ఏ వ్యాధికైనా చికిత్స లేదా ఔషధం కనుగొనడంలో కణాలపై పరిశోధన ఎంతో ముఖ్యం. కణజాలాన్ని అభివృద్ధి చేసేందుకు ఇన్క్యుబేషన్, ఇమేజింగ్ సహా కణాలను భౌతికంగా ఇమేజింగ్ ఛాంబర్లోకి బదిలీ చేసేందుకు వేర్వేరు ఛాంబర్లు అవసరం. అయితే ఈ క్రమంలో దుష్ఫలితాలు వచ్చే అవకాశం ఎక్కువగా ఉంది.ఈ సమస్యకు పరిష్కారంగా ఐఐటీ, ఎంఐటీ శాస్త్రవేత్తలు ఈ 3డీ ప్రింటెడ్ బయోరియాక్టర్ను రూపొందించారు. మైక్రో ఇన్క్యుబేటర్, ఇమేజింగ్ ఛాంబర్లను ఒకే పరికరంలోకి తీసుకువచ్చారు. దీని ద్వారా కణాల వృద్ధిని గమనిస్తూ దీర్ఘ కాలం పరిశోధన జరిపేందుకు అవకాశం ఉందని శాస్త్రవేత్తలు రుజువు చేశారు.ఈ పరిశోధనకు సంబంధించిన వివరాలను ఇటీవల బయోమైక్రోఫ్లూయిడిక్స్ అనే జర్నల్లో ప్రచురితమయ్యాయి. ఐఐటీ మద్రాస్ నుంచి ఇమ్రాన్ ఖాన్, ప్రొఫెసర్ అనిల్ ప్రభాకర్, ఎంఐటీ నుంచి క్లోయ్ డెలెపైన్, హేలే సాంగ్, విన్సెంట్ ఫామ్, ప్రొఫెసర్ మ్రిగంకా సుర్ ఈ బృందంలో సభ్యులుగా ఉన్నారు.

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post మెదడు కణాల అధ్యయనంపై ఐఐటీ విద్యార్థుల అంతర్జాతీయ ఆవిష్కరణ appeared first on Vishwa Samvad Kendra Andhra Pradesh.