ఈ క్రమంలోనే రాజ్యాంగ ధర్మాసనాన్ని ఏర్పాటు చేశారు. ఈ పిటిషన్లపై విచారణ జరిపిన సీజేఐ నేతృత్వంలోని త్రిసభ్య ధర్మాసనం.. ఈ షెడ్యూల్​కు సంబంధించి నబాం రెబియా కేసులో సుప్రీంకోర్టు ధర్మాసనం ఇచ్చిన తీర్పు రాజ్యాంగ నైతికతకు విరుద్ధంగా ఉందని అభిప్రాయపడింది.

రాజ్యాంగంలోని 10 షెడ్యూల్​కు సంబంధించిన కీలక అంశాలను పిటిషన్లు లేవనెత్తుతున్నాయని సీజేఐ తెలిపారు. అందువల్ల, ఎమ్మెల్యేల అనర్హత, గవర్నర్, స్పీకర్ల అధికారాలు, న్యాయ సమీక్షపై పరిశీలన జరపాల్సి ఉంటుందని చెప్పారు. ఈ నేపథ్యంలో శివసేన తమదేనని, పార్టీ గుర్తు తమకే కేటాయించాలని శిందేవర్గం పెట్టుకున్న అభ్యర్థనపై ఎన్నికల సంఘం ఎలాంటి ఉత్తర్వులు జారీ చేయకూడదని స్పష్టం చేశారు.

స్పీకర్​ను తొలగించేందుకు నోటీసులు జారీ చేసిన తర్వాత.. ఎమ్మెల్యేల అనర్హత వ్యవహారంపై స్పీకర్ తదుపరి చర్యలు కొనసాగించవచ్చా? అనే విషయాన్ని రాజ్యాంగ ధర్మాసనం పరిశీలించనుంది. వీటితో పాటు మరిన్ని అంశాలపై పరిశీలన చేయనుంది. ఆగస్టు 25న విస్తృత ధర్మాసనం వాదనలు విననుంది.

Source: EtvBharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఠాక్రే వర్సెస్ శిందే… విస్తృత ధర్మాసనానికి ఆ కేసులు బదిలీ appeared first on Vishwa Samvad Kendra Andhra Pradesh.