకు మణిపూర్ చేరుకున్నారు. ‘అన్‌సంగ్ ఆంగ్లో-మణిపురి వార్ హీరోస్ ఎట్ కాలాపానీ’ అనే పుస్తకాన్ని కూడా భగవత్ ఆవిష్కరించారు. ఈ కార్యక్రమంలో సంఘ్ ప్రముఖులు సునీల్ దేస్పాండే, ఉల్హాష్ కులకర్ణి, వశిష్ట బజుర్‌బరువా, రాజేన్ సింగ్ , ఎంఎం అశోకన్‌తో పాటుగా యుద్ధ వీరుల కుటుంబ సభ్యులు కూడా పాల్గొన్నారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post నేతాజీ ధైర్యం, త్యాగం, దేశభక్తికి ప్రతీక appeared first on Vishwa Samvad Kendra Andhra Pradesh.

ఈ కార్యక్రమానికి రిటైర్డ్ సంగీత అధ్యాపకులు శ్రీ స్వామన్న ముఖ్య అతిథిగా విచ్చేశారు. సమరసత సేవా ఫౌండేషన్ మండల సహ కన్వీనర్ శ్రీ రాజగోపాల్ రెడ్డి, భక్త కన్నప్ప గురుకులం ఆవాస ప్రముఖ్ శ్రీ M. రామకృష్ణ మరియు విద్యార్థులు పాల్గొన్నారు. అతిథి శ్రీ స్వామన్న మాట్లాడుతూ 1897 జనవరి 23న భారత దేశంలోని ఒడిషా లోని కటక్ పట్టణం లో ఒక ధనిక కుటుంబంలో జన్మించిన సుభాశ్ చంద్రబోస్ ఇండియన్ సివిల్ సర్వీసెస్ ఎగ్జామ్ లో భారత దేశంలో నాలుగవ స్థానాన్ని సంపాదించాడని తెలిపారు. తన ఉద్యోగానికి రాజీనామా చేసి సాయుధ పోరాటం ద్వారా ఆంగ్లేయులను దేశం నుంచి తరిమి కొట్టవచ్చునని నమ్మి అది ఆచరణలో పెట్టిన వాడని, బోసు బాబు భారత స్వాతంత్ర సమరయోధుల లో అగ్రగణ్యుడని ఆయన అభివర్ణించారు.

భక్త కన్నప్ప గురుకులం ఆవాస ప్రముఖ్ శ్రీ యం రామకృష్ణ మాట్లాడుతూ స్వతంత్ర పోరాటం అనే యుద్ధంలో పోరాడిన సుభాష్ చంద్రబోస్ నేతాజీగా భారతీయుల హృదయాలలో నిలచిపోయిన మహానుభావుడని కీర్తించారు. నేతాజీ స్వాతంత్ర్యం కోసం తన రక్తం ధార పోసిన భారత స్వాతంత్ర సమరయోధుడని, నా భారత జాతి కోసం ఈ క్షణమే నా ప్రాణం అంకితం చేస్తున్నాను అని శపధం చేస్తూ ఉక్కు నరాలు బిగించి,ఇనుప కండరాలతో జైహింద్ అని నినదిస్తూ స్వాతంత్ర పోరాటంలో పాల్గొన్న ధీరోదాత్తుడు నేతాజీ అని ఆయన పేర్కొన్నారు. ఏడు ఖండాల సైన్యాన్ని పోగేసి, బ్రిటిష్ వారి చేత ఏడు సముద్రాల నీరు తాగించిన మహా వీరుడు నేతాజీ సుభాశ్ చంద్రబోస్ అని ఆయన పేర్కొన్నారు. నేతాజీ సుభాష్ చంద్రబోస్ మన జీవిత మార్గదర్శి అని శ్రీ రామకృష్ణ అన్నారు. కార్యక్రమంలో పిల్లలు, పెద్దలు అందరూ ఆనందోత్సాహాలతో పాల్గొన్నారు. కార్యక్రమం చక్కటి వాతావరణంలో, ప్రేరణదాయకంగా జరిగింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post కర్నూలు జిల్లాలో నేతాజీ సుభాష్ చంద్రబోస్ 125వ జయంతి వేడుకలు appeared first on Vishwa Samvad Kendra Andhra Pradesh.

నేతాజీ సుభాష్ చంద్రబోస్ జయంతి సందర్భంగా దేశానికి నేతాజీ చేసిన సేవలు చిరస్మరణీయమని ప్రధానమంత్రి నరేంద్ర మోడీ పేర్కొన్నారు. నేతాజీ జన్మదినాన్ని పురస్కరించుకొని నిర్వహించుకుంటున్న ‘పరాక్రమ్ దివస్’ సందర్భంగా దేశ ప్రజలందరికీ ప్రధాని శుభాకాంక్షలు తెలిపారు. ఆయనకు శిరస్సు వంచి నమస్కరిస్తున్నానని ట్వీట్ చేశారు.

పార్లమెంట్ సెంట్రల్ హాలులోని నేతాజీ చిత్రపటానికి ప్రధాని పుష్పాంజలి ఘటించారు. లోక్ సభ స్పీకర్ ఓంబిర్లా, కేంద్ర మంత్రి పీయూష్ గోయల్ సహా పలువురు మంత్రులు సెంట్రల్ హాలులో నేతాజీకి నివాళులర్పించారు.

ఆయన త్యాగం స్ఫూర్తిదాయకం – రాష్ట్రపతి

రాష్ట్రపతి రాంనాథ్ కోవింద్ నేతాజీకి నివాళి అర్పించారు. నేతాజీ ఆదర్శాలు, ఆయన చేసిన త్యాగం దేశ ప్రజల్లో ఎల్లప్పుడూ స్ఫూర్తిని నింపుతుందని చెప్పారు. “నేతాజీ సుభాష్ చంద్రబోస్ 125వ జయంతి సందర్భంగా భారత్ నివాళులు అర్పిస్తోంది. స్వేచ్ఛాయుత భారతదేశం అనే భావనను సాకారం చేసేందుకు ఆయన నిబద్ధతతో వేసిన అడుగుల వల్ల దేశానికి స్ఫూర్తిగా మారారు” అంటూ రాష్ట్రపతి కోవింద్ ట్వీట్ చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post దేశవ్యాప్తంగా ఘనంగా పరాక్రమ దివస్ వేడుకలు appeared first on Vishwa Samvad Kendra Andhra Pradesh.

‘జైహింద్‌’ అన్న గొప్ప నినాదాన్ని దేశానికి ఇచ్చిన మహనీయుడు సుభాష్‌ చంద్రబోస్‌. ‘నాకు రక్తం ఇవ్వండి, నేను స్వాతంత్య్రం ఇస్తాను’ అని నినదించిన వాడు. బ్రిటిష్‌ జాతి నుంచి భారతాన్ని విముక్తం చేయడానికి ఆయన ఇచ్చిన మరో రణగర్జన ‘చలో ఢిల్లీ’.
ఇవన్నీ గాంధీ సిద్ధాంతానికి వ్యతిరేకమని ప్రత్యేకంగా చెప్పనక్కరలేదు. ఆధునిక చరిత్రలో జలియన్‌ వాలాబాగ్‌ దురంతం ఒక నెత్తుటి మరక, బ్రిటిష్‌ జాత్యహంకారానికి నిలువెత్తు నిదర్శనం. అలాంటి జాతి మీద సాగించే పోరాటం అహింసా పథంలో సాగదని నమ్మిన వారిలో బోస్‌ ఒకరు. ఏ కోణం నుంచి చూసినా భారత స్వాతంత్య్రోద్యమ చరిత్రలో బోస్‌ అనితర సాధ్యమైన వ్యక్తిత్వం కలవానిగా దర్శనమిస్తారు. చాలామంది స్వాతంత్య్రోద్యమ నేతలను దేశం మరచి పోతోంది. వారి త్యాగం గాల్లో కలసిపోతోంది. కానీ భారత సంక్షుభిత, పోరాట కాలంలో బోస్‌ నిర్వహించిన పాత్రను ఈనాటి తరం మరచిపోవడం లేదు.
చరిత్రలో ఆయనకు దక్కిన ఆ స్థానం ప్రభుత్వాలు కల్పిస్తే వచ్చినది మాత్రం కాదు. ఆయన దేశం కోసం పోరాడడం ఒక ఎత్తు, తను నమ్మిన సిద్ధాంతాన్ని అమలు చేయడానికి చేసిన పోరాటం మరొక ఎత్తు. ఎన్నో వ్యతిరేకతల మధ్య దాదాపు ఒంటరి పోరాటం చూసి, బోస్‌ చరిత్రలో చెరగని స్థానాన్ని కల్పించుకోగలిగారు.

సామర్థ్యం నిరూపించుకున్నారు

సుభాస్‌ చంద్రబోస్‌ (జనవరి 23, 1897 – ఆగస్ట్‌ 18, 1945) కటక్‌లో జన్మించారు. తండ్రి జానకీనాథ్‌ బోస్‌ (తల్లి ప్రభావతి దేవి) ప్రముఖ న్యాయవాది. రాజబహదూర్‌ బిరుదాంకితులు. అంటే ఆయన బ్రిటిష్‌ అనుకూలుడే. కొడుకును సివిల్‌ సర్వీసెస్‌ చదివించాలని ఇంగ్లండ్‌ పంపించాడు. ఆ పరీక్షలో బోస్‌ ఉత్తీర్ణుడై తన సామర్థ్యం నిరూపించు కున్నారు. కాని తన జాతిని బానిసలను చేసి పాలిస్తున్న బ్రిటిష్‌ వారి సర్వెంట్‌గా పని చేయడం ఇష్టం లేక బోస్‌ ఉద్యోగానికి రాజీనామా చేశారు. బోస్‌ చూసిన భారతదేశం, ప్రపంచం కూడా సంక్షోభాలతో కూడుకున్నది. ఆయనకు జ్ఞానమార్గం స్వామి వివేకానందుల ప్రవచనాల నుంచి లభించింది. రాజకీయ దష్టి చిత్తరంజన్‌ దాస్‌ నుంచి వచ్చింది. ఆయన పోరాట దక్పథం వాస్తవికమైనది. మొత్తంగా ఆయన ఆలోచనలనీ, అడుగులనీ నిర్దేశించినది మూత్రం అంతర్జాతీయ పరిస్థితులే.

కాంగ్రెస్‌ అధ్యక్షుడయ్యారు

దాదాపు 1920 దశకం నుంచి బోస్‌ స్వాతంత్య్ర పోరాటంలో ఉన్నారు. చిత్తరంజన్‌ దాస్‌ కలకత్తా మున్సిపల్‌ ఛైర్మన్‌గా ఉన్నప్పుడు, బోస్‌ సిఇఒ గా పనిచేశారు. తరువాత జాతీయ స్థాయికి ఎదిగారు. కానీ బోస్‌ పేరు ఒక ప్రభంజనంలా దేశాన్ని తాకినది మాత్రం 1938 లోనే. త్రిపుర కాంగ్రెస్‌ మహాసభలలో ఆయన పార్టీ అధ్యక్ష స్థానానికి పోటీ చేసి గెలిచారు. ఆయన ప్రత్యర్థి భోగరాజు పట్టాభిసీతారామయ్య ఓడిపోయారు. పట్టాభికి మద్దతిచ్చింది గాంధీగారే. అందుకే ‘పట్టాభి ఓటమి తన ఓటమే’ అని అప్పుడే గాంధీజీ ప్రకటించారు. అంతకు ముందు నెహ్రూతో సహా అందరూ బోస్‌ అభిప్రాయాలను సమర్థించిన వారు తరువాత సహాయ నిరాకరణ ఆరంభించారు. అనివార్య పరిస్థితులలో బోస్‌ అధ్యక్ష పదవికి రాజీనామా చేశారు.

యుద్ధమే మార్గం

మొదటి, రెండో ప్రపంచ యుద్ధాలలో గాంధీజీ అనుసరించిన వైఖరిని దేశంలో చాలామంది వ్యతిరేకిం చారు. గాంధీజీ మాటను వేదవాక్కుగా భావించేవారు, వ్యతిరేకత ఉన్నా మౌనం దాల్చారు. బ్రిటిష్‌ ప్రభుత్వం యుద్ధంలో మునిగి తేలుతూండగానే దేశంలో పోరాటాన్ని ఉధతం చేయాలని, బ్రిటిష్‌ ప్రభుత్వాన్ని ఇరుకున పెట్టి ప్రయోజనాలు సాధించుకోవాలని చాలామంది అభి ప్రాయంగా ఉంది. భారత సైన్యాన్ని బ్రిటిష్‌ ప్రభుత్వం ఉపయోగించుకోదలిస్తే అందుకు ప్రతిగా దేశానికి స్వయం ప్రతిపత్తి ఇస్తారో లేదో తెలుసుకోవాలని మహమ్మదలీ జిన్నా వంటి వారు కూడా గట్టిగా గళం ఎత్తారు. కానీ అహింసా సిద్దాంత ప్రవక్త గాంధీజీ ఎలాంటి షరతులు లేకుండానే యుద్ధం చేస్తున్న బ్రిటన్‌ వెనకాల నిలబడాలని కోరుకున్నారు. అనిబిసెంట్‌, చిత్తరంజన్‌దాస్‌, జిన్నా, మోతీలాల్‌ వంటి వారు ఈ నిర్ణయాన్ని వ్యతిరేకించారు. తీవ్ర జాతీయవాదుల అభిప్రాయం కూడా అదే. అలాంటి వ్యతిరేకత రెండో ప్రపంచ యుద్ధ సమయంలో కూడా వచ్చింది. ఇంగ్లండ్‌ యుద్ధంలో ఉండగానే దేశాన్ని విముక్తం చేయడం కోసం ఒత్తిడి పెంచాలని భావించిన వారు ఎందరో. అందులో ముఖ్యుడు బోస్‌. కానీ గాంధీ పంథా నుంచి బయటకు రావడానికి ఇష్టపడని రాజకీయ వాతావరణం నాటి భారతదేశంలో చాలా ఉండేది. ఫలితంగా బోస్‌ ఈ దేశాన్ని వదిలి, బయట నుంచి ఇంగ్లండ్‌ ప్రభుత్వం మీద దాడి చేయాలనీ, దేశాన్ని విముక్తం చేయాలని వాంఛించారు. అప్పటికే అంతర్జాతీయంగా పలు సంస్థలు, అందులోని భారతీయులు ఇదే బాటలో ఉన్నారు కూడా. అందుకే 1939లో బోస్‌ ఫార్వర్డ్‌ బ్లాక్‌ పార్టీని స్థాపించారు.

రెండో ప్రపంచ యుద్ధ సమయంలో ఇంగ్లండ్‌ను ఇరుకున పెట్టాలన్న యోజనను ప్రచారం చేసినందుకు బోస్‌ను జైలుకు పంపారు. అక్కడ బోస్‌ ఆమరణ నిరశనకు కూర్చోవడంతో, ఆయన ఆరోగ్య పరిస్థితి విషమించింది. దీనితో ఆయనను విడుదల చేసి, హౌస్‌ అరెస్టు చేశారు. ఇది 1940లో జరిగింది. ఆ మరుసటి సంవత్సరమే ఆయన మాయమైన సంగతిని బ్రిటిష్‌ ప్రభుత్వం గమనించింది. కలకత్తాలో మాయమైన బోస్‌ 1941 నవంబర్‌లో జర్మనీ రేడియోలో ఆయన ప్రసంగించేంత వరకు ఆయన ఆచూకీ కూడా ఎవరూ పట్టుకోలేకపోయారు.

రెండో ప్రపంచ యుద్ధంలో జర్మనీ నాయకత్వంలోని కూటమి, అమెరికా-బ్రిటన్‌ నాయకత్వంలోని మిత్ర రాజ్యాలు హోరాహోరీగా పోరాడుతున్నాయి. అలాంటి సమయంలో పాశ్చాత్య దేశాలకు వెళితే, అక్కడ అరెస్టయ్యి బోస్‌ కచ్చితంగా ఇంగ్లిష్‌ వారి బందీగా ఉండిపోయేవాడే. కానీ ఆయన జర్మనీ నాయకత్వరలోని కూటమిని ఆశ్రయించారు. జర్మనీ, జపాన్‌ కూడా బోస్‌కు సాయం అందించడానికి ముందుకు వచ్చాయి. జపాన్‌ సాయంతోనే సింగపూర్‌, ఆగ్నేయ ఆసియా ప్రాంతాలకు చెందిన 40 వేల మంది భారతీయులతో బోస్‌ సైన్యాన్ని నిర్మించుకున్నారు. అదే ‘ఆజాద్‌ హింద్‌ ఫౌజ్‌’. ఇందులో మహిళా విభాగం కూడా ఉండడం బహుశా ప్రపంచ రికార్డు. ఆ విభాగం పేరు ఝాన్సీ లక్ష్మీబాయి సేన. ఈ ఆజాద్‌ హింద్‌ ఫౌజ్‌ సేనతో భారత భూభాగాలను ఆక్రమించడం బోస్‌ ఉద్దేశం. అక్టోబర్‌ 21, 1943న అండమాన్‌ నికోబార్‌ ద్వీపాలను బోస్‌ స్వాధీనం చేసుకున్నారు. వాటికి స్వరాజ్‌, షహీద్‌ అని పేర్లు పెట్టాడు. తరువాత 1945 మార్చి 18 నాటికి బర్మా దాకా వచ్చారు. కానీ అప్పటికి పరిస్థితులు మారిపోయాయి. జర్మనీ కూటమి ఓటమి పాలైంది. హిరోషిమా, నాగసాకి పట్టణాల మీద అణుబాంబు దాడితో జపాన్‌ లొంగిపోయింది. ఇది బోస్‌ పాలిట శరాఘాతమైంది. ఆయన ప్రయాణిస్తున్న యుద్ధ విమానం (జపాన్‌ది) ఆగస్ట్‌ 18, 1945న జపాన్‌ అధీనంలో ఉన్న ఫార్మోసా (నేటి తైవాన్‌)లో కూలిపోయిం దని, ఆయన ఈ లోకాన్ని వీడిపోయారని వార్తలు వచ్చాయి. ఆ తరువాత ఆయన బతికే ఉన్నారని కూడా వార్తలు వచ్చాయి. మొత్తానికి ఈ విషయంలో స్పష్టత లేకపోవటం, మిస్టరీగా మిగిలిపోవటం దురదృష్టకరం.

ఇప్పటికీ స్ఫూర్తే

దేశాన్ని త్వరితగతిన వలసపాలన నుంచి విముక్తం చేయాలని ఒక గొప్ప జాతీయవాది కన్న కల అలా భగ్నమైంది. వాస్తవ పరిస్థితులను గమనించ కుండా, గాంధీ మీద విపరీత భక్తితో జాతీయ కాంగ్రెస్‌ వాదులు బోస్‌ను దూరంగా పెట్టారు. కమ్యూనిస్టులు మరో అడుగు ముందుకు వేసి ఆయనకు దేశద్రోహం అంటగట్టారు. సోవియెట్‌ రష్యాను గడగడలాడించిన హిట్లర్‌తో ఆయన (భారతదేశ విముక్తి కోసమే అయినా) చెలిమి చేసినందుకు కొన్ని దశాబ్దాల పాటు నీచంగా చిత్రించారు. (1997లో బోస్‌ శతజయంతికి ఇందుకు కమ్యూనిస్టులు క్షమాపణలు చెప్పారు) అంటే స్వరాజ్య సమరంలో గాంధీని వ్యతిరేకించిన వారికి పుట్టగతులు లేవు. స్వతంత్ర భారతంలో కమ్యూనిస్టులకు నచ్చని వాళ్ల చిరునామా చరిత్రలో కనిపించదు. ఇలాంటి దారుణమైన కాలమాన పరిస్థితుల నుంచి ఎదిగిన వ్యక్తిత్వం బోస్‌ సొంతం. ఆయన స్ఫూర్తి ఏనాటికైనా భారతదేశానికి అవసరమే.

– లోపాముద్ర. సేకరణ జాగృతి వార పత్రిక 2018 జనవరి

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post అఖండ భారత జాతి కన్న మరో శివాజీ… నేతాజీ appeared first on Vishwa Samvad Kendra Andhra Pradesh.

ఇది రుణం తీర్చుకునే, కృతజ్ఞతాభావానికి ప్రతీక అని ప్రధాని తెలిపారు. దివ్యమైన నేతాజీ విగ్రహం తయారీ పూర్తయ్యే వరకు ఇండియా గేట్ వద్ద ఆయన హోలోగ్రామ్ విగ్రహాన్ని ఏర్పాటు చేస్తామని పేర్కొన్నారు. ఈ హోలోగ్రామ్ విగ్రహాన్ని ఎల్లుండి(23న) నేతాజీ జయంతి సందర్భంగా ఆవిష్కరిస్తానని ఆయన తెలిపారు.

మొదటి ఇండియన్ నేషనల్ ఆర్మీ, ఆజాద్ హింద్ ఫౌజ్‌ను నేతాజీ ఏర్పాటు చేశారు. 1943లో ఈ సైన్యాన్ని ఏర్పాటు చేసి, బ్రిటిష్ పాలకులపై సాయుధ తిరుగుబాటును ప్రారంభించారు. స్వాతంత్ర్యోద్యమంలో పాల్గొనేవిధంగా వేలాది మంది భారతీయులను ప్రేరేపించారు. ‘‘నువ్వు నాకు రక్తాన్ని ఇవ్వు, నేను నీకు స్వాతంత్ర్యాన్ని ఇస్తాను’’, ‘‘జైహింద్’’, ‘‘ఢిల్లీ చలో’’ వంటి నినాదాలతో భారతీయులను ప్రేరేపించి, ఉత్తేజితులను చేశారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఇండియా గేట్ వద్ద నేతాజీ విగ్రహం appeared first on Vishwa Samvad Kendra Andhra Pradesh.