ల‌క్నో: ‘నమాజ్’ పేరుతో అర్ధరాత్రి రోడ్డును ఆక్రమించి రవాణా వ్యవస్థకు ఆటంకం కలిగించిన వ్యక్తులను గ్రామస్థులు పోలీసులకు అప్పగించిన ఘటన ఉత్తరప్రదేశ్‌లో చోటుచేసుకుంది. ఉత్త‌ర‌ప్ర‌దేశ్‌ రాష్ట్రానికి చెందిన కొందరు వ్యక్తులు ఒక ప్రయివేట్ ట్రావెల్స్ బస్సులో రాజస్థాన్‌లోని అజ్మీర్‌కు వెళ్తూ రాత్రిపూట దారిలోని షాజహాన్‌పూర్‌ గ్రామానికి చేరుకున్నారు.

తమ బస్సును రోడ్డుకు అడ్డంగా నిలిపివేసి, రోడ్డుపైనే సామూహికంగా నమాజ్ చేయసాగారు. ‘నమాజ్’ పేరిట రోడ్డును ఆక్రమించి ప్రజా రవాణాకు ఆటంకం కలిగించడంపై అభ్యంతరం వ్యక్తం చేస్తూ గ్రామస్థులు స్థానిక విశ్వహిందూ పరిషత్‌(వీహెచ్‌పీ) కార్యకర్తల సహాయంతో వారిని నేరుగా తిల్హార్ పోలీస్ స్టేషన్‌కు త‌ర‌లించారు.

యాత్రికులు బస్సును రోడ్డు అడ్డంగా నిలిపి, ‘నమాజ్’ పేరిట రోడ్డును ఆక్రమించి ప్రజలకు ఇబ్బందులు సృష్టించడం ద్వారా చ‌ట్టాన్ని ఉల్లంఘించిన ఘటనలో 18 మందిని అదుపులోకి తీసుకున్నామని, వారు లిఖితపూర్వక క్షమాపణ చెప్పడంతో చలాన్ జారీ చేసి విడుదల చేశామని అదనపు ఎస్పీ సంజీవ్ వాజపేయి తెలిపారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post అర్ధ‌రాత్రి రోడ్డుపై సామూహిక న‌మాజ్! appeared first on Vishwa Samvad Kendra Andhra Pradesh.

మ‌ధుర‌: మ‌ధుర‌లోని షాహీ ఈద్గా మసీదులో ముస్లింలు ప్రార్థనలు నిర్వహించకుండా నిరోధించాలని కోరుతూ కొందరు న్యాయవాదులు, న్యాయవిద్యార్థులు స్థానిక కోర్టులో పిటీషన్‌ దాఖలు చేశారు. ఈ ప్రాంతం శ్రీకృష్ణ జన్మస్థలి అని అందువల్ల ఇక్కడ నమాజ్‌ను నిషేధించాలని వీరు కోరారు. ఇప్పటికే ఈ అంశంపై పది పిటీషన్లు మ‌ధుర కోర్టులో ఉన్నాయి. 13.37 ఎకరాల విస్తీర్ణంలో ఉన్న కత్రాకేశవ్‌ దేవ్‌ మందిరంలో ఈ మసీదు ఉంది. మసీదు ఉన్న చోటే కృష్ణుడు జన్మించాడని హిందువుల భావన అని తాజా పిటీషన్‌లో పేర్కొన్నారు.

మసీదును హిందూ దేవాలయ శిథిలాలపై నిర్మించినందున దీనికి మసీదు హోదా రాదన్నారు. అందువల్ల ఇక్కడ నమాజు చేయకుండా శాశ్వత నిరోధ ఉత్తర్వులివ్వాలని కోరారు. ఇతర మత చిహ్నాలు లేని, వివాదంలో లేని ప్రాంతంలోనే మసీదు నిర్మించాలని ఖురాన్‌ చెబుతోందన్నారు. దీనిపై విచారణ మే 25న జరుగుతుందని ప్రభుత్వ న్యాయవాది చెప్పారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post శ్రీకృష్ణ జన్మస్థానంలో నమాజ్ చేయడాన్ని నిషేధించాలి appeared first on Vishwa Samvad Kendra Andhra Pradesh.

మే మూడోతేదీలోపు అన్ని మతపరమైన ప్రాంతాల్లో లౌడ్​స్పీకర్లు పెట్టుకునేందుకు అనుమతి తీసుకోవాలని స్పష్టం చేశారు. అనుమతి లేకుండా స్పీకర్లు పెట్టి నిబంధనలు ఉల్లంఘిస్తే కఠిన చర్యలు తీసుకుంటామని తెలిపారు. అలా చేస్తే ఆరు నెలల వరకు జైలు శిక్ష పడుతుందని హెచ్చరించారు.

మరోవైపు.. నమాజ్​ కోసం మసీదుల్లో లౌడ్​స్పీకర్లును తొలగించకపోతే.. తాము హనుమాన్​ చాలీసా, భజనలతో లౌడ్​స్పీకర్లు ఏర్పాటు చేస్తామని మహారాష్ట్ర నవనిర్మాణ్​​ సేన(ఎంఎన్​ఎస్​) అధినేత రాజ్​ ఠాక్రే హెచ్చరించిన కొద్ది గంటల్లోనే పోలీసులు ఈ నిర్ణయం తీసుకోవటం ప్రాధాన్యం సంతరించుకుంది. ఆదేశాలు జారీ చేసిన కొద్దిసేపటికే మసీదు సమీపంలో లౌడ్​స్పీకర్​లో హనుమాన్​ చాలీసా పెట్టి నిబంధనలు ఉల్లంఘించారనే కారణంగా ఎంఎన్​ఎస్​ నాయకుడు మహేంద్ర భనుశాలిని అరెస్ట్​ చేశారు పోలీసులు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post నమాజ్ స‌మ‌యంలో హనుమాన్ చాలీసా వినిపించకూడదు… మహారాష్ట్ర పోలీసుల వింత పోకడలు appeared first on Vishwa Samvad Kendra Andhra Pradesh.

హిందూ మహాసభ జిల్లా అధినేత రోనక్ ఠాకూర్ మీడియాతో మాట్లాడుతూ, నమాజ్ సమయంలో ముస్లింలు దుకాణాలను నడపనివ్వరని అన్నారు. వారు రహదారిపై అడ్డుగా ఉంటారని, అంబులెన్స్‌ల వంటి అత్యవసర వాహనాలు కూడా తరచుగా ఇరుక్కుపోతున్నాయని ఆయన తెలిపారు. “దుకాణదారులు ముందుగానే దుకాణాలను మూసివేసి తమ వాహనాలను రహదారి నుండి దూరంగా తరలించాలి. ఎవరైనా వాహనాన్ని సకాలంలో తొలగించకపోతే, పోలీసులకు ఫోన్ చేసి దుకాణదారుపై చలాన్ జారీ చేయిస్తారు” అని అన్నారు.

ట్రాఫిక్‌లో కదలిక ఉండేలా రహదారికి ఒక వైపు మాత్రమే నమాజ్ చేసుకోనివ్వాలని, మిగిలిన రోడ్డు మీద వాహనాలు వెళ్లేందుకు అవకాశం ఉండేలా చూడాలని పోలీసులు ముస్లిం సమాజాన్ని కోరారు. రోడ్డుకు ఒకవైపు మాత్రమే నమాజ్ చేయనివ్వడానికి మిగిలిన వారు అంగీకరించారు. కాగా, నిబంధనలను పాటించడంలో విఫలమైతే, హిందూ సంఘాలు నిరసనను పునఃప్రారంభించేందుకు సిద్ధంగా ఉన్నాయ‌ని.. దుకాణదారులకు, ప్రయాణికులకు అసౌకర్యాన్ని కలిగించడాన్ని అసలు ఒప్పుకోమని హిందూ సంఘాలు తేల్చి చెప్పాయి. రోడ్డుపై నమాజ్‌ చేసినప్పుడు, హనుమాన్‌ చాలీసా పఠించేందుకు ఎందుకు అనుమతించరని హిందూ మహాసభ అధికార ప్రతినిధి సంజయ్‌ జాట్ ప్రశ్నించారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఎంత చెప్పినా విన‌రు గాక విన‌రు.. ముస్లింల రోడ్డుపై న‌మాజ్‌! appeared first on Vishwa Samvad Kendra Andhra Pradesh.

గురుగ్రామ్‌: హర్యానాలోని గురుగ్రామ్‌లో నమాజ్‌కు చోటు ఇవ్వమని కొంతమంది ముస్లింలు మైదానంలో క్రికెట్‌ ఆడుకుంటున్న ఆటగాళ్ళను బెదిరించి, కొట్టారు. దీంతో పరిస్థితి ఉద్రిక్తంగా మారింది. వివరాలివి. రాష్ట్రంలో బహిరంగ ప్రదేశాల్లో నమాజ్‌కు వ్యతిరేకంగా ప్రజా ఉద్యమం ఒక ప్రాంతం నుండి మరొక ప్రాంతానికి పాకుతోంది. ఈ నెల 19న శుక్రవారం నమాజ్‌ చేయడానికి పెద్ద సంఖ్యలో ముస్లింలు బహిరంగ మైదానంలోకి వెళ్ళిన తర్వాత సెక్టార్‌ 37లో స్థానిక నివాసితులు నిరసన వ్యక్తం చేశారు. ఈ మైదానం ఖాన్‌స్దా గ్రామంలో ఉంది. స్థానిక యువకులు క్రికెట్‌ ఆడటంతో పాటు వాహనాలను పార్క్‌ చేస్తారు. గత శుక్రవారం మైదానంలో క్రికెట్‌ ఆడుతున్న గ్రామంలోని వారితో ముస్లింలు అసభ్యంగా ప్రవర్తించారని ఖాన్‌స్దా నివాసితులు ఆరోపించారు. తమ గ్రామంలోని మైదానంలో ఎటువంటి అక్రమ ఆక్రమణలను అనుమతించమని తెలిపారు.

ముస్లింలు నమాజ్‌ చేయడానికి రావడంతో క్రికెట్‌ ఆడుతున్న యువకులు తమ గ్రామం మైదానాన్ని ఖాళీ చేసేందుకు నిరాకరించారు. వద్దంటున్నా నమాజ్‌ చేయడానికి బహిరంగ స్థలాలను ఆక్రమించారని వారు అభ్యంతరం వ్యక్తం చేశారు. సెక్టార్‌ 10, సెక్టార్‌ 37లలో పోలీసులు చేరుకుని, చర్చల ద్వారా సమస్యను పరిష్కరించడానికి ప్రయత్నించారు. వచ్చే శుక్రవారం నుంచి తమ మైదానాన్ని నమాజ్‌ కోసం వినియోగించేందుకు అనుమతించబోమని యువకులు పోలీసులకు చెప్పినట్టు తెలిసింది.

స్థానిక న్యూస్‌ ఛానెల్‌ గురుగ్రామ్‌ న్యూస్‌తో కొంతమంది యువకులు మాట్లాడారు. ‘ప్రతి సెలవుదినం మేము క్రికెట్‌ ఆడటానికి ఈ మైదానానికి వస్తాము. ఉదయం నుంచి క్రికెట్‌ ఆడుతున్నాం. వారు(ముస్లింలు) మధ్యాహ్నం 12 గంటలకు మైదానానికి చేరుకోవడం ప్రారంభించారు. ఒక గంటలోపు సుమారు వెయ్యి మంది ముస్లింలు ఇక్కడ సమావేశమయ్యారు. వారు నమాజ్‌ చేయడానికి మసీదులు, గదులు, ఇతర ప్రదేశాలను కలిగి ఉన్నారు. కానీ, మాకు మాత్రం ఇదొక్కటే మైదానం. మసీదులు, గదుల వద్ద నమాజ్‌ చేయమని మేము వారిని కోరుతున్నాము’ అని స్థానికులు అన్నారు.

నమాజ్‌ కోసం ముస్లింలను ఇతర ప్రాంతాలకు వెళ్లమని పోలీసులు అడగకుండా గ్రామస్థులను మైదానాన్ని ఖాళీ చేయమని ఒప్పించారని.. వచ్చే శుక్రవారం నుండి ఇలాంటివి కుదరవని తెలిపారు. మరికొందరు స్థానికులు మాట్లాడుతూ… శుక్రవారం ఇక్కడ క్రికెట్‌ ఆడుతున్న అబ్బాయిలను ముస్లింలు కొట్టి, బెదిరించారని స్థానికులు ఆరోపించారు. అబ్బాయిలపై దురుసుగా ప్రవర్తించారని, తమను అడ్డుకున్నారని తమకు కోపం వచ్చిందని ఖాన్‌స్దా గ్రామానికి చెందిన సుందర్‌ చౌహాన్‌ తెలిపారు. ‘ఈరోజు ఆడకుండా పోలీసులు మమ్మల్ని అడ్డుకున్నారు. కానీ వారు వచ్చే వారం నుండి మేము నమాజ్‌ను అనుమతించము’అని చౌహాన్‌ అన్నారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post నమాజ్‌ కోసం ఆటగాళ్ళను కొట్టారు… appeared first on Vishwa Samvad Kendra Andhra Pradesh.