దేశంలోని లక్ష గ్రామాలకు సంఘాన్ని విస్తరించడమే లక్ష్యంగా పెట్టుకున్నట్లు ఆ మేరకు అఖిల భారతీయ ప్రతినిధి సభ నిర్ణయం తీసుకున్నట్లు ఆంధ్రప్రదేశ్‌ రాష్ట్రీయ స్వయం సేవక్‌ సంఘ్‌ పేర్కొంది. ఈ సందర్బంగా విజయవాడలోని ఆర్‌ఎస్‌ఎస్‌ స్టేట్‌ ఆఫీస్‌ హైందవి భవన్‌లో మీడియా సమావేశాన్ని ఏర్పాటు చేసి.. అఖిల భారతీయ ప్రతినిధి సభలో చర్చకు వచ్చిన పలు అంశాలు, లక్ష్యాలను ప్రాంత సహ సంఘచాలకులు శ్రీ సుంకపల్లి రామకృష్ణజీ, ప్రాంత ప్రచార ప్రముఖ్‌ శ్రీ బయ్యా వాసుజీ వివరించారు. తొలుత రామకృష్ణజీ మాట్లాడుతూ.. అఖిల భారతీయ ప్రతినిధుల సభ ఈ నెల 12, 13, 14 తేదీల్లో హరియాణలోని పానిపట్‌ వద్ద నిర్వహించినట్లు తెలిపారు. ఈ సందర్బంగా ఆర్‌ఎస్‌ఎస్‌ స్థాపించి 2025 నాటికి శతాబ్దం కావస్తోన్న తరుణంలో రానున్న కాలంలో అనేక లక్ష్యాలను చేరుకోవడంతోపాటు.. ప్రధానంగా భారతదేశ పునరుజ్జీవనాన్ని సంఘ్‌ కోరుకుంటోందని పేర్కొన్నారు. ముఖ్యంగా సేవా కార్యక్రమాల్లో సంఘ్‌ ముందుంటూ.. అన్ని వర్గాల ప్రజలకీ చేరువ కావాలని భావిస్తోందన్నారు. ఆంధ్రప్రదేశ్‌లోని అన్ని గ్రామాల్లో ఆర్‌ఎస్‌ఎస్‌ కార్యక్రమాలను పెద్దఎత్తున విస్తరించేందుకు కార్యకర్తలతోపాటు ప్రజలు ముందుకు రావాలని పిలుపునిచ్చారు.

సర్వ వ్యాపి.. సర్వ స్పర్శి లక్ష్యంతో ముందుకు..
రానున్న రోజుల్లో సర్వ వ్యాపి.. సర్వ స్పర్శి లక్ష్యంగా ఆర్‌ఎస్‌ఎస్‌ ఆంధ్రప్రదేశ్‌లో కార్యక్రమాలు చేపట్టాలని ప్రాంత ప్రచార ప్రముఖ్‌ బయ్యా వాసుజీ పిలుపునిచ్చారు. ఇందులో సర్వ వ్యాపి అంటే.. అన్ని గ్రామాలకు, ప్రాంతాలకు సంఘాన్ని విస్తరించడమే లక్ష్యంగా పెట్టుకున్నట్లు ఆయన వివరించారు. సర్వ స్పర్శి ద్వారా సమాజంలో ఉండే అన్ని వర్గాల ప్రజలను దగ్గరకు తీసుకుంటూ.. ఆప్యాయంగా దగ్గర కావాలని సూచించారు. ఈ దేశాన్ని విశ్వగురువు స్థాయికి తీసుకెళ్లాలని వాసుజీ పేర్కొన్నారు. రాబోయే రోజుల్లో శాఖ సభ్యులు నిత్య శాఖ, సాప్తాహిక్‌, సంఘ మండలిలో పాల్గొనేలా ప్రణాళిక రూపొందిస్తున్నట్లు తెలిపారు. ప్రముఖంగా యువత కోసం గత ఏడాది నిర్వహించిన రెసిడెన్షియల్‌ క్యాంప్‌లో సుమారు 3549 మంది పాల్గొన్నారని.. ఈ ఏడాది ఆ సంఖ్యను 6 వేలకు పెంచడమే లక్ష్యంగా పెట్టుకున్నామన్నారు.

వచ్చే ఏడాదికి రెండు లక్షల మంది స్వయం సేవకులు..
ఆర్‌ఎస్‌ఎస్‌ సంఘ్‌లో ప్రస్తుతం లక్షా యాభై వేల మంది స్వయం సేవకులు ఉన్నారని.. వచ్చే ఏడాదికి ఈ సంఖ్యను రెండు లక్షలకు చేయాలని నిర్ణయించుకున్నట్లు బయ్యా వాసుజీ పేర్కొన్నారు. దీంతోపాటు కుటుంబ ప్రబోధన్‌ అనగా.. కుటుంబాలను బలోపేతం చేసే విధంగా, భారతదేశం వసుధైక కుటుంబం అని అందరికీ తెలియ చేయడమే తమ ముందున్న కర్తవ్యం అని పేర్కొన్నారు. వీటితోపాటు పర్యావరణ పరిరక్షణ, స్వ విధానం.. అనగా స్వదేశీతనం, మాతృభాషను ప్రోత్సహించడం వంటి అంశాలకు ప్రాధాన్యం ఇస్తున్నట్లు ఆయన తెలిపారు. పర్యావరణ పరిరక్షణలో భాగంగా హానికర ప్లాస్టిక్‌ నిషేధానికి సంఘం కట్టుబడి ఉందన్నారు. సేవా బస్తీల్లో ప్రస్తుతం సుమారు 750 ట్యూషన్‌ సెంటర్లను నడుపుతున్నామని.. రానున్న ఏడాదికి వాటిని 1500 వందల వరకు విస్తరించనున్నట్లు వివరించారు. రాబోయే ఆర్‌ఎస్‌ఎస్‌ శతాబ్ది ఉత్సవాలను దృష్టిలో ఉంచుకుని ఆ దిశగా ప్రణాళిక ప్రకారం లక్ష్యాలను చేరుకుంటామని ప్రాంత ప్రచార ప్రముఖ్‌ బయ్యా వాసుజీ తెలిపారు.

The post ఈ ఏడాది లక్ష గ్రామాలకు సంఘాన్ని విస్తరించడమే ఆర్‌ఎస్‌ఎస్‌ లక్ష్యం appeared first on Vishwa Samvad Kendra Andhra Pradesh.

కాసరగాడ్ జిల్లాలో సీపీఎం నిర్వహించిన కార్యక్రమంలో పినరయి విజయన్ ప్రసంగిస్తూ.. శిక్ష అనేది మతం ప్రాతిపదికగా ఒక్కొక్కరికి ఒక్కోలా ఉండకూడదని అన్నారు. ఇతర మతాల్లో విడాకుల కేసును సివిల్ కేసుగా చూస్తున్నప్పుడు, ఇస్లాంలోని ట్రిపుల్ తలాక్ అనేది క్రిమినల్ కేసు ఎలా అవుతుందని ఆయన ప్రశ్నించారు. ట్రిపుల్ తలాక్‌ను క్రిమినల్ కేసుగా పరిగణిస్తూ, నేరంగా చూస్తున్నారని, ఇతర మతాల్లో మాత్రం ఇవి సివిల్ కేసులని అన్నారు. ఒక మతం అనుసరిస్తే ఒక చట్టం, మరో మతం వారికి మరో చట్టం ఉండవచ్చా అని నిలదీశారు.

సీఏఏ‌ను కేరళలో అమలు చేయం..
సిటిజన్‌షిప్ అమెండమెంట్ యాక్ట్ (CAA)ను కేరళలో ఎట్టి పరిస్థితుల్లోనూ అమలు చేసేది లేదని పినరయి విజయన్ స్పష్టం చేశారు. ”మనమంతా భారతదేశ పౌరులం. ఫలనా మతంలో పుట్టినందుకే పౌరసత్వం వస్తుందని ఎలా చెప్పగలం? పౌరసత్వానికి మతం ప్రాతిపదిక ఎలా అవుతుంది?” అని ఆయన ప్రశ్నించారు. పౌరసత్వ సవరణ చట్టం ద్వారా సిటిజెన్‌షిప్ ఇచ్చేందుకు మతాన్ని కేంద్ర ప్రభుత్వం ఉపయోగిస్తోందన్నారు. రాష్ట్రంలో సీఏఏను అమలు చేసేది లేదని, గతంలో కూడా ఈ విషయం చెప్పానని అన్నారు.

సీఎం అవగాహన పెంచుకుని మాట్లాడాలి…
ట్రిపుల్ తలాక్‌పై పినరయి విజయన్ వ్యాఖ్యలను బీజేపీ ప్రతినిధి టామ్ వడక్కన్ ఖండించారు. ట్రిపుల్ తలాక్‌కు, కోర్టులో విడాకులకు జరిగే సాధారణ సివిల్ ప్రొసీజర్‌కు ఉన్న తేడాను ముందుగా సీఎం తెలుసుకోవాలని చురకలంటించారు. రెండింటికీ పోలికే లేదని చెప్పారు. కేవలం ఒక వర్గం ఓట్ల కోసమే ఆయన ఇలాంటి వ్యాఖ్యలు చేస్తున్నారని ఆరోపంచారు.

కేరళలో భిన్న పరిస్థితులు..
కేరళ రాష్ట్రంలో కమ్యూనిస్టులు అధికారంలో ఉన్నప్పటి నుంచి విభిన్న సంస్కృతులు, ఆచారాలు కొనసాగుతున్నాయి. ఇవి దేశ సమగ్రతను దెబ్బతీసేలా తయారయ్యాయి. దేశం మొత్తం ఒక చట్టం ఉంటే.. కేరళలో మాత్రం ప్రత్యేక చట్టం ఉందంటూ.. అక్కడి నాయకుల తీరు విచిత్రంగా ఉంటోంది. ఎలాంటి చట్టబద్దత లేకుండా.. కేవలం తలాక్‌ అనే పదం చెప్పగానే విడిపోవడం అనే ప్రక్రియను ముస్లిం మహిళలే వద్దని గతంలోనే చెప్పారు. దీని వల్ల తమ పిల్లల భవిష్యత్తు, కుటుంబ వ్యవస్థ పక్కదారి పడుతోందని వారు వాపోయారు. ఈక్రమంలోనే కేంద్ర ప్రభుత్వం తలాక్‌ వ్యవహరాన్ని సీరియస్‌గా తీసుకుంది. ముస్లిం మహిళలు, మన భారతదేశ ఆచార వ్యవహారాలను గౌరవిస్తూ ట్రిపుల్‌ తలాక్‌ను దేశంలో రద్దు చేశారు. ఒక గౌరవప్రదమైన పదవిలో ఉన్న వ్యక్తి ట్రిపుల్‌ తలాక్‌కు మద్దతు తెలియజేయడంపై కేరళ రాష్ట్ర వ్యాప్తంగా అనేక మంది మండిపడుతున్నారు. కేవలం అధికారం, ఎన్నికల్లో ఓట్లు పొందడం కోసం ఇలాంటి వ్యాఖ్యలు చేయడం దారుణమని వాపోతున్నారు.

The post ట్రిపుల్‌ తలాక్‌ ఎందుకు నేరమవుతుంది.. కేరళ సీఎం పినరయి సంచలన వ్యాఖ్యలు! appeared first on Vishwa Samvad Kendra Andhra Pradesh.

“సమాజ సేవే … భగవత్ సేవ” అన్నది ఆయన ప్రగాఢ విశ్వాసం. 1905వ సంవత్సరం ఫిబ్రవరి 1వ తేదీన ఇల్లు వదిలి వెళ్లి భక్తి మార్గంలో పయనమయ్యారు. అప్పటి నుండి గాడ్గే రూపం మారిపోయింది. ఒంటి మీద చివికి పోయిన దుస్తులతో ఉండేవారు. అలాంటి దుస్తులను మరాఠీ భాషలో గొధాడే అని అంటారు. దాంతో ఆయనకు గోధాడే బాబా అన్న పేరు వచ్చింది. ఒక వెదురు కర్ర, చిన్న పాత్ర కూడా ఆయనతో ఉండేవి. వాటిని మరాఠీ భాషలో గాడ్గే అని అంటారు. అప్పటి నుంచి ఆయనకు గాడ్గేబాబా పేరు స్థిరపడి పోయింది. ఆ రూపంలో మహారాష్ట్ర అంతటా కాలి నడకన తిరుగుతూ… ప్రజలను కలుస్తూ వారికి హితబోధలు చేసేవారు. మరాఠీ ప్రజానీకం ఆయనను సుమారు 50 ఏళ్లపాటు తమ గురువుగా భావించింది. ప్రజలకు గాడ్గేబాబా బోధనలు చాలా సరళంగా హృదయానికి హత్తుకునేలా ఉండేవి. ముఖ్యంగా భక్త తుకారాం కీర్తనలను ఆలపించి వివరించే తీరు అందరినీ అలరించేది. గాడ్గే బాబా పండరీపురం, నాసిక్, ఆలంది వంటి అన్ని పుణ్యక్షేత్రాలను సందర్శించారు. “భగవంతుడు అనే వాడు ఒక్కడే ఉంటాడు. మానవులు, జంతువులు అన్న తేడా లేకుండా సృష్టిలోని అన్ని ప్రాణులనూ సమానంగా ప్రేమించడమే ఆయనను చేరుకోవడానికి ఉన్న ఒకే ఒక మార్గం” అన్నది గాడ్గేబాబా బోధనల సారాంశం. అంతే కాదు కుల వివక్ష, అంటరానితనం, బాల్య వివాహాలు, జంతు బలులు, మద్యపానం వంటి దుర్గునాలను తీవ్రంగా నిరసించారు. నీతి, నిజాయితీగా జీవించడం, పరిశుభ్రంగా ఉండటం ఎంతో ముఖ్యమని బోధించే వారు. ఒకసారి గాడ్గే బాబా ప్రవచనం చెబుతుండగా ఆయన కుమారుడు మరణించినట్టు వార్త వచ్చింది. ఈ వార్త విన్న ఆయన ఎంత మాత్రం తొనక లేదు. ఆ ఆవేదన కూడా అసలు మనసులోకి రానివ్వలేదు. ” ఈ ప్రపంచంలో రోజూ కోటాను కోట్ల జీవులు చనిపోతూ ఉంటాయి. వాటిలో ఒకే ఒక జీవి కోసం నేనెందుకు విలపించాలి ? అని ఆయన అనుకున్నారు. గాడ్గే బాబా కేవలం మాటలు మాత్రమే కాదు తాను ప్రవచించే బోధనలను ఆచరించి చూపేవారు. తనకు వచ్చిన విరాళాల మొత్తాన్ని ఆయన పండరీ పురం, నాసిక్, దేహూ, పూణే, ముంబయి తదితర చోట్ల నిరుపేదల కోసం అన్నదాన కేంద్రాలు, సత్రాలు, చలివేంద్రాలు, వృద్ధాశ్రమాలు నిర్మించారు. గాడ్గే బాబా వ్యక్తిత్వం ఎంతో విశిష్టమైనది. అణగారిన వర్గాల పట్ల అంతులేని అభిమానం, నిరుపేదలకు చేయూత నందించాలన్న తపన ఆ మహనీయుడు ప్రవచించిన బోధనలు నేటి తరానికి అనుసరణీయం.

The post “సమాజ సేవే … భగవత్ సేవ” – సంత్ గాడ్గే బాబా   appeared first on Vishwa Samvad Kendra Andhra Pradesh.

The post తిరుమలలో ముఖ గుర్తింపు సాంకేతికత appeared first on Vishwa Samvad Kendra Andhra Pradesh.

The post చార్ ధామ్ యాత్ర తేదీల ఖరారు.. ఏప్రిల్ 22 నుంచి ప్రారంభం appeared first on Vishwa Samvad Kendra Andhra Pradesh.

`గ్రీన్ సప్తగిరి` పేరుతో ఈ ఎలక్ట్రిక్ ఏసీ బస్సులను నడిపించనున్నారు. మలి విడతలో తిరుపతి-కడప, తిరుపతి-నెల్లూరు, తిరుపతి-మదనపల్లి మధ్య వీటిని రోడ్డెక్కించడానికి సన్నాహాలు చేపట్టారు. త్వరలోనే అవి అందుబాటులోకి రానున్నాయి. వేసవి సెలవుల నాటికల్లా ఆయా బస్సులను ప్రయాణికులకు తమ సేవలను అందించడానికి సిద్దం కానున్నాయి. ఇవి జీరో ఎమిషన్ బస్సులు. డీజిల్ కు బదులుగా విద్యుత్ ఛార్జింగ్ ద్వారా నడవనున్నాయి.

The post తిరుమలకు ఏసీ ఎలక్ట్రానిక్ బస్సులు.. వేసవి నేపథ్యంలో చర్యలు appeared first on Vishwa Samvad Kendra Andhra Pradesh.

రాష్ట్రీయ స్వయం సేవక్ సంఘ్ (ఆర్ఎస్ఎస్)పై కొందరు కల్పించిన అభూత కల్పనలు, అపోహలను ‘ఆర్ఎస్ఎస్ ప్రణాళిక-21వ శతాబ్దం కోసం’ పుస్తకం కచ్చితంగా తొలగిస్తుందని రాష్ట్ర ప్రభుత్వ పూర్వ ప్రధాన కార్యదర్శి ఎల్వీ సుబ్రహ్మణ్యం అన్నారు. ఆర్ఎస్ఎస్ అఖిల భారతీయ ప్రచార ప్రముఖ సునీల్ అంబేకర్ రచించిన ‘ఆర్ఎస్ఎస్ ప్రణాళిక-21వ శతాబ్దం కోసం’ పుస్తకావి ష్కరణ కార్యక్రమం విజయవాడ పుస్తక మహోత్సవంలో శుక్రవారం నిర్వహించారు. గొల్లపూడి మారుతీరావు సాహిత్య వేదికపై జరిగిన ఈ కార్యక్రమంలో ఎల్వీ సుబ్రహ్మణ్యం పుస్తకాన్ని ఆవిష్కరించారు. అనంతరం ఆయన మాట్లాడుతూ.. ఆర్ఎస్ఎస్ పనితీరు, దేశభక్తిని ప్రస్పుటించేలా పుస్తకం ఉందన్నారు. ఏ లక్ష్యంతో ఆర్ఎస్ఎస్ ఏర్పాటైందో? దేశ వ్యాప్తంగా ఉన్న శాఖలు ఏం చేస్తాయన్నది పుస్తకంలో ఉందన్నారు. శాస్త్రీయ దృక్పథంతో పరిశీలిస్తే ఆర్ఎస్ఎస్ ఆదర్శ భావజాలం ఈ పుస్తక రూపంలో ప్రతి ఒక్కరికీ అర్ధం అవుతుందన్నారు. సమాజ సేవ కోసం ఆరాట పడే ప్రతి ఒక్కరూ ఈ పుస్తకాన్ని చదవాలని కోరారు. భారతదేశంలో ఈ 21వ శతాబ్దంలో ఎలాంటి పౌర సమాజం ఉండాలి, ప్రజలకు ఎలాంటి హక్కులు ఉండాలి అనే విషయాలు ఈ పుస్తకంలో చక్కగా వివరించారన్నారు. సీనియర్ జర్నలిస్టు వల్లీశ్వర్ మాట్లాడుతూ… ఆర్ఎస్ఎస్ స్వరూపాన్ని ఆవిష్కరించిన తొలి పుస్తకం ఇదేనన్నారు.

పుస్తక రచయిత సునీల్ అంబేకర్ మాట్లాడుతూ… 2025 నాటికి ఆర్ఎస్ఎస్ ఏర్పాటై 100 సంవత్సరాలు అవుతుందన్నారు. ఏనాడూ పేరు కోసం ఆర్ఎస్ఎస్ తాపత్రయ పడలేదని, దేశ అభివృద్దే ఏకైక ఎజెండాగా పనిచేస్తోందన్నారు. ఆర్‌ఎస్‌ఎస్‌ ఎప్పుడూ దేశం బాగుండాలని, దేశాభివృద్ధి జరగాలని కోరుకుంటుందన్నారు. సంఘంలోని ఎంతో మంది సీనియర్‌ స్వయం సేవకులు.. అనేకమంది యువకులను ప్రోత్సహిస్తూ.. వారికి అన్ని విధాలుగా తోడుంటున్నరన్నారు. ఈ విధంగా సంఘం ఒక కుటుంబంగా విస్తరిస్తుందన్నారు. ఆర్‌ఎస్‌ఎస్‌ ఎప్పుడూ దేశం గురించి, ఇక్కడి ప్రజల యేగక్షేమాల గురించే ఆలోచిస్తుందన్నారు. యువకులందరూ కలిసి దేశాభివృద్దికి కృషి చేయాలన్నారు. ప్రతి సామాన్య వ్యక్తి కూడా ఆర్‌ఎస్‌ఎస్‌ భావజాలం అర్థం చేసుకోవచ్చాన్నారు. సాధారణ వ్యక్తులే ఎన్నో అద్భుతాలు చేస్తారని, వారు తలుచుకుంటే దేశంలో ఎన్నో మార్పులకు శ్రీకారం చుట్టవచ్చన్నారు. ఈ విషయాన్నే ఆర్‌ఎస్‌ఎస్‌ ఎప్పుడూ నమ్ముతుందన్నారు. ఈ సిద్దాంతం ప్రకారం పనిచేస్తుందన్నారు. ఆర్‌ఎస్‌ఎస్‌ ఫౌండర్‌ డాక్టర్‌ హెగ్డేవార్‌జీ ఆశయాల సాధన దిశగా ప్రతి ఒక్కరూ అడుగులు వేయాలన్నారు. ఒక ప్రత్యేక విధానం, ప్రణాళికతో దేశాభివృద్ది కోసం పనిచేస్తున్న ఏకైక సంఘం ఆర్‌ఎస్‌ఎస్‌ అని తెలిపారు. సంఘం ఓ విధానంతో పనిచేస్తుందన్నారు. 21వ దశాబ్దంలో దేశంలో అనేక సమస్యలు ఉత్పన్నమవుతున్నాయన్నారు. వాటన్నింటినీ ఎదుర్కొనేందుకు సిద్దంగా ఉండలన్నారు. చివరిగా ‘ఆర్ఎస్ఎస్ ప్రణాళిక-21వ శతాబ్దం కోసం’ పుస్తకాన్ని తెలుగులోకి అనువదించిన వెంకటేశ్వరరెడ్డి, అందుకు సహకరించిన వల్లీశ్వర్‌జీ, పబ్లిషర్‌ ఎమ్మెస్కో అధినేత విజయకుమార్‌కు ఆయన ధన్యవాదాలు తెలిపారు.

ఆర్ఎస్ఎస్ ప్రాంత ప్రచార ప్రముఖ బయ్యా వాసు మాట్లాడుతూ.. ఆర్‌ఎస్‌ఎస్‌ గురించి ఎవరికైనా అర్థం కావాలంటే సంఘలోకి ముందు ఆ వ్యక్తి ప్రవేశించాలన్నారు. ఆర్‌ఎస్‌ఎస్‌లో ఎలాంటి సభ్యత్వం, రాజీనామాలు ఉండవన్నారు. సంఘంలోకి ఎవరు వచ్చినా కుటుంబానుబంధం ఏర్పడుతుందన్నారు. ఈ దేశం ఎదుర్కొంటున్న సమస్యలకు పరిష్కారం ఇతర దేశాల్లో ఉండదని.. ఈ దేశంలోనే దానికి పరిష్కార మార్గం ఉందని ఈ విషయాన్ని ‘ఆర్‌ఎస్‌స్‌ 21వ శతాబ్ధ ప్రణాళిక పుస్తకం’లో అంబేకర్‌జీ విపులంగా వివరించారన్నారు. ఆర్‌ఎస్‌ఎస్‌ వర్థిల్లాలి, జిందాబాబ్‌ అనే వాల్‌రైట్‌లు ఎక్కడా ఉండవని.. కేవలం భారత్‌ మాతాకీ జై,, వందేమాతరం అనే నినాదాలు మాత్రమే సంఘ్‌ సభ్యులు చెబుతారన్నారు. ఆర్‌ఎస్‌ఎస్‌ గురించి తెలుసుకోవాలంటే కేవలం పుస్తకం మాత్రమే చదివితే సరిపోదని.. సంఘంలోకి ప్రవేశించి కొన్నాళ్లు ప్రత్యక్షంగా తెలుసుకోవాలన్నారు. కేవలం 26 మంది సభ్యులతో ఏర్పడి ఎటువంటి లిఖిత రాజ్యాంగం లేని సంఘం ఏదైనా ఈ దేశంలో ఉందంటే అది ఆర్‌ఎస్‌ఎస్‌ అని ఆయన స్పష్టం చేశారు. దేశ నిర్మాణం, నిజమైన చరిత్రను వెలికితీసే పనిలో నేడు స్వయం సేవకులు ఉన్నారన్నారు. చరిత్రలోని ముఖ్యమైన ఘట్టాలను వెలికితీయాలని ఏబీవీపీ విద్యార్థులు నిరంతంర పోరాటం చేస్తున్నారన్నారు. హిందుత్వం అంటే జాతీయ నినాదమని తెలిపారు. కులాల మధ్య వ్యత్యాసాలను తొలగించడమే ఆర్‌ఎస్‌ఎస్‌ ముఖ్య లక్ష్యమన్నారు.

ఎమెస్కో అధినేత విజయకుమార్ మాట్లాడుతూ.. 1963లో త్రివిధ దళాలు, ఎన్‌సీసీ, ఎన్‌ఎస్‌స్‌, ఇతర సంస్థలతోపాటు ఆర్‌ఎస్‌ఎస్‌ కార్యకర్తలకు కూడా మార్చింగ్‌ చేసే అవకాశం జవహర్‌లాల్‌ నెహ్రూ కోరారు. దివిసీమ ఉప్పెన సమయంలో కూడా సంఘం అనేక కార్యక్రమాలు చేసింది. ఎలాంటి విపత్తులు వచ్చినా ఆర్‌ఎస్‌ఎస్‌ ముందుంటుందని తెలిపారు. ప్రపంచంలోనే అనేక సంస్థలు ఉన్నప్పటికీ ఆర్‌ఎస్‌ఎస్‌కు ఓ ప్రత్యేకమైన గుర్తింపు ఉందన్నారు. సంఘంలో ఎవరి కులం గురించి ఎవరూ అడగరు. మహాత్మా గాంధీ, అంబేడ్కర్‌ కూడా సంఘంలోని సేవకుల్లో ఉన్న క్రమశిక్షణ చూసి ఆశ్చర్యపోయారు. ఆర్‌ఎస్‌ఎస్‌లో కేవలం సేవకులు మాత్రమే కాదు.. స్వయం సేవికలు కూడా ఉన్నారు. తల్లుల దగ్గర నుంచే వీరు అన్ని విద్యలు నేర్చుకుంటున్నారు.

ఆర్‌ఎస్‌స్‌ 21వ శతాబ్ధ ప్రణాళిక పుస్తకం తెలుగు అనువాదకులు వెంకటేశ్వరరెడ్డి మాట్లాడుతూ.. ఒక గొప్ప పుస్తకాన్ని తెలుగులోకి అనువాదం చేసే అవకాశం రావడం అదృష్టంగా భావిస్తున్నానన్నారు. ఈ అనువాద ప్రక్రియలో సహకరించిన అందరికీ ధన్యవాదాలు తెలిపారు. అఖిల భారతీయ ఆర్‌ఎస్‌ఎస్‌ ప్రచార ప్రముఖ్‌ సునీల్‌ అంబేకర్‌జీ రచించిన ”ఆర్‌ఎస్‌స్‌ 21వ శతాబ్ధ ప్రణాళిక పుస్తకం” చదివిన వెంటనే ఎంతో ఉత్సాహం, ఆసక్తిని రేకెత్తించాయని తెలిపారు. ఇలాంటి మంచి పుస్తకం మరెందరికో చేరువకావాలనే ఉద్దేశంలో అనువాదం చేసేందుకు సంకల్పించానని తెలిపారు. ఈ ప్రక్రియలో ఎలాంటి సొంత భావజాలానికి అవకాశం ఇవ్వకుండా.. కేవలం అనువాదం మాత్రమే చేశానని ఆయన వివరించారు.

The post ఆర్‌ఎస్‌ఎస్‌ పేరు కోసం పనిచేయదు.. దేశం కోసం మాత్రమే పనిచేస్తుంది – అఖిల భారతీయ ప్రచార ప్రముఖ్‌ సునీల్ అంబేకర్ appeared first on Vishwa Samvad Kendra Andhra Pradesh.

బ్రహ్మోత్సవాలలో జరిగే పూజా కార్యక్రమాలు ఇవీ..
►21వ తేదీ ఉదయం 10గంటలకు విష్వక్సేన ఆరాధన, స్వస్తీవాచనం, రక్షాబంధనం, సాయంత్రం మృత్సంగ్రహణం, అంకురారోహన జరిపిస్తారు.

►22న ఉదయం 8గంటలకు అగ్నిప్రతిష్ఠ, 11గంటలకు ధ్వజారోహణం, సాయంత్రం 6.30గంటలకు భేరీపూజ, దేవతాహ్వానం, హవనం.

►23న ఉదయం అలంకార, వాహన సేవలకు శ్రీకా రం చుడతారు. ఉదయం 9గంటలకు మత్సా్యవతార అలంకార సేవ, వేదపారాయణం. రాత్రి 7గంటలకు శేష వాహన సేవ ఉంటుంది.

►24న ఉదయం 9గంటలకు వటపత్రశాయి అలంకార సేవ, రాత్రి 7గంటలకు హంస వాహన సేవ.

►25న ఉదయం 9గంటలకు శ్రీకృష్ణాలంకార సేవ. రాత్రి 7గంటలకు పొన్న వాహన సేవ.

►26న ఉదయం 9గంటలకు గోవర్ధనగిరిధారి అలంకార సేవ, రాత్రి 7గంటలకు సింహ వాహన సేవ.

►27న ఉదయం 9గంటలకు జగన్మోహిని అలంకా ర సేవ. రాత్రి 7గంటలకు అశ్వవాహన సేవ, అ నంతరం శ్రీస్వామి వారి ఎదుర్కోలు ఉత్సవం.

►28న ఉదయం 9గంటలకు శ్రీరామ అలంకార (హనుమంత వాహనం) సేవ. రాత్రి 8గంటల నుంచి గజవాహన సేవ, శ్రీస్వామి అమ్మవార్ల తిరుకల్యాణోత్సవం.

►మార్చి 1వ తేదీన ఉదయం 9గంటలకు గరుడ వాహన సేవ. రాత్రి 7గంటల నుంచి దివ్య విమాన రథోత్సవం.

►2వ తేదీన ఉదయం 10.30గంటలకు మహా పూర్ణాహుతి, చక్రతీర్థం. సాయంత్రం 6గంటలకు శ్రీపుష్పయాగం, దేవతోద్వాసన.

►3వ తేదీన ఉదయం 10గంటలకు శ్రీస్వామి వారికి అష్టోత్తర శతఘటాభిషేకం, రాత్రి 9గంటలకు శ్రీస్వామి వారి శృంగార డోలోత్సవంతో ఉత్సవాలు సమాప్తి అవుతాయి.

ఉత్తర మాడవీధిలో కల్యాణం.. 
యాదాద్రి శ్రీలక్ష్మీనరసింహస్వామి కల్యాణోత్సవాన్ని వైభవంగా నిర్వహించేలా అధికారులు చర్యలు తీసుకుంటున్నారు. ఇందులో భాగంగానే ప్రధానాలయ ఉత్తర మాడవీధిలో తిరు కల్యాణ వేడుకను నిర్వహించనున్నట్లు అధికారులు ఆహ్వాన పత్రికలో తెలియజేశారు. ఈ కల్యాణోత్సవంలో పాల్గొనే భక్తులు రూ.3,000 చెల్లించి శ్రీస్వామి వారి ఆశీస్సులు పొందాలని అధికారులు కోరుతున్నారు.

The post 21 నుంచి యాదాద్రి బ్రహ్మోత్సవాలు ప్రారంభం appeared first on Vishwa Samvad Kendra Andhra Pradesh.

ఉదయం 5 నుంచి రాత్రి 9 గంటల వరకు..
దుర్గగుడికి మొత్తం తొమ్మిది బస్సులు ఉన్నాయి. వాటిలో నాలుగు బస్సులను రోజూ విజయవాడ రైల్వేస్టేషన్, పండిట్‌ నెహ్రూ బస్టాండ్‌ నుంచి దుర్గగుడి పైకి నడుపుతున్నారు. మరో మూడు బస్సులను కొండ దిగువన ఉన్న దుర్గాఘాట్‌ నుంచి కొండ పైకి నడుపుతున్నారు. రెండు బస్సులను స్టాండ్‌ బైలో ఉంచి పండుగలు, పర్వదినాలు, రద్దీ సమయాల్లో వినియోగిస్తున్నారు. రోజూ ఉదయం 5 నుంచి రాత్రి 9 గంటల వరకు రైల్వేస్టేషన్, బస్టాండ్‌–దుర్గగుడి మధ్య బస్సులు రాకపోకలు సాగిస్తుంటాయి. సాధారణ రోజుల్లో 16 సార్లు, పండుగలు, ప్రత్యేక రోజుల్లో 20 సార్లు బస్సులు తిరుగుతాయి. దుర్గాఘాట్‌ నుంచి కూడా అదే స్థాయిలో బస్సు సర్వీసులు నడుపుతారు. నిత్యం 30వేల నుంచి 40 వేల మంది, శుక్ర, ఆదివారాల్లో 50 వేల నుంచి 60 వేల మంది భక్తులు అమ్మవారిని దర్శించుకుంటున్నారు. వీరిలో సాధారణ రోజుల్లో 4 వేల నుంచి 5 వేల మంది, శుక్రవారం, ఆదివారం, ఇతర ప్రత్యేక రోజుల్లో 7 వేల నుంచి 10 వేల మంది వరకు దేవస్థానం బస్సుల్లో ఇంద్రకీలాద్రిపైకి చేరుకుంటారు. బస్టాండ్, రైల్వేస్టేషన్, దుర్గాఘాట్‌ నుంచి కేవలం రూ.10 మాత్రమే టికెట్‌ వసూలు చేస్తారు. దీంతో దేవస్థానానికి ఏడాదికి సుమారు రూ.4 కోట్ల మేర ఆదాయం వస్తుండగా, ఆయిల్, రిపేర్లు, జీతాలు ఇతర ఖర్చులు మినహాయించినా రూ. కోటి మేరకు నికర ఆదాయం వస్తుంది.

భక్తులకు ఆర్థికంగా ఉపశమనం..
కరోనాకు ముందు రెండు బస్సుల్లో భక్తులకు ఉచిత ప్రయాణ సదుపాయం కల్పించారు. కరోనా తర్వాత దానిని రద్దు చేశారు. తాజాగా మొత్తం ఏడు బస్సుల్లోనూ ఉచిత ప్రయాణానికి అనుమతించాలని ప్రతిపాదనలు రూపొందించారు. ఈ నిర్ణయం అమల్లోకి వస్తే వచ్చే భక్తులకు ఆర్థికంగా ఉపశమనం కలుగుతుందని దేవదాయ కమిషనర్‌ హరిజవహర్‌లాల్‌ పేర్కొన్నారు.

The post దుర్గగుడి బస్సుల్లో ఉచిత ప్రయాణం.. టికెట్ల రద్దు కోసం ప్రతిపాదన! appeared first on Vishwa Samvad Kendra Andhra Pradesh.

ప్రపంచ ప్రఖ్యాతి గాంచిన ప్రాచీన హైందవ క్షేత్రాలలో ఒకటి చెప్పుకునే ఆలయం త్రిపురాంతక పుణ్యక్షేత్రం. ఇక్కడ త్రిపురాంబా సమేతుడైన త్రిపురాంతకేశ్వరస్వామి, బాలాత్రిపురసుందరీ అమ్మవారు ఇద్దరు స్వయం వ్యక్తముగా వెలిశారు. కుమారగిరిపై ఈ త్రిపురాంతకేశ్వరుడి ఆలయం భక్తుల పాలిట కొంగుబంగారమై విరాజిల్లుతుంది. త్రిగుణాలను భస్మం చేసిన రూపమే త్రిపురాంతకేశ్వర స్వరూపము. శివుడు ఏకాదశ రుద్ర స్వరూపుడు. భారతదేశంలోని ఏకాదశ శివక్షేత్రాలలో త్రిపురాంతకక్షేత్రం అత్యంత ప్రాముఖ్యత కలది. త్రిపురాంతకం శ్రీశైలానికి తూర్పు ద్వారంగా ప్రసిద్ది గాంచినది. ఈ క్షేత్రానికి కుమారగిరి అని కూడా పిలుస్తుంటారు.

ఈ క్షేత్రంలోని త్రిపురగిరిపై ఆవిర్భవించిన త్రిపురాంబదేవి సహిత త్రిపురాంతకేశ్వర స్వామి. సాక్షాత్తు వ్యాస భగవానులు స్కాంధ పురాణంలో త్రిపురాంతక క్షేత్ర మహత్యాన్ని, ఔన్నత్యాన్ని చెప్పారు. స్కంధ పురాణం, బసవపురాణం, పండితారాధ్య చరిత్ర, శివతత్వ సారము, రసరత్నాకరం, నాగార్జున తంత్రం వంటి అనేక ప్రామాణిక గ్రంథాలలో త్రిపురాంతక క్షేత్ర ప్రాసశ్త్యం, ఔన్నత్యాన్ని కొనియాడారు. యజుర్వేదంలోని రుద్రాద్యాయంలో త్రిపురాంతకుని నామ ప్రస్తావనను బట్టి ఈ క్షేత్రం వేదకాలం నాటిదని పండితుల అభిప్రాయం. త్రిపురాసురులను సంహరించినందున ఈక్షేత్రం త్రిపురాంతకంగాను, శివుడు త్రిపురాంతకేశ్వరుడిగాను కీర్తించబడుతున్నాడు. శివుడు త్రిపురాంతకేశ్వరుడై కుమారగిరి అంతర్భాగమున రస లింగంగాను, స్వయం భూవై ఆవిర్భవించినట్లు ప్రతీతి. దేవతలు, ఋషులు, సిద్ధులు సూక్ష్మ రూపంలో వచ్చి స్వామిని అర్చిస్తారని ఇక్కడి భక్తుల విశ్వాసం ఈ రస లింగాన్ని కేంద్రంగా చేసుకొని ఉపరితలంలో శ్రీ చక్ర పీఠమును ఏర్పరిచి దానిపై ఆలయ నిర్మాణం చేశారు. పైభాగమున బ్రహ్మ జల లింగాన్ని ప్రతిష్టించారని ప్రతీతి. ఈ లింగానికి అభిషేకించిన జలం భూగర్భంలో ఉన్న త్రిపురాంతకేశ్వరునికి చేరుతుందని ఉపాసకులు చెబుతుంటారు. త్రిపురాంతకేశ్వరస్వామి దేవాలయ ప్రాంగణంలో అపరాజితేశ్వరలింగం, యజ్ఞేశ్వరలింగం, మారుతిలింగం, ఉగ్రేశలింగం, శివలింగాలు ఉన్నాయి. దేవాలయానికి నైరుతి భాగంలో చీకటి గృహ ఉంది. దీనిని అగస్త్య మహర్షి నిర్మించారని భక్తులు విశ్వసిస్తారు. ఇక్కడ నుంచి శ్రీశైలానికి సొరంగ మార్గం ఉన్నట్లు పురాణాల్లో ఉంది. గృహ లోపలి భాగంలో భూగర్భంలో పాతాళేశ్వరుడుగా పిలువబడే శివలింగం ఉంది. త్రిపురాంతకేశ్వరస్వామి ఆలయానికి దక్షిణ భాగాన చెరువులో బాలాత్రిపుర సుందరీదేవి ఆలయం ఉంది. ఇక్కడి అమ్మవారిని చిదగ్నిగుండ సంభూతగా, కదంబ వనవాసినిగా పిలుస్తారు. త్రిపురాసుర సంహారం సమయంలో శివుడు ఈ తల్లిని ప్రార్ధిస్తే శివ ధనస్సును ఆమె శక్తి ఆవహించి త్రిపురాసురుని సంహరించిందని, రుగ్వేదంలో పొందుపరచినట్లు పురాణాల్లో ఉంది. గుండంలో బాలాత్రిపురసుందరీదేవి అమ్మవారు నిర్గుణ శిలాకారంలో ప్రకాశిస్తూ ఉంటుంది. ఈ ఆలయం ప్రకాశం జిల్లాలో ఉంది.

ఈ ఆలయంలో మహాశివరాత్రి సందర్భంగా స్వామివారికి ఐదురోజులపాటు, విజయదశమి సందర్భంగా అమ్మవారికి తొమ్మిది రోజులపాటు నవరాత్రులు, ఉగాది సందర్భంగా నవరాతుల్రు, స్వామివారికి గ్రామోత్సవం, వైశాఖపౌర్ణమికి, శ్రావణపౌర్ణమికి అమ్మవారికి లక్షపుష్పార్చన, నవధాన్యార్చన, స్వామివారికి లక్షబిల్వార్చన నిర్వహిస్తారు. ప్రతి అమావాస్యకు చిన్నమస్తాదేవికి నిమ్మకాయలపూజలు, ప్రత్యేక సందర్భాలలో చండీహోమం, రుద్రహోమం, సహస్రచండీ, రుద్రచండీ పూజలు జరుగుతాయి. నిత్యం అమ్మవారికి అభిషేకం, ప్రాతఃకాలపూజలు, బాలబోగం, కుంకుమార్చనలు, అష్ఠోత్తరాలు, ఖడ్గమాల పూజలు నిర్వహిస్తారు. ఈ ఏడాది మహాశివరాత్రి సందర్భంగా ఈ నెల 16 నుంచి 22 వరకు ఆలయంలో ఉత్సవాలు నిర్వహిస్తారు. ఈనెల 18న ఉదయం 3 గంటలకు స్వామివారికి ఏకాదశ రుద్రాభిషేకాలు, అమ్మవారికి కుంకుమార్చనలు, 12.30 గంటలకు కళ్యాణోత్సవం, 3 గంటలకు అలయ ఉత్సవం నిర్వహిస్తారు. 20న మధ్యాహ్నం 3 గంటలకు రధాంగహోమం, రధాంగబలి, రధోత్సవం, 21న బలిహరణ, పూర్ణాహుతి, మూకబలి, 22న రాత్రి 8 గంటలకు శయనోత్సవంతో ఉత్సవాలు ముగుస్తాయి…

ఆలయ ప్రత్యేకతలు ఇవే… 

శ్రీచక్ర ఆధారిత నిర్మాణమైన ప్రపంచంలోని ఏకైక శివాలయం త్రిపురాంతకేశ్వరాలయం. ఈ క్షేత్రంలోనే ఆదిశంకరాచార్యులు లలితా సహస్త్రనామం రచించినట్లు కొన్ని పురాణాలు పేర్కొంటున్నాయి. ప్రపంచంలో ఏ శివాలయంలో మంత్రాలు చదవాలన్నా ‘నమస్తే అస్తు భగవాన్‌, విశ్వేశ్వరాయ, మహాదేవాయ, త్రిపురాంతకాయ, త్రికాయ, కాలాగ్నిరుద్రాయ, నీలకంఠాయ, మృత్యుంజయాయ, సర్వేశ్వరాయ, సదాశివాయ, శ్రీమత్‌ మహాదేవాయ’ అని త్రిపురాంతకేశ్వరస్వామి నామాన్ని పటిస్తుంటారు. ఈ క్షేత్రంలో కనిపించే కదంబ వృక్షాలు కాశి క్షేత్రంలో మాత్రమే కనిపిస్తాయి.

The post త్రిపురాంతక క్షేత్రాన్ని ఓ సారి చూతుము రారండి.. ! appeared first on Vishwa Samvad Kendra Andhra Pradesh.