ప్రధాని కె.పి.శర్మ ఓలీ నేతృత్వంలో భేటీ అయిన మంత్రి మండలి.. పార్లమెంటును రద్దుచేయాలంటూ మండలి అధ్యక్షురాలు విద్యాదేవీ భండారీకి సిఫారసు చేసింది. ఆదివారం ఉదయం అత్యవసర సమావేశం నిర్వహించిన మంత్రి మండలి ఈ మేరకు అనూహ్య నిర్ణయం తీసుకుంది. అధికార నేపాల్‌ కమ్యూనిస్టు పార్టీ(ఎన్‌సీపీ)లో కొంతకాలంగా తీవ్ర స్థాయిలో విభేదాలు కొనసాగుతున్నాయి. రెండు వర్గాలుగా విడిపోయి ప్రధాని పీఠం కోసం ఒకరిపై ఒకరు తీవ్ర స్థాయిలో విమర్శలు గుప్పించుకుంటున్నాయి. తాజా ఘటనతో అవి మరింత తారస్థాయికి చేరుకున్నట్లైంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post పార్లమెంటు రద్దుతో మధ్యంతర ఎన్నికల దిశగా నేపాల్ appeared first on Vishwa Samvad Kendra Andhra Pradesh.

ఈ క్రమంలో జరిగిన ఒక  పెద్ద పరిణామంలో, నేపాల్ యొక్క అధికారిక పటంలో కాలాపానీ, లిపులేఖ్ మరియు లింపియాధూరాలను ఏకగ్రీవంగా చేర్చడానికి రాజ్యాంగ సవరణను నేపాల్ ప్రతినిధుల సభ (దిగువ సభ) శనివారం ఆమోదించింది. ఈ సమావేశాలకు నేపాల్‌లోని 275 మంది ఎంపీలకు గానూ 258 మంది హాజరయ్యారు. అందరూ సవరణకు ఆమోదం తెలుపుతూ ఓటు వేశారు. ఈ సవరణను నేపాల్ ప్రతినిధుల సభలో మంగళవారం ప్రవేశపెట్టారు.

నేపాల్ భారత భూభాగాలను కొత్త పటంలో పొందుపరుస్తుంది…..

నేపాల్ యొక్క కొత్త పటాన్ని ధృవీకరించడానికి రాజ్యాంగ సవరణ బిల్లును పరిగణనలోకి తీసుకునే ప్రతిపాదనను మంగళవారం నేపాల్ దిగువ సభ ఆమోదించింది – ఇందులో అనేక భారతీయ భూభాగాలు ఉన్నాయి. రాజ్యాంగ సవరణను నేపాల్ పార్లమెంటు ఉభయ సభలలో 2/3 వ మెజారిటీ ఆమోదించాలి. కొత్త పటాన్ని ఆమోదించడంలో కేపీ శర్మ ఓలి నేతృత్వంలోని ప్రభుత్వం ప్రధాన ప్రతిపక్ష పార్టీ నేపాలీ కాంగ్రెస్, జనతా సమాజ్ వాదీ పార్టీ-నేపాల్ మద్దతును సంపాదించడంతో ఇది ఏకగ్రీవంగా ఆమోదించబడింది.

నేపాల్ చర్యను తప్పుపట్టిన భారత విదేశీ వ్యవహారాల శాఖ

నేపాల్ చర్యపై భారత విదేశీ వ్యవహారాల శాఖ తీవ్రంగా తప్పుపట్టింది. మే 18 న నేపాల్ ప్రధాని కెపి శర్మ ఓలి భారత భూభాగాలైన కాలాపానీ, లిపులేఖ్ మరియు లింపియాధూరాలతో కూడిన నేపాల్ యొక్క కొత్త మ్యాప్‌ను నేపాల్ పార్లమెంట్ లో ప్రతిపాదించారు. కానీ నిజానికి 1816 నాటి సుగౌలీ ఒప్పందం ప్రకారం అప్పటి బ్రిటిష్ భారత ప్రభుత్వ హయాంలో నేపాల్, భారత సరిహద్దులకు సంబంధించిన ఒప్పంద పత్రాలపై ఇరుదేశాలూ సంతకం చేశారన్న విషయాన్ని గుర్తు చేస్తూ ఆ ఒప్పందం ప్రకారమే అప్పుడు నేపాల్ యొక్క కొత్త పటం రూపొందించబడిందని భారత విదేశీ వ్యవహారాల శాఖ పేర్కొంది. అయితే మే 19 న పార్లమెంటులో ప్రసంగించిన నేపాల్ ప్రధాని, భారతదేశం తన సైన్యాన్ని అక్కడ నిలుపడం ద్వారా పైన పేర్కొన్న భూభాగాలను “వివాదాస్పదంగా” మార్చిందని పేర్కొన్నారు. దౌత్య మార్గాల ద్వారా భారతదేశం నుండి ఈ భూభాగాలను తిరిగి పొందుతామని ఆయన ప్రతిజ్ఞ చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post భారత భూభాగాలతో కూడిన మ్యాప్ రూపకల్పనకు రాజ్యాంగ సవరణను ఆమోదించిన నేపాల్ పార్లమెంట్ appeared first on Vishwa Samvad Kendra Andhra Pradesh.

భారత్‌లోని లిపులేఖ్, కాలాపానీ, లింపియాధురా ప్రాంతాలు ఆ దేశ అంతర్గత భూభాగాలుగా చూపుతూ కొత్త మ్యాప్‌ను ఇటీవల నేపాల్‌ రూపొందించింది. దీనికి నేపాల్ మంత్రిమండలి ఆమోదం తెలిపింది. ఈ మ్యాప్‌కు రాజ్యాంగ సవరణ తప్పనిసరి. ఇందుకోసం పార్లమెంట్‌లో బిల్లు పెట్టేందుకు నేపాల్‌లోని వివిధ పార్టీల ఏకాభిప్రాయ సాధనలో ప్రధాని కేపీ శర్మ విఫలమయ్యారు. గోర్ఖా జాతీయ వాదాన్ని తెరపైకి తెచ్చి లబ్ధి పొందాలని ప్రధాని భావిస్తున్నారని, ఇందులో ఆయన వ్యక్తిగత ప్రయోజనాలు దాగి ఉన్నాయనేది వారి ఆరోపణగా తెలుస్తోంది. దీనికి తోడు ప్రధాన ప్రతిపక్షమైన నేపాల్‌ కాంగ్రెస్‌ తన వైఖరిని కేంద్ర వర్కింగ్‌ కమిటీలో చర్చించాకే చెబుతామని తెలిపింది. దీంతో రాజ్యాంగ సవరణ చేయాలన్న ప్రయత్నాలు వాయిదా పడ్డాయి.

అయితే, నేపాల్ రూపొందించిన మ్యాప్‌కు ఎలాంటి చారిత్రాత్మకత ఆధారాలూ లేవని, కృత్రిమంగా చేపట్టిన సరిహద్దు మార్పులను అంగీకరించబోమని భారత్‌ ఇప్పటికే స్పష్టంచేసింది. సరిహద్దు సమస్యను ద్వైపాక్షిక చర్చల ద్వారా పరిష్కరించుకోవాలనే భావనకు విరుద్ధంగా నేపాల్ చర్యలు ఉన్నాయని భారత్‌ ఆక్షేపించింది. టిబెట్‌లోని మానస సరోవర్‌ పుణ్యక్షేత్రాన్ని చేరుకునేందుకు వీలుగా భారత ప్రభుత్వం నిర్మించిన లిపులేఖ్ మార్గంపై నేపాల్ విమర్శలు చేయడంతో ఇరు దేశాల మధ్య వివాదం ఏర్పడింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post నేపాల్ మ్యాప్ వివాదానికి బ్రేక్ appeared first on Vishwa Samvad Kendra Andhra Pradesh.

భారత్‌లోని లిపులేఖ్‌, కాలాపానీ, లింపియాధురాలు ప్రాంతాలు నేపాల్‌కు చెందినవేనని ఆ దేశ ప్రధానమంత్రి కేపీ శర్మ ఓలీ మంగళవారం అన్నారు. రాజకీయ, దౌత్యపరమైన మార్గాల ద్వారా వీటిని భారత్‌ నుంచి తిరిగి స్వాధీనం చేసుకుంటామని చెప్పారు. ఈ మూడు ప్రాంతాలను తమ దేశ అంతర్గత భూభాగాలుగా చూపుతూ రూపొందించిన కొత్త పటాన్ని నేపాల్‌ మంత్రిమండలి ఆమోదించిన సంగతి తెలిసిందే.

‘భారత్‌ నుంచి అక్రమ మార్గాల్లో వస్తున్న వారి ద్వారానే నేపాల్లో వైరస్‌ వ్యాపిస్తోంది. సరైన పరీక్షలు చేయకుండానే అధికారులు, పార్టీ నాయకులు వారిని అనుమతిస్తున్నారు. బయట నుంచి జనాలు వస్తుండటంతో కొవిడ్‌-19ను కట్టడి చేయడం కష్టమవుతోంది. ఇటలీ, చైనాతో పోలిస్తే భారత వైరస్‌ మరింత ప్రమాదకరంగా కనిపిస్తోంది. ఎక్కువ మందికి సోకుతోంది’ అని ఓలీ ఆరోపించారు.

దురుద్దేశపూర్వకంగానే నేపాల్‌ ప్రధాని భారత్‌పై ఆరోపణలు చేస్తున్నారని తెలుస్తోంది. కొన్ని కారణాల వల్ల ఓలితో చైనా ఈ వ్యాఖ్యలు చేయిస్తున్నట్టు అనుమానిస్తున్నారు. వైరస్‌ కారణంగా డ్రాగన్‌ దేశం నుంచి కంపెనీలు భారత్‌కు తరలివచ్చే అవకాశం ఉండటంతో ఇలా దొంగదారిలో ఆరోపణలు చేయిస్తున్నట్టు సమాచారం. కరోనా వైరస్‌ వాస్తవంగా చైనాలోని వుహాన్‌లోనే పుట్టిన సంగతి తెలిసిందే. వైరస్‌ ఆవిర్భావంపై స్వతంత్ర విచారణ చేపట్టాలని అన్ని దేశాలు ఒత్తిడి చేస్తున్నాయి. అందులో కొన్ని దేశాలను దారికి తెచ్చుకొనేందుకు వివాదాస్పద ప్రాంతాలపై కవ్వించడం, ఎగుమతులు, దిగుమతులను అడ్డుకోవడం వంటివి చేస్తుంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post భారత్‌పై నేపాల్‌ ప్రధాని దురుద్దేశపూర్వక వ్యాఖ్యలు appeared first on Vishwa Samvad Kendra Andhra Pradesh.