కాబూల్‌: వివాహానికి మహిళ అనుమతి తప్పనిసరి అంటూ తాలిబన్లు తాజాగా ఉత్తర్వులు జారీ చేశారు. బలవంతపు పెళ్ళిళ్లు నిషేధించారు. పురుషులు, మహిళలు సమానమని ఆ ఉత్తర్వుల్లో తెలిపారు. అతివను ఆస్తిగా పరిగణించకూడదంటూ పేర్కొన్నారు. తాలిబన్‌ అధిపతి హిబతుల్లా అఖుంద్‌జా పేరుతో ఈ ఉత్తర్వులు విడుదలయ్యాయి. అంతర్జాతీయ ఒత్తిడి వల్లే మహిళల విషయంలో తాలిబన్‌ ఉదార వైఖరి ప్రదర్శించిందని విశ్లేషకులు అంటున్నారు. అయితే, తాజా ఉత్తర్వుల్లో కనీస వివాహ వయసును పేర్కొనలేదు.

గతంలో ఇది 16 ఏళ్లుగా ఉండేది. ఆఫ్గాన్‌లో బలవంతపు పెళ్లిళ్లు సర్వసాధారణం. ఆడపిల్లల్ని అమ్ముకోవడం, అప్పు కింద చెల్లించడం, సంధి కోసం పణంగా పెట్టడం వంటివి సంప్రదాయంగా చలామణి అవుతున్నాయి. గిరిజన తెగల్లో వితంతువులైన మహిళలు భర్త అన్నదమ్ముల్లోనే ఒకరిని తిరిగి వివాహం చేసుకోవాలన్న నియమం ఉంది. ఇలాంటి ఆచారాలన్నింటినీ మార్చేలా తాలిబన్ల తాజా ఉత్తర్వులున్నాయి. అలాగే భర్తను కోల్పోయిన మహిళ 17 వారాల తర్వాత తన ఇష్టప్రకారం నచ్చిన వ్యక్తిని భర్తగా ఎంచుకొనే స్వేచ్ఛ ఇస్తున్నట్టు పేర్కొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post మహిళల రక్షణకు తాలిబన్ల కీలక నిర్ణయం appeared first on Vishwa Samvad Kendra Andhra Pradesh.