న్యూఢిల్లీ: వచ్చే రెండేళ్లలో భారత్‌ను ఎలక్ట్రానిక్ వాహనాల తయారీ కేంద్రంగా మార్చి.. ఎలక్ట్రిక్ వాహనాల ధరలను పెట్రోల్, డీజిల్ వాహనాలతో సమానంగా అందుబాటులోకి తెస్తామని కేంద్ర రవాణా, రహదారుల శాఖ మంత్రి నితిన్ గడ్కరీ అన్నారు. డెన్మార్క్‌లో నిర్వహించిన వెబ్‌నార్‌లో గడ్కరీ మాట్లాడుతూ పెట్రోల్ వాహనాల కంటే ఎలక్ట్రిక్ వాహనం నడపడానికి అయ్యే ఖర్చు చాలా తక్కువ. అందువల్ల, వినియోగదారులు ఎలక్ట్రిక్ వాహనాల వైపు మళ్లుతారు. కంపెనీలు కూడా సరికొత్త టెక్నాలజీతో తక్కువ ఖర్చుతో ఎలక్ట్రిక్ వాహనాలను రూపొందించే విధానాలను అవలంబిస్తాయి. దీంతో వారి ఖర్చు కూడా తగ్గుతుంది. రెండేళ్ల తర్వాత అదే ధరకు పెట్రోల్, ఎలక్ట్రిక్ వాహనాల విక్రయాలు ప్రారంభమవుతాయని ఆయన పేర్కొన్నారు.

ఎలక్ట్రిక్ వాహనాలపై జీఎస్టీ కేవలం 5% అయితే పెట్రోల్ వాహనాలపై 48% అని గడ్కరీ చెప్పారు. ప్రస్తుతం, ఎలక్ట్రిక్ వాహనాల బ్యాటరీలలో ఉపయోగించే లిథియం అధిక ధర ఎలక్ట్రిక్ వాహనాల ధరను పెంచింది. అయితే, భవిష్యత్తులో లిథియం అధిక ధరలను తగ్గిస్తుంది. దీని కారణంగా ఎలక్ట్రిక్ వాహనాల ధర కూడా తగ్గుతుందని ఆయన వివరించారు. దేశంలో ఛార్జింగ్ పాయింట్లను సిద్ధం చేసే పనులు శరవేగంగా సాగుతున్నాయి. పెట్రోల్ పంపు ఆవరణలో వీటిని అమర్చేందుకు ప్రభుత్వం అనుమతి కూడా ఇచ్చింది. తక్కువ ధరకే బ్యాటరీలను అందుబాటులోకి తీసుకురావడంపై కూడా పరిశోధనలు జరుగుతున్నాయి. 2030 నాటికి 30% ప్రైవేట్ కార్లు, 70% వాణిజ్య కార్లు అలాగే 40% బస్సులను ఎలక్ట్రిక్‌గా మార్చాలని లక్ష్యంగా పెట్టుకున్నామని పేర్కొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఎలక్ట్రానిక్ వాహనాల తయారీ కేంద్రంగా భారత్ appeared first on Vishwa Samvad Kendra Andhra Pradesh.