రష్యా ఆర్థిక పర్యవేక్షణ ఏజెన్సీ రోస్ఫిన్‌మోనిటరింగ్ చేసిన ఈ ప్రకటనలో “ఉగ్రవాదులు, తీవ్రవాదుల” జాబితాలో దీనిని చేర్చినట్టు తెలిపింది. ఈ నిర్ణయంతో మెటాను తాలిబాన్‌తో సహా విదేశీ “ఉగ్రవాద సంస్థలు”; రష్యన్ ప్రతిపక్ష గ్రూప్‌ల సరసన చేర్చింనట్లయింది.

గత మార్చిలో ఫేస్‌బుక్‌, ట్విట్టర్‌లాంటి సోషల్‌మీడియా ప్లాట్‌ఫామ్‌లను రష్యా నిషేధించింది. రష్యాకు వ్యతిరేకంగా హింసను ప్రోత్సహించే కంటెంట్‌ను పెట్టేలా ఉక్రెయిన్‌ ప్రజలను సోషల్‌ మీడియా ప్లాట్‌ఫామ్‌లు అనుమతిస్తున్నట్టు మాస్కో కోర్టు కూడా ఆరోపించింది.

రష్యా ఆరోపణలను మెటా తరఫు న్యాయవాది తోసిపుచ్చారు. రష్యాకు వ్యతిరేకంగా ఉగ్రవాద కార్యకలాపాలను ఎట్టి పరిస్థితుల్లోనూ అనుమతించబోమని కోర్టుకు తెలిపారు. అయితే, “రష్యన్ ఆక్రమణదారులకు మరణం” వంటి ప్రకటనలను తమ ప్లాట్‌ఫారమ్‌లు అనుమతిస్తాయని మార్చి 10న మెటా ప్రకటించింది.

ఫేస్‌బుక్, ఇన్‌స్టాగ్రామ్‌లు గత మార్చి నుండి రష్యాలో అందుబాటులో లేకపోయినా చాలా మంది రష్యన్‌లు సోషల్ మీడియా నెట్‌వర్క్‌లను ఉపయోగించడం కొనసాగించడానికి విపిఎన్‌లను ఉపయోగించుకొంటున్నారు. ఇన్‌స్టాగ్రామ్ రష్యాలో ప్రత్యేకంగా ప్రాచుర్యం పొందింది. ఇది ప్రకటనలు, విక్రయాలకు ముఖ్యమైన వేదికగా పేరొందింది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ‘మెటా’ను ఉగ్రసంస్థగా ప్రకటించిన రష్యా! appeared first on Vishwa Samvad Kendra Andhra Pradesh.