కొత్త ఐటీబీపీ బెటాలియన్ల కోసం నియామక ప్రక్రియ దేశవ్యాప్తంగా జరుగుతుంది. దేశంలోని అన్ని రాష్ట్రాలు, కేంద్ర పాలిత ప్రాంతాల అభ్యర్థులు దరఖాస్తు చేయవచ్చు. కాబట్టి సరిహద్దు రాష్ట్రాలైన ఉత్తరాఖండ్, సిక్కిం, అరుణాచల్ ప్రదేశ్, హిమాచల్ ప్రదేశ్, లడఖ్ కేంద్ర పాలిత ప్రాంతంలలోని యువతకు ప్రోత్సాహకరంగా ఉంటుంది. ఈ ప్రాంతంలోని యువత ఉద్యోగావకాశాల కోసం పెద్ద నగరాలకు వెళ్ళకుండా, తమ స్వస్థలాల్లోనే ఉపాధి పొందడానికి వీలవుతుంది.

ఈ త్రిశూల వ్యూహంలో రెండోది, శక్తిమంతమైన గ్రామం పథకం. సరిహద్దులకు సమీపంలో ఉన్న గ్రామాలు, పట్టణాల్లోని యువత ఉపాధి కోసం నగరాలకు వెళ్తుండటం వల్ల ఎల్ఏసీ వద్ద రక్షణ, భద్రత బలహీనపడినట్లు ప్రభుత్వం గుర్తించింది. అందుకే స్థానికంగా ఉపాధి అవకాశాలు కల్పించాలని జాతీయ భద్రత ప్రణాళికకర్తలు సూచించారు. ఈ నేపథ్యంలో రూ.4,800 కోట్లతో ఈ పథకాన్ని అమలు చేయాలని నిర్ణయించారు. స్థానిక యువత పర్యాటకం, వాణిజ్యం ద్వారా ఉపాధి పొందడానికి వీలుగా అన్ని ప్రాంతాలను అనుసంధానం చేస్తారు. దీని కోసం రూ.2,500 కోట్లు ఖర్చవుతుందని అంచనా వేస్తున్నారు.

ఈ త్రిశూల వ్యూహంలో మూడోది, షింకున్ కనుమ వద్ద సొరంగం నిర్మాణం. దీనివల్ల వాస్తవాధీన రేఖతోపాటు సియాచిన్ మంచు కొండలు, దానికి సమీపంలో యాక్చువల్ గ్రౌండ్ పొజిషన్ లైన్ వద్ద కూడా భద్రతను కట్టుదిట్టం చేయవచ్చు. హిమాచల్ ప్రదేశ్ నుంచి లడఖ్ వరకు అన్ని కాలాల్లోనూ నిరంతరాయంగా ప్రయాణం, రవాణాలకు అవకాశం కలుగుతుంది. మనాలీ-అటల్ సొరంగం-దార్చా-షింకున్ కనుమ సొరంగం-పదుమ్-నీము యాక్సిస్ గుండా హిమాచల్ ప్రదేశ్-లడఖ్ మధ్య అనుసంధానం ఏర్పడుతుంది.

The post త్రిశూల వ్యూహంతో చైనాకు చెక్.. అవి ఏంటంటే? appeared first on Vishwa Samvad Kendra Andhra Pradesh.