అయోధ్యలోని రామమందిరం, మధురలోని కృష్ణ జన్మభూమికి సమీపంలోని ప్రాంతాల్లో మద్యం విక్రయాలపై నిషేధం విధిస్తూ ఉత్తరప్రదేశ్ ప్రభుత్వం ఆదేశించింది. అయోధ్యలో మద్యం దుకాణాల యజమానుల లైసెన్స్‌లను కూడా ప్రభుత్వం రద్దు చేసింది.

రాష్ట్ర ప్రభుత్వం మధుర-బృందావన్‌లోని 10 చదరపు కిలోమీటర్ల ప్రాంతాన్ని తీర్థయాత్రగా ప్రకటించింది. ఈ ప్రాంతంలో మద్యం, మాంసం అమ్మకాలు అనుమతించబడవు. గతంలో యోగి కృష్ణోత్సవ 2021 కార్యక్రమంలో ముఖ్యమంత్రి మాట్లాడుతూ ఈ ప్రకటన చేశారు. కాగా, వారణాసి, బృందావనం, అయోధ్య, చిత్రకూట్, దేవబంద్, దేవా షరీఫ్, మిస్రిఖ్-నైమిశారణ్య వంటి అన్ని ప్రార్థనా స్థలాలలో మద్యం దుకాణాలపై నిషేధం, మాంసాహార విక్రయాలను నిషేధిస్తున్నట్టు గతంలో ఆయన ప్రకటించారు. ఈ ఆర్డర్ జూన్ 1, 2022, బుధవారం నుండి వెంటనే అమల్లోకి వస్తుందని అధికారులు తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post అయోధ్య, మధుర ఆలయాల పరిధిలో మద్యం, మాంసం విక్రయాలు నిషేధం appeared first on Vishwa Samvad Kendra Andhra Pradesh.

మధుర: షాహీ ఈద్గా మసీదు(వివాదాస్పద కట్టడం), పక్కనే ఉన్న రహదారిలో నమాజ్‌ నిలిపివేయాలని అధికారులను ఆదేశించాలని కోరుతూ శ్రీ కృష్ణ జన్మభూమి ముక్తి ఆందోళన సమితి మధుర కోర్టులో ఒక దరఖాస్తును దాఖలు చేసింది. కొన్నేళ్ల క్రితం వరకు షాహీ ఈద్గా మసీదులో ఎప్పుడూ నమాజ్‌ చేయలేదని పేర్కొంది.

సమితి అధ్యక్షుడు, న్యాయవాది మహేంద్ర ప్రతాప్‌ సింగ్‌ మాట్లాడుతూ, షాహీ ఈద్గా మసీదు లోపల ఎప్పుడూ నమాజ్‌ చేయలేదని, అయితే, గత కొన్నేళ్లుగా మసీదుతో పాటు పక్కనే ఉన్న రహదారి లోపల కూడా నమాజ్‌ చేస్తున్నారని తెలిపారు.

‘ఇది హిందూ పార్టీల ఆస్తి. ఈద్గా ప్రాంగణంలో నమాజ్‌ ఎప్పుడూ జరగలేదు. కానీ, గత కొన్నేళ్లుగా, వ్యతిరేక పార్టీలు ఉద్దేశపూర్వకంగా రోజుకు ఐదుసార్లు నమాజ్‌ చేస్తున్నాయి. ఇది చట్టబద్ధంగా అనుమతించబడదు. ఖురాన్‌ కూడా వివాదాస్పద భూమిపై నమాజ్‌ అనుమతించదు. ప్రత్యర్థులు ఉద్దేశపూర్వకంగా మత సామరస్యానికి భంగం కలిగించడానికి ప్రయత్నిస్తున్నారు. వారు రోడ్డుపై నమాజ్‌ కూడా చేస్తున్నారు’ ఆ దరఖాస్తులో అని వివరించారు.

ఆక్రమణదారుడు ఔరంగజేబు 1669లో శ్రీ కృష్ణుడి జన్మస్థలంలో ఉన్న ఆలయాన్ని పడగొట్టి ఒక మసీదును నిర్మించాడు. శ్రీ జన్మభూమికి చెందిన 13.37 ఎకరాల భూమిని కాట్ర కేశవదేవ్‌ అని పిలుస్తారని, షాహీ ఈద్గా మసీదు నిర్మించిన స్థలం శ్రీ కృష్ణుడి ప్రధాన జన్మస్థలమని వివరించారు. నేటికీ, వివాదాస్పద నిర్మాణంలోని గోడలపై హిందూ మత చిహ్నాలు చెక్కబడి ఉన్నాయి పేర్కొన్నారు.

ఇంకా, అడ్వకేట్‌ సింగ్‌ తన దరఖాస్తులో, ‘మసీదు నిర్వాహకులు మసీదు గోడల నుండి అటువంటి హిందూ చిహ్నాలను తుడిచివేయడానికి ప్రయత్నిస్తున్నారని నాకు తెలిసింది’ అని కోర్టుకు విన్నవించారు.

ఈ సంవత్సరం జూలైలో మసీదును వేరే ప్రదేశానికి మార్చడానికి షాహీ ఈద్గా మసీదు నిర్వహణకు శ్రీ కృష్ణ జన్మభూమి ముక్తి ఆందోళన సమితి, శ్రీ కృష్ణ దేవాలయం ట్రస్ట్‌ పెద్ద స్థలాన్ని అందించాయని పేర్కొన్నారు. అలాగే, మధురలోని సివిల్‌ కోర్టులో 1968లో దేవాలయం, మసీదు మధ్య కుదిరిన సెటిల్‌మెంట్‌ను రద్దు చేయాలంటూ ఒక దరఖాస్తును దాఖలు చేశారు. ఈ సెటిల్‌మెంట్‌ను కాంగ్రెస్‌ పార్టీ బలవంతంగా శాంతింపజేసిందని ఆయన పేర్కొన్నారు.

శ్రీ కృష్ణ జన్మభూమి సేవా సంఘం శ్రీకృష్ణ జన్మభూమికి సంరక్షకుడు కానందున షాహీ ఈద్గా మసీదు, శ్రీ కృష్ణ జన్మభూమి సేవా సంఘం మధ్య జరిగిన సెటిల్మెంట్‌ చట్టవిరుద్ధమని దరఖాస్తు పేర్కొంది. శ్రీకృష్ణ జన్మభూమి యొక్క నిజమైన సంరక్షకుడు శ్రీ కృష్ణ జన్మభూమి ట్రస్ట్‌ అని వివరించారు.

దరఖాస్తుదారులు శ్రీ కృష్ణ జన్మభూమి సేవా సంఘ్‌, షాహీ ఈద్గా మసీదు ఉన్నత స్థాయి ఆఫీస్‌ బేరర్లందరూ కాంగ్రెస్‌ పార్టీకి చెందిన ఉన్నత స్థాయి సభ్యులని పేర్కొన్నారు. ఈ పరిష్కారం ముస్లింలను శాంతింపజేసే పెద్ద కుట్రలో భాగమని, ఇది 1973లో రహస్యంగా డిక్రీ జ‌రిగింద‌ని పేర్కొన్నారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post మధురలో నమాజ్‌లను నిలిపివేయాలి appeared first on Vishwa Samvad Kendra Andhra Pradesh.

మధుర: మధురలోని శ్రీకృష్ణుడి జన్మస్థలం చుట్టూ యోగి ప్రభుత్వం మాంసం, మద్యం అమ్మకాలను నిషేధించింది. అయినా కొంతమంది ముస్లిం వ్యాపారులు సీఎం ఆదేశాలను పెడచెవిన పెడుతున్నారు. బుధవారం పోలీసులు అదే ప్రాంతం నుండి ఒకటిన్నర క్వింటాళ్లకు పైగా మాంసాన్ని స్వాధీనం చేసుకున్నారు.

పోలీసు సూపరింటెండెంట్‌ ఎం.ప్రకాష్‌ సింగ్‌, అతని బృందం గోవింద్‌ నగర్‌ పోలీస్‌ స్టేషన్‌ ప్రాంతంలో ఒక వ్యాన్‌ను అడ్డగించారు. దానిని సోదా చేయగా, అందులో ఉన్న ఒకటిన్నర క్వింటాళ్లకు పైగా మాంసాన్ని స్వాధీనం చేసుకున్నారు.

ఈ మాంసం నిషేధిత జన్మభూమి ప్రాంతంలో రహస్యంగా విక్రయించారు. ఈ కేసులో రాయ నగర్‌ పంచాయితీ కౌన్సిలర్‌ అయ్యూబ్‌, అతని సహచరులలో ఒకరిని పోలీసులు అరెస్టు చేశారు. కాగా, శ్రీ కృష్ణ జన్మభూమి వద్ద ఉన్న గోవింద్‌ నగర్‌ ప్రాంతంలో ముస్లిం జనాభా పెద్ద సంఖ్యలో నివసిస్తున్నారు. ఈ పరిస్థితుల్లోనే ఇక్కడి ముస్లింలు రహస్యంగా మాంసాన్ని విక్రయిస్తున్నారన్న విమర్శలు వెల్లువెత్తుతున్నాయి.

Source: panchjanya

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post శ్రీకృష్ణ కోవెల వద్ద రహస్యంగా మాంసం విక్రయం appeared first on Vishwa Samvad Kendra Andhra Pradesh.

లక్నో: ఉత్తరప్రదేశ్‌ యోగి ఆదిత్యనాథ్‌ ప్రభుత్వం కీలక నిర్ణయం తీసుకుంది. మ‌ధుర‌లోని శ్రీకృష్ణ జన్మభూమి చుట్టుపక్కల ఉన్న 22 వార్డుల ప్రాంతం పవిత్రస్థలం కిందకే వస్తుందని స్పష్టం చేసింది. ఇకపై ఆ 22 వార్డులలో ఎటువంటి మద్యం అమ్మకాలు, మాంసం అమ్మకాలు జరగకూడదని తేల్చి చెప్పింది. ఉత్తరప్రదేశ్‌ ప్రభుత్వం 10 చదరపు కిలోమీటర్ల విస్తీర్ణంలో కృష్ణ జన్మస్థానాన్ని ఒక మతపరమైన పుణ్యక్షేత్రంగా ప్రకటించింది.

అలాగే మాంసం, మద్యం అమ్మకాలను నిషేధించింది. కృష్ణ జన్మభూమిని కేంద్రంగా ఉంచుతూ, మ‌ధుర‌ మునిసిపాలిటీలోని 22 వార్డులతో కూడిన ప్రాంతాన్ని పవిత్ర తీర్థ ప్రదేశంగా గుర్తించామని.. మాంసం, మద్యం అమ్మకాలపై పూర్తీ నిషేధం ఉంటుందని యూపీ ప్రభుత్వం ప్రకటించింది. మథురలో మాంసం విక్రయాలపై నిషేధాన్ని ప్రభుత్వం ఇప్పటికే ఆగస్టు 30న ప్రకటనను జారీ చేసింది. కృష్ణ జన్మభూమి చుట్టూ ఉన్న 10 చదరపు కిలోమీటర్ల ప్రాంతాన్ని ఇప్పుడు మతపరమైన పుణ్యక్షేత్రంగా గుర్తించి త్వరలో అమలు చేయాలని భావిస్తున్నారు.

ఇంతకు ముందు యోగి ఆదిత్యనాథ్‌ ప్రభుత్వం మథురలో మాంసాన్ని నిషేధిస్తున్నట్టు ప్రకటించగా.. జిల్లా మొత్తం మాంసం, మద్యం విక్రయించడం బ్యాన్‌ అయి ఉంటుందని ఊహించుకున్నారు. కానీ, తాజా ప్రకటనతో, నగరంలోని ఒక నిర్దిష్ట ప్రాంతం, అది కూడా శ్రీకృష్ణ జన్మభూమి చుట్టూ 10 చదరపు కిలోమీటర్ల విస్తీర్ణంలో మాత్రమే మాంసం, మద్యం అమ్మకంపై నిషేధం ఉంటుందని స్పష్టమైంది.

భారతదేశంలోని అనేక ఇతర పవిత్ర ప్రదేశాలలో మాంసం, ఆల్కహాల్‌ అమ్మకంపై నిషేధం ఉంది. 2017 లో, సీఎం యోగి ప్రభుత్వం బృందావన్‌, బర్సానాలో మాంసాన్ని నిషేధిస్తున్నట్టు ప్రకటించింది. పవిత్ర దేవాలయాలైన వారణాసి, హరిద్వార్‌, రిషికేష్‌ చుట్టూ కూడా ఇలాంటి నిషేధాలు ఉన్నాయి. అమృత్‌ సర్‌ నగరంలో కూడా మాంసం, మద్యం అమ్మకం, వినియోగంపై నిషేధం ఉంది.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post మ‌ధుర‌లో ఆ 22 వార్డులూ పవిత్రమే… appeared first on Vishwa Samvad Kendra Andhra Pradesh.

చిత్తూరు: మనది దేవాలయ కేంద్రత సమాజం. కంచి, మధుర, పూరి…. వంటి ప్రముఖ నగరాలు దేవాలయం కేంద్రంగా నిర్మాణం అయి ఉండడాన్ని గమనించవచ్చు. మన వ్యవస్థలో దేవాలయం అంటే ప్రార్థన కేంద్రం మాత్రమే కాదు, ధర్మ ప్రచార కేంద్రం, శ్రద్ధా కేంద్రం, విద్యా కేంద్రం, కళల ప్రచార కేంద్రం…. ఇలా ఎన్నో విషయాలకు కేంద్రం. నేడు దేవాలయం మన వ్యక్తిగత భక్తికి కేంద్రంగా మాత్రమే ఉంది. దేవాలయానికి వెళ్ళే ఒక భక్తునికి, మరో భక్తునికి(ఆత్మీయ) సంబంధమే ఉండదు. హిందువులు అనైక్యంగా ఉన్న కారణంగా హిందూ సమాజం అనేక సమస్యలను ఎదుర్కొంటోందని సామాజిక సమరసతా జాతీయ కన్వీనర్‌ శ్యామ్‌ ప్రసాద్‌ అన్నారు.

చిత్తూరు జిల్లా, ముచ్చివోలు గ్రామం ఎన్సీ కాలనీ, ముద్దుమూడి ఎస్సీ కాలనీల్లో ఈ నెల ఎనిమిదో తేదీన సమరసత సేవా ఫౌండేషన్‌ ఆధ్వర్యంలో సామూహిక ఆరతి కార్యక్రమం జరిగింది. ఈ కార్యక్రమానికి శ్యామ్‌ ప్రసాద్‌ హాజరై, మాట్లాడారు. ‘సంఫీు శక్తి కలౌ యుగే’ హిందువులం సమైక్యంగా ఉంటేనే హిందూ ధర్మ రక్షింపబడుతుందని, మనం హిందూ ధర్మాన్ని రక్షిస్తే హిందూ ధర్మం మనలను రక్షిస్తుందని పేర్కొన్నారు. ఆ దృష్ట్యా సామూహిక ఆరతి రూపొందించబడిరదని తెలిపారు.

సామూహిక ఆరతి ఎలా చేయాలి?

ప్రతి నెలా ముందుగా నిర్ణయం చేసిన రోజున సామూహిక ఆరతి దేవాలయంలో నిర్వహించాలి. ఆ దేవాలయం చుట్టూ ఉండే భక్తులు కుటుంబ సమేతంగా ఒకే సమయానికి కర్పూర బిల్లతో దేవాలయానికి చేరుకోవాలని శ్యామ్‌ ప్రసాద్‌ తెలిపారు. కొంతసేపు భజన చేయాలని, దేవాలయ అర్చకునితో పాటు భక్తులందరూ తమ తమ ప్లాట్లలో ఉన్న కర్పూరాన్ని వెలిగించాలన్నారు. అందరూ ఒకేసారి స్వామికి ఆరతి ఈయాలని, అనంతరం 10/15 నిమిషాలు మన ధర్మంపై ఒక ప్రసంగం ఏర్పాటు చేయాలన్నారు.

ఈ కార్యక్రమం ద్వారా మన ధర్మం పట్ల అవగాహన, హిందూ ధర్మ రక్షణకు అవసరమైన సామూహిక భక్తి, శక్తి కల్గుతుందని, ఇవీ నేడు మన సమాజానికి అవసరమని పేర్కొన్నారు. గ్రామ గ్రామాన ఇటువంటి సామూహిక ఆరతి కార్యక్రమాలను నిర్వహించాలని శ్యామ్‌ ప్రసాద్‌ పిలుపునిచ్చారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post నేడు వ్యక్తిగత భక్తి చాలదు… సామూహిక భక్తి, శక్తి అవసరం! appeared first on Vishwa Samvad Kendra Andhra Pradesh.