మాతృభూమి ఇలస్ట్రేటెడ్ వీక్లీలో ప్రచురించిన వ్యాసం ఆర్‌.ఎస్‌.ఎస్ పరువు, ప్రతిష్ఠలకు భంగం కలిగిస్తోందని ఆర్‌.ఎస్‌.ఎస్ కేరళ రాష్ట్ర శాఖ కార్యదర్శి ఫిర్యాదు చేశారు. భారత శిక్షా స్మృతి (ఐపీసీ)లోని సెక్షన్లు 120బీ, 153ఏ, 500తోపాటు సెక్షన్ 34 ప్రకారం శిక్షించదగిన నేరాలకు ఈ వీక్లీ పత్రిక పాల్పడిందని ఆరోపించారు.

దీనిపై ఎర్నాకుళం కోర్టు విచారణ జరుపుతోంది. ఈ విచారణకు సంబంధించిన అన్ని వ్యవహారాలను రద్దు చేయాలని మాతృభూమి వీక్లీ హైకోర్టును ఆశ్రయించింది. హైకోర్టు అందుకు వ్యతిరేకించడంతో సుప్రీం కోర్టుకు అప్పీలు చేసింది. కేరళ హైకోర్టు ఇచ్చిన తీర్పులో, ఏదైనా సంఘానికి నిర్ణీత పరిధి, గుర్తించగదిన వ్యవస్థ ఉన్నట్ట‌యితే, ఆ సంఘానికి వ్యతిరేకంగా ఉపయోగించిన పరువు నష్టం కలిగించే మాటలను, ఆ సంఘంలోని వ్యక్తులకు జరిగిన పరువు నష్టంగా పరిగణించవచ్చునని తెలిపింది.

అటువంటి సంఘ సభ్యుడు ఎవరైనా ఐపీసీ సెక్షన్ 500 ప్రకారం ఫిర్యాదు చేయవచ్చునని తెలిపింది. ఈ తీర్పును సుప్రీం కోర్టు సమర్థించింది. హైకోర్టు తీర్పును సవాల్ చేస్తూ మాతృభూమి ఇలస్ట్రేటెడ్ వీక్లీ చేసిన అప్పీలును విచారించేందుకు సుప్రీం కోర్టు తిరస్కరించింది. ఈ అప్పీలును తోసిపుచ్చుతున్నట్టు జస్టిస్ దినేశ్ మహేశ్వరి, జస్టిస్ అనిరుద్ధ బోస్ ధర్మాసనం మార్చి 25న తెలిపింది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఆర్‌.ఎస్‌.ఎస్‌కు పరువు నష్టం అనే హక్కు ఆ సంస్థ కార్యకర్తకు ఉంది: సుప్రీం కోర్టు appeared first on Vishwa Samvad Kendra Andhra Pradesh.