తమిళనాడు: ఏబీవీపీ కార్యకర్తలకు కోర్టు బెయిల్ మంజూరు చేసింది. లావ‌ణ్య ఘ‌ట‌న‌కు నిర‌స‌న‌గా సీఎం స్టాలిన్ నివాసం ముందు నిరసన తెలిపినందుకు 32 మంది ఏబీవీపీ కార్యకర్తలను పోలీసులు అరెస్టు చేశారు. వీరంతా మంగళవారం (ఫిబ్రవరి 22) జైలు నుండి విడుదలయ్యారు. అయితే, ఎగ్మోర్ చీఫ్ మెట్రోపాలిటన్ మేజిస్ట్రేట్ సోమవారం సాయంత్రం వారికి బెయిల్ మంజూరు చేశారు. కాగా, స్టాలిన్ ప్ర‌భుత్వం మ‌మ్మ‌ల్ని ల‌క్ష్యంగా చేసుకుంద‌ని ప‌లువురు కార్య‌క‌ర్త‌లు విమ‌ర్శించారు. కాగా, చెన్నైలో సాయంత్రం జరిగిన ఒక సమావేశంలో తల్లిదండ్రులు ఏబీవీపీ పాత్రను అభినందించారు. ప్రభుత్వ ప్రతీకార, బెదిరింపు వైఖరిని అడ్డుకోవాల‌ని, న్యాయం కోసం భవిష్యత్తులో మరిన్ని నిరసనలలో పాల్గొనాలని కోరారు.

నిధి త్రిపాఠి, ముత్తు రామలింగం, హరి కృష్ణ, ఆశిష్ చౌహాన్ మాట్లాడుతూ, “మాపై సెక్షన్ 353 ఐపీసీని బ‌నాయించి, ప్రభుత్వ ఉద్యోగిపై దాడి చేసిన‌ట్టు తప్పుడు అభియోగాలు మోపారు… మా నిరసన పూర్తిగా శాంతియుతంగా జ‌రిగింది. డీఎంకే ప్రభుత్వం పగతో వ్యవహరిస్తూ విద్యార్థులను లక్ష్యంగా చేసుకుంటోంది… శాంతియుత నిరసనలో పాల్గొన్నందుకు మాపై తప్పుడు కేసులు పెట్టింది… చర్య తీసుకోవాలంటూ గొంతు పెంచుతున్న విద్యార్థి కార్యకర్తలను జైలుకు పంపింది… డీఎంకే ప్రభుత్వంపై పోరాటానికి మేం సిద్ధంగా ఉన్నాం. దేశంలో ఎక్కడా సీఎం నివాసం ఎదుట నిర‌స‌న తెలిపిన విద్యార్థులను 14 రోజుల పాటు రిమాండ్‌కు పంపలేదన్నారు.

సీఎం స్టాలిన్ అహంభావం, నిరంకుశ ఆలోచనలు, అధికార దుర్వినియోగం, మైనారిటీ బుజ్జగింపు విధానం వల్లే విద్యార్థులను అక్రమంగా రిమాండ్‌కు తరలించారని, ఇదే మొదటిది, చివరిది అని సమావేశంలో కేడర్‌ అన్నారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఏబీవీపీ కార్యకర్తలకు బెయిల్ మంజూరు appeared first on Vishwa Samvad Kendra Andhra Pradesh.

తమిళనాడు ప్రభుత్వం సుప్రీం కోర్టులో సవాల్ చేసిన కేసును తమిళనాడు హైకోర్టు మధురై బెంచ్ సీబీఐకి బదిలీ చేసింది. కేసుకు సంబంధించిన అన్ని పత్రాలను సీబీఐకి అప్పగించాలని తమిళనాడు ప్రభుత్వాన్ని సుప్రీం కోర్టు ఆదేశించింది.

తమిళనాడులోని తంజావూరులో లావణ్య అనే 17 ఏళ్ల బాలిక క్రైస్తవ మతంలోకి మారడానికి నిరాకరించినందుకు బలవన్మరణానికి పాల్పడింది. ఆమె జనవరి తొమ్మిదోతేదీన‌ విషం సేవించి, 10 రోజుల పాటు ఆసుపత్రిలో ప్రాణాలతో పోరాడి జనవరి 19న మరణించింది.

Source: Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post లావణ్య ఆత్మహత్య కేసు… సీబీఐ ఎఫ్‌.ఐ.ఆర్ న‌మోదు! appeared first on Vishwa Samvad Kendra Andhra Pradesh.

చెన్నై: చెన్నైలో సీఎం ఎంకే స్టాలిన్ ఇంటి ముందు సోమవారం (ఫిబ్రవరి 14) నిరసనకు దిగిన అఖిల భారతీయ విద్యార్థి పరిషత్(ఏబీవీపీ) కార్యకర్తలు, నేత‌ల‌ను పోలీసులు అదుపులోకి తీసుకున్నారు. లావణ్యకు న్యాయం చేయాలని డిమాండ్ చేస్తూ ఏబీవీపీ జాతీయ ప్ర‌ధాన కార్య‌ద‌ర్శి నిధి త్రిపాఠితో పాటు మరో 40 మంది కార్యకర్తలు సిఎం నివాసం ముందు నిరసన వ్యక్తంచేయ‌డంతో అరెస్టు చేశారు. తమిళనాడు డీఎంకే ప్రభుత్వానికి, క్రిస్టియన్ మిషనరీలకు పెద్ద ఎదురుదెబ్బ తగిలిన లావణ్య ఆత్మహత్య కేసులో సీబీఐ విచారణకు మద్రాసు హైకోర్టు ఇచ్చిన ఉత్తర్వులపై స్టే విధించేందుకు సుప్రీంకోర్టు 14న నిరాకరించింది.

“ప్రభుత్వం సీబీఐకి సహకరించడం లేదు. వారు జాతీయ బాలల హక్కుల పరిరక్షణ కమిషన్ కి కూడా సహకరించడం లేదు. వారు ఎందుకు సహకరించడం లేదు ? వారు రెండింటికీ సహకరించాలి” అని నిధి త్రిపాఠి డిమాండ్ చేశారు.

“మాకు ఒకే ఒక్క ప్రశ్న ఉంది. లావణ్య తండ్రి 25 ఏళ్ళుగా డీఎంకెలో సభ్యుడు. కానీ ఇప్పటి వరకు, వారు తమ సొంత కార్యకర్తలకు న్యాయం చేయలేకపోయారు. వారి నుండి మేము ఏమి ఆశించగలం?” అని కూడా ఆమె ప్రశ్నించింది. విద్యాసంస్థల్లో బలవంతపు మతమార్పిడుల‌ను నిషేధం విధించాలని డిమాండ్ చేస్తున్నామని ఆమె అన్నారు.

ఇదిలావుండ‌గా, తిరుచ్చి సెంట్రల్ జైలులో నిర్బంధంలో ఉన్న సగయ మేరీ బెయిల్‌పై విడుదలైంది. డీఎంకే తిరుచ్చి తూర్పు ఎమ్మెల్యే ఇనిగో ఇరుదయరాజ్ ఆమెకు శాలువా కప్పి స్వాగతం పలికారు.

లావణ్య ఆత్మహత్య చేసుకున్న ఘటనపై నిధి త్రిపాఠి తమిళనాడు ముఖ్యమంత్రికి 9వ తేదీన లేఖ రాశారు. ఈ కేసు పట్ల తమిళనాడు ప్రభుత్వం అనుసరిస్తున్న సున్నితత్వాన్ని లేఖలో నిధి ఎత్తిచూపారు.

బాధితురాలి కుటుంబాన్ని పరామర్శించిన అనంతరం నిధి త్రిపాఠి మాట్లాడుతూ, చిన్నారి కుటుంబం పడుతున్న కష్టాలు ఊహించలేనంత బాధాకరమన్నారు. “లావణ్య తమ్ముళ్ళ‌ను పోలీస్ స్టేషన్‌కు తీసుకెళ్లారు, అక్కడ తమిళనాడు పోలీసు అధికారులు కేసును బలహీనపరిచేందుకు స్టేట్‌మెంట్లు ఇవ్వాలని ఒత్తిడి చేస్తున్నారు” అని నిధి ఎత్తి చూపారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post అన్యాయంపై నిల‌దీస్తే అరెస్టులు… స్కూల్లో చిత్ర‌హింస‌లు పెడితే స‌త్కారాలు! appeared first on Vishwa Samvad Kendra Andhra Pradesh.

త‌మిళ‌నాడు: : క్రైస్తవ మతంలోకి మారాలని ఓ విద్యార్థినిని నిత్యం పాఠ‌శాల‌లో చిత్ర‌హింస‌ల‌కు గురిచేయ‌డంతో ఆ బాలిక ఆత్మహత్యకు పాల్ప‌డింది. విద్యార్థిని ఎం.లావణ్య అరియలూరు జిల్లా వడుగపాళయం గ్రామానికి చెందినది. తిరుకట్టుపల్లి సేక్రెడ్‌ హార్ట్‌ హైస్కూల్‌లో 12వ తరగతి చదువుతోంది.

క్రిస్టియన్ సంస్థ అయిన ఆ పాఠ‌శాల లావణ్యను బలవంతంగా క్రైస్తవ మతంలోకి మార్చింది. అయితే, లావణ్య ప్రతిఘటించడంతో పండ‌గ సెల‌వుల‌కు ఆ బాలిక‌ను ఇంటికి పంప‌లేదు. బదులుగా, ఆమె పాఠశాలలోనే ఉంచి, మరుగుదొడ్లు శుభ్రం చేయడం, గిన్నెలు కడగడం, వంట చేయడం వంటి పనులను పాఠ‌శాల యాజ‌మాన్యం చేయించింది.

దీంతో తీవ్ర మనస్థాపానికి గురైన‌ లావణ్య పురుగుమందు తాగి ఆత్మహత్యాయత్నానికి పాల్పడింది. ఈ సంఘ‌ట‌న ఈ నెల తొమ్మిదో తేదీన జ‌రిగింది. ఆమెకు మొదట వాంతులు కావడంతో సమీపంలోని క్లినిక్‌కి తీసుకెళ్లారు. హాస్టల్ వార్డెన్ ఆమె తల్లిదండ్రులకు ఫోన్ చేసి ఇంటికి తీసుకెళ్లాలని కోరింది. ఇంటికి తిరిగి వచ్చినా లావణ్య పురుగుమందు తాగినట్లు చెప్పలేదు.

తీవ్ర అనారోగ్యానికి గురైన బాలిక‌ను తంజావూరు ప్రభుత్వ వైద్య కళాశాల ఆసుపత్రిలో చేర్పించారు. చిన్నారికి దాదాపు 85% ఊపిరితిత్తులు దెబ్బ‌తిన్నాయి. చివ‌ర‌కు ఆ స‌ర‌స్వ‌తీ పుత్రిక నిన్న‌(బుధ‌వారం)ఆస్ప‌త్రిలో తుదిశ్వాస విడిచింది.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post త‌మిళ‌నాడులో బాలిక‌ను బ‌లితీసుకున్న’క్రైస్త‌వం’! appeared first on Vishwa Samvad Kendra Andhra Pradesh.